Қазақша рефераттар

Матрешканың жартыларын қос

Сабақ туралы қысқаша ақпарат

Сынып
5-сынып
Сабақтың тақырыбы
PAINT графикалық редакторы (презентациямен)
Сабақтың типі
Практикалық сабақ
Пәнаралық байланыс
Бейнелеу өнері, қазақ тілі, дизайн

Сабақтың мақсаты

Paint редакторының мүмкіндіктерін жүйелеу, практикалық дағдыларды дамыту және шығармашылық жұмыс арқылы оқушылардың қызығушылығын арттыру.

Білімділік

Оқушылардың Paint редакторы туралы түсініктерін жинақтау, білімдерін бақылау және бағалау.

Дамытушылық

Ойлау қабілетін, компьютерлік сауаттылық пен іскерлікті дамыту; алған білімді практикада қолдануға үйрету; танымдық белсенділік пен логикалық сауаттылықты жетілдіру.

Тәрбиелік

Білімге, пәнге және шығармашылыққа қызығушылықты тәрбиелеу; топпен бірлесе жұмыс істеуге, тәртіптілікке және ұқыптылыққа баулу; шығармашыл тұлғаны қалыптастыру.

Сабақтың барысы

Ұйымдастыру кезеңі

Сәлемдесу, құрал-жабдықтарды дайындау, сабақ мақсатын қысқаша таныстыру.

Үй тапсырмасын тексеру

  • 1) Интеллект-карта
    Алдыңғы тақырып бойынша интеллект-картаны құрастырыңыз (жалғастырыңыз).
  • 2) «Гүл теру» ойыны
    Сұрақтарға жауап беру арқылы негізгі ұғымдарды қайталау.
  • 3) Жағдаяттық тапсырма: «Мысық сұрақ қояды»

    Мысық бірнеше күн қатарынан Paint графикалық редакторында сурет салып жүр. Ол суретті Күшіктің туған күніне сыйламақ. Сурет дайын болайын дегенде, бояуы төгіліп, бүкіл суретті жауып кетті. Жаңадан сурет салуға уақыты жоқ. Оған қалай көмектесеміз? Соңғы әрекетті қалай қайтаруға болады?

    Кеңес бергендеріңе Мысық қуанып, бір рет орындаудың орнына әрекетті үш рет қайтарып, суреттің ең маңызды бөліктерін жоғалтып алды. Ол қайтадан мұңайып отыр. Енді оған қалай көмектесеміз? Орындалған әрекетті қалай кері қайтарамыз?

    Түйінді ұғым
    Болдырмау (Undo)
    Түйінді ұғым
    Қайта орындау (Redo)

Практикалық жұмыс

Тапсырмалар Paint құралдарын саналы қолдануға, үзінділермен (таңдау, жылжыту, көшіру) жұмыс істеуге және мәтін енгізуге бағытталған.

№1 тапсырма: «Қарақшы»

Үзінділерді жылжыту + мәтін
  1. Үзінділерді жылжыту арқылы қарақшыны киіндіріңіз.
  2. Содан кейін киімін қайта ауыстырып көріңіз (таңдау, жылжыту, қажет болса болдырмау/қайта орындау пәрмендерін қолданыңыз).
  3. Суретке төмендегі мәтінді енгізіңіз:

— Қарақшы, қарақшы, қызық екен қалпағың.
Жейдең де бүгін өзгеше, киіп алдың сен неге?
— Мен шалғында ойнаймын, қалпақпен көбелек ұстаймын.

№2 тапсырма: «Қуыршақтар (матрешкалар)»

Пішіндер + көшіру + созу/еңкейту
  1. Сызық, Қисық сызық, Дөңгеленген тік төртбұрыш құралдарының көмегімен ең үлкен матрешканың жартысын салыңыз.
  2. Оны көшіріп, сол жаққа бейнесін түсіріңіз.
  3. Матрешканың екі жартысын біріктіріңіз.
  4. Бірінші матрешканы тағы төрт рет көшіріңіз.
  5. Созу және Еңкейту командалары арқылы әр көшірменің өлшемін өзгертіңіз (кішірейтіңіз).
  6. Үзінділерді жылжыту арқылы матрешкаларды бойына қарай бір қатарға орналастырыңыз.

№3 тапсырма: «Жарнама агенттігі»

Шығармашылық жұмыс

Өздеріңізді жарнама жасайтын агенттіктің қызметкері деп елестетіңіздер. Сіздерге әртүрлі нысандардан тапсырыс түсті: ойыншықтар дүкені, гүлдер салоны, ыдыс-аяқ дүкені, электроника әлемі, кондитер өнімдері дүкені және т.б.

Өзіңізге ұнаған бір тақырыпты таңдап, Paint редакторының мүмкіндіктерін барынша пайдаланып, жарнама макетін жасаңыз.

Міндетті элемент
Тақырып пен ұран
Міндетті элемент
Сурет/пішіндер
Міндетті элемент
Байланыс/баға

Рефлексия

Талқылау сұрақтары

  1. Бүгінгі сабақта Paint туралы не білдіңіздер?
  2. Графикалық редактордың қай ерекшелігі сіздерді таңғалдырды?

Сөйлемді аяқтаңыз

  • Бүгінгі сабақта маған __________ қызықты болды.
  • Бүгінгі сабақта маған __________ ұнады.
  • Бүгінгі сабақта маған __________ қиын болды.
  • Бүгін сабақта мен __________ үйрендім.
  • Бүгінгі сабақ маған __________ көрсетті.
  • Болашақта мен __________.

Үй тапсырмасы және қорытынды

Үй тапсырмасы

  • «Қыс» тақырыбына композиция ойластырып келу.
  • Үзінділермен жүргізілетін әрекеттер тақырыбын қайталау.

Бағалау

Практикалық жұмыстың орындалуы, құралдарды дұрыс қолдануы, ұқыптылық және шығармашылық шешім бойынша бағаланады.

Сабақты аяқтау

Жұмыстарды сақтау, нәтижелерді қысқаша талқылау, келесі сабаққа нұсқаулық беру.