Әтеш көрсету
Ұйымдастырылған оқу қызметінің технологиялық картасы
Білім беру саласы: Коммуникация
Ұйымдастырылған оқу іс-әрекеті: Сөйлеуді дамыту
Тақырыбы: «Ауылға саяхат» (ашық сабақ)
Мақсаты
Балалардың үй жануарлары және олардың төлдері туралы білімдерін бекіту, оларды бір-бірінен ажыратып, дұрыс атауға үйрету.
Міндеттері
- Үй жануарларының дыбыстарына дұрыс еліктеуін қадағалау.
- Есте сақтау қабілетін және зейінді дамыту.
- Ойын барысында балалардың сөздік қорын байыту.
Әдіс-тәсілдер
Сұрақ-жауап, әңгімелесу, ойын.
Көрнекі құралдар
- Паровоз (макет/ойыншық)
- Үй жануарларының суреттері
- Күннің «шуағы» (қиынды пішіндер)
- Әтеш (ойыншық/сурет)
- «Төлін тап та, ата» дидактикалық ойыны
Сөздік қоры
«Сәлеметсіздер ме», «әтеш», «үй жануарлары».
Сабақ барысы
Ой қозғау және ұйымдастыру
Балалар, бүгін топқа қонақтар келді. Кәне, бәріміз амандасайық.
Шаттық шеңбері
- Күннен қуат алайық — алақанға салайық.
- Жүректен жылу алайық — алақанға салайық.
- Алақандағы жылуды қонақтарға сыйлайық.
Дыбыс
Әтештің шақырған дауысы естіледі.
- Бұл ненің дауысы?
- Ол қайдан шығады?
- Әтеш қайда өмір сүреді?
Ізденіс-ұжымдық бөлім: «Ауылға саяхат»
Әтеш ауылда өмір сүреді. Ендеше, бәріміз паровозбен ауылға барайық.
Кейіпкермен диалог
Әтеш:
«Сәлеметсіңдер ме, балалар!»
Балалар:
«Сәлеметсің бе, әтеш!»
1-тапсырма: Күнге шуақ жасау
Балалар, күнді оятуға көмектесейік. Қараңдаршы, күн оянған, бірақ шуақтары жоқ.
Қазір қай мезгіл? Күз мезгілі. Сондықтан күн жылуын аз шашып тұр.
Күзден кейін қыс келеді. Ал күннің шуағы бізді қатты жылытады.
Кәне, күнге шуақ жасап берейік!
Міне, күн де оянды: оянды да күлді. Қандай әдемі!
Дыбыс
Әтештің «ку-ка-ре-ку!» деген дауысы естіледі.
Әтештің әдемі дауысынан басқа жануарлар да ояна бастады.
2-тапсырма: Үй жануарларын атау
Әтеш тағы нені оятты? Балалар біртіндеп үй жануарларын атайды:
- Сиыр
- Жылқы
- Қой
- Ешкі
- Ит
- Мысық
Бұл жануарларды үй жануарлары деп атаймыз.
Біз оларға қамқор боламыз: тамақтандырамыз, шөп пен су береміз. Үй жануарларының адамға пайдасы көп.
Сергіту сәті
Қимылды өлең
- Ұзын құлақ, сұр қоян
- Естіп қалып сыбдырды.
- Ойлы-қырлы жерлермен
- Ытқып-ытқып жүгірді.
Дидактикалық ойын: «Төлін ата да, анасын тап»
Үй жануарларының дауыстары естіледі: олар төлдерін жоғалтып алыпты. Көмектесеміз бе?
Ойын барысы
Балалар төлдерді атап, олардың аналарын табады және сәйкестендіреді.
Қорытынды
Әтештің дауысы қайта естіледі: балабақшаға қайтатын уақыт болды.
Балалар автобусқа отырып, музыка әуенімен балабақшаға қайтады.