Білім беру саласы

Шығармашылық

Ұйымдастырылған оқу қызметі

Ән-саз

Тақырыбы

Электроника әлемі

Бағыты

Музыка тыңдау • Ән айту • Ырғақты қимыл

Мақсаты

Музыкалық тыңдау және ажырату

Түрлі қарқындағы музыканы тыңдау және мазмұнына назар аудару.
Музыканың дыбысталуын «баяу – қатты» деп ажырату.
Ритм мен тактіні сақтай білу.

Ән айту және қимыл-қозғалыс

Әнді таза, түсінікті әрі көңілді орындау.
Күш түсірмей, табиғи дауыспен айтуға дағдылану.
Музыкаға сай ырғақты жүру және жүгіру қимылдарын орындау.

Сабақтың барысы

Мотивациялық-қозғаушы кезең

Балалар залға көңілді «Кел, билейік» әуенімен кіреді.

Шеңбер бойымен жүріп, өз орындарына келіп тұрады.

Жетекші әуендете отырып балалармен амандасады.

Ән айтуға кіріспес бұрын, балалар дауыс жаттықтыруға арналған қысқа жаттығу-әнді орындайды.

Ұйымдастырушылық-ізденістік кезең

Тақырыппен таныстыру

Балалар күнделікті өмірде қолданылатын электроникамен танысады. Мұғалім теледидар, компьютер, шамдар, магнитофон және фортепиано сияқты құралдардың электроника әлеміне жататынын түсіндіреді.

Жаңа ән

«Қане, қызық ойын бар»

Музыкасы: А. Роомере

Сөзі: И. Сапарбай

Жетекші әнді әуенімен орындап береді.

Балалар әнді мұқият тыңдайды.

Ән мәтіні бірге қайталанып, дұрыс айтылуына көңіл бөлінеді.

Музыкалық-ырғақты қимыл-қозғалыс

Балалар шеңбер бойымен қозғалып, музыка ырғағына сай қимылдарды орындайды. Қозғалыстар ритм мен тактіні сақтауға бағытталады.

Рефлексиялық-түзетушілік кезең

Балалар бүгінгі оқу қызметінде қандай әндер орындалғанын еске түсіреді.

Әндердің сөздерін қайталап, жаттауға тапсырма беріледі.

Күтілетін нәтиже

Біледі

Музыканың «баяу – қатты» дыбысталуын ажыратады.
Күш түсірмей, табиғи дауыспен айтудың маңызын түсінеді.

Игереді

Электроника әлемі туралы түсінігін толықтырады.
Музыканы тыңдау мәдениетін қалыптастырады.

Меңгереді

Музыкаға сай ырғақты қимылдарды үйлесімді орындауды.
Ритм мен тактіні сақтап қозғала білуді.

Ақпарат

Мекеме

Түпқараған ауданы, Форт-Шевченко қаласы, МКҚК «Балбөбек» балабақшасы

Пән жетекшісі

Қарабалаева Айнұр Сырымқызы