Қазақша рефераттар

Астана туралы өлеңдер

Сабақ туралы қысқаша мәлімет

Сынып

1-сынып

Пән

Дүниетану

Тақырып

Астана

Сабақ түрі

Саяхат сабақ

Әдістер

  • Түсіндіру
  • Топтастыру
  • Сұрақ-жауап

Көрнекілік

  • Слайд
  • Суреттер
  • Сызбалар

Сабақтың мақсаты

1) Танымдық және азаматтық жауапкершілік

Тәуелсіз жас мемлекетіміздің өркениетті ел ретінде әлемге танылуына үлес қосқан жаңа Астананың маңызын ұғындыру. Оқушылардың болашаққа жауапкершілікпен қарауын арттыру.

2) Тәрбиелік бағыт

Балаларды Отанын сүюге, қадірлеуге және адал болуға тәрбиелеу.

Сабақ барысы

I. Ұйымдастыру кезеңі

Сабаққа әзірлік және жағымды көңіл күй қалыптастыру.

  1. «Мендегі бүгінгі жаңалық» (қысқа бөлісу)
  2. Сабаққа тілек айту

II. Үй тапсырмасын тексеру

Ізденіс жұмысы және сұрақ-жауап арқылы білімді пысықтау.

1) Ізденіс жұмысы

Оқушылар үш топқа бөлініп, өз тапсырмаларын қорғайды: I топ, II топ, III топ.

2) Сұрақ-жауап (үлгі сұрақтар)

Елімізде көлдер, таулар, қалалардан басқа нелер бар?
Зауыттар, фабрикалар, мұнай өндіру, көмір шығару, бағалы аңдар, дәрілік шөптер.
Қазақстан жер көлемі бойынша нешінші орында?
Өте үлкен мемлекет, әлемде 9-орында.
Осы айтқандардың бәрін қосып қалай атаймыз?
Біздің Отан.
Неліктен Отанды анаға теңейміз?
Өйткені Отан анамыздай қорғайды, қолдайды, күш береді.
Отанымыздың табиғат байлығын сақтау дегенді қалай түсінесің?
Табиғатты қорғауға өз үлесімізді қосу; білім алып, туған өлкенің табиғатын терең танып-білу.
Отан туралы қандай өлең жолдарын білесіңдер?

Отан – менің ата-анам,

Отан – досым, бауырым.

Отан – өлкем, астанам,

Отан – туған ауылым.

Отанды біз атамекен

Деп аялап атаймыз.

Өйткені оны мекен еткен

Бабамыз бен атамыз.

Еліміздің басшысы кім?
Н. Ә. Назарбаев.

III. Жаңа сабақ: «Астана»

Ой қозғау, мәтінмен жұмыс және «саяхат» форматындағы тапсырмалар.

1) Логикалық ойлау: қала атауын табайық

«Мен қазір бір қала туралы айтамын. Ойланыңдар, ол қай қала? Біздің Отанымызда әр адам “Менің қалам” деп атайтын бір қала бар. Барлық жолдар сол қалада тоғысады. Суымен де, ауасымен де, жерімен де адамдар сол қалаға асығады. Мұражайларын, әсем ғимараттарын көруге ұмтылады. Бұл – Қазақстанның ең ірі әрі басты қаласы».

Жауап: Астана.

2) Астана туралы түсінік

Астана – Қазақстан Республикасының саяси, әкімшілік және мәдени орталығы. Қала Қазақстанның солтүстігінде, Есіл өзенінің оң жағалауында орналасқан.

Астана алғашында Ақмола аталып, кейін тың жерлерді игеру кезеңінде Целиноград деген атауға ие болды.

Негізгі ой

«Отанымыздың жүрегі – Астана!»

Қала үнемі өзгеріп, жаңарып келеді: бой көтерген ғимараттар мен тұрғын үйлер, көгалданған көшелер, өсіп жатқан халық саны – соның дәлелі.

Ақ орда, алтын бесік – Астанамыз. Сан жырды саған ғана ақтарамыз. Өзгеден мәртебесі биік тұрған Астана, өзіңмен мақтанамыз.

3) Мәтінмен жұмыс

  • Тізбектей оқу

    Оқушылар мәтінді кезекпен оқиды.

  • Сұрақ-жауап

    Мәтіннен негізгі ойды табу және дәлелдеу.

  • Картамен жұмыс

    Картадан Астананы көрсету.

Мәтін бойынша сұрақтар

  • Мәтінде Астана туралы не айтылған?
  • Қаланың бұрынғы атаулары қандай?
  • Қандай көрікті ғимараттар аталады?

4) «Саяхат» ойыны: Астанаға жол

Енді Астанаға саяхатқа шығамыз. Картада Тараздан Астанаға қашықтық жақын көрінгенімен, жол ұзақ. Сондықтан бізге көлік қажет.

Сұрақ

Қандай көлік түрлерін білесіңдер?

Шешім

Астанаға тез жету үшін ұшақпен барамыз.

5) Сергіту сәті (елестету)

  1. Көзімізді жұмып, ұшаққа отырғанымызды елестетеміз.
  2. «Ұшып келеміз», көзімізді ашамыз.
  3. Барынша керіліп, «ұшақтан түсеміз».

6) Астананың көрікті орындары (саяхат аялдамалары)

Президент сарайы

Астанадағы басты ғимараттардың бірі – Президент сарайы. Мұнда ел басшысы Н. Ә. Назарбаев жұмыс істеген. Сарайда Қазақстан Республикасының мемлекеттік рәміздері де орналасқан.

Нұр-Астана мешіті

Нұр-Астана мешіті – мұсылмандардың ғибадат ететін орны.

Бәйтерек

Бәйтерек – Астананың нышандарының бірі. Аңыз бойынша самұрық құс алып ағаштың басына жыл сайын алтын жұмыртқа салады, ал айдаһар-жылан өрмелеп барып балапанды жұтып қояды. Ер Төстік айдаһарды садақпен атып, балапанды құтқарады.

Авторы

Н. Ә. Назарбаев

Биіктігі

97 метр

Ерекшелігі

Ішінде «алтын қолтаңба» композициясы бар

Шығармашылық тапсырма

Қағазға алақаныңның суретін салып, ішіне өз арманыңды жаз.

Пирамида

Бейбітшілік пен келісім сарайы (Пирамида) – ынтымақ пен татулықты дәріптейтін сәулет нысаны.

Ой-түйін (топтық жұмыс)

  • I топ: Қазақстан Республикасының рәміздері
  • II топ: Отан туралы мақал-мәтелдер
  • III топ: Астана туралы өлеңдер

7) Бояу және тілек жазу

  • Оқушыларға берілген гүл суреттерін түрлі түске бояу.
  • Астананың туған күніне арнап тілек жазу.

8) Сабақты бекіту

Рефлексия

Бүгінгі сабақ ұнады ма? Несімен?

Нәтиже

Не үйрендік, не білдік?

Көңіл күй

Қазіргі көңіл күйіміз қандай?

Қорытынды

Құлашын кеңге жайған Астанада жоғары білім алатын, елдің тірегі болатын болашақ – өздерің. Келешек жастардікі. Сондықтан осы әсем мектептен сапалы білім алып, тәрбиелі азамат болып өсіп, Астанамыздың асқақтап, көркейе беруіне өз үлестеріңді қоса беріңдер.

Бүгін біз Отанымыздың жүрегі – Астана туралы мағлұмат алдық. Өркендеген Қазақстанға үлгілі тәртібімізбен, үлкенді сыйлауымызбен, талмай ізденіп, талаптануымызбен үлес қосамыз.

Қорытынды ән

Хор: «Менің Қазақстаным»