Қандай көңіл күйде боласыңдар

Сынып сағаты 3 - сынып
Тақырыбы: Келісім түбі - жарастық
Мақсаты: Достық , сыйластық адамгершілік құндылықтары туралы түсініктерін кеңейту.
Міндеттері:
1. Келісім, жарастық туралы түсінік беру;
2. Достыққа бейімділік сапаларын дамыту;
3. Өзара татулыққа, шыдамдылыққа тәрбиелеу.
Көрнекілігі: интерактивті тақта
Жүру барысы:
І. Шаттық шеңбері
Оқушылар шеңберге тұрып, Достық әнін шырқайды.
- Бүгін қандай тақырыпта әңгімелесеміз деп ойлайсыңдар?

ІІ. Жағдаяттармен жұмыс
1. Тілек Бекарысты байқамай қағып кетті....
2. Абзал мен Ғазиз ойыншыққа таласып қалды...
3. Тар көпір үстінде екі лақ кездесіп қалды...
Осындай жағдайларда өзара түсінісу үшін не істеуге болады?

ІІІ. Мәтінмен жұмыс.
Піл мен Маймыл ертегісін тыңдату.
• Піл мен Маймыл ортақ келісімге қалай қол жеткізді?
• Өзара тіл табысу қандай сезімдерге бөлейді?
• Қандай көңіл күйде боласыңдар?

IV. Жаттығу Достық нұры
- Балалар арасында ренжіскен сәттеріңде бір - біріңді түсінбей қалып, сол уақытта келісімге келгісі келмесе де уақыт өткен соң түсініп, өкініп жататындар болады. Ал біз сондай көңілсіз сәттерді болдырмау үшін бір - бірімізді түсінуге тырысамыз, түсіну үшін қандай қарым - қатынаста болу керектігін білеміз. Қазір мен тақтаға достықтың шапағын ілемін. Бұл шапақтан жан - жаққа шуақ шашылуы үшін берілген сөздерді ашып оқып, нұр таратамыз . Әр қағазда шыдамдылық, татулық, бірлік, келісім, сыйластық,
жарастық, достық деп жазылған. Балалар әрбір қағаз орамын ашып, ішінде жазылған сөзді оқиды, тақтаға жапсырады. Сонда тақтада шуақ шашқан күн пайда болады.
- Мінеки, балалар, осы қасиеттер бойымызда болса, аталған әрекеттерді жасай алсақ, бір - бірімізбен келісіп, жарастықта бола аламыз.

V. Дәптермен жұмыс.
- Балалар, дәптерімізге өзіміздің достарымызға арнап Достық хатымызды жазайық.
Оқушылар жазған хаттарын оқыды.

VІ. Қорытынды
- Берілген ойлардың қайсысымен келісесіңдер?
• Сыныпта тату болу.
• Сабақты жақсы оқу.
• Бір - бірін тыңдамау.
• Мұғалімді сыйлау.
• Сыныптағы заттарды күту.
• Келіскен уақыттан кешігу.

Назар аударайық
Келісім:
• Басқалармен жақсы қарым - қатынас жасауға көмектеседі;
• Адамдарды бір - бірін жете тани білуге үйретеді;
• Басқалардың көңіл - күйін сезіне білуге үйретеді;
VІІ. Жүректен жүрекке
Шеңберге тұрып, оқушылар Ізгі тілек өлеңін айтады.