Жолда жүру ережесін мұқият сақтауға, жауапкершілік сезімдерін дамыту

Тақырыбы "Бағдаршам"
Мақсаты: Жолда жүру ережелерімен, жол белгілерімен, таныстыру.
Жолда жүру ережесін мұқият сақтауға, жауапкершілік сезімдерін дамыту. Баланы зейінді, епті болуға тәрбиелеу.
Көрнекіліктер: бағдаршам, жол белгілері, жол қауіпсіздігі туралы суреттер.
Әдіс – тәсіл: әңгімелеу, түсіндіру, ойын, сұрақ - жауап.

Жүргізуші: Ортамызға Қызыл , Сары , Жасыл командаларын
шақырамыз. Сәлеметсіздер ме, ата - аналар, балалар,
апайлар!
Жан - жақты жетілген, парасатты, мәдениетті, дені сау азамат өсіру отбасының, балабақшаның, жалпы халықтың қасиетті борышы екені баршамызға аян. Балабақшамыздың да негізгі мақсаты болашақта жас ұрпақты халқына қалаулы, ата - ананың мақтанышы, деңі сау, сымбатты, адамгершілігі мол азамат етіп өсіріп тәрбиелеу.
Арманға алда күткен асығамыз.
Біз қалай бәрін білмей басылармыз.
Жол жүру ережесін сақтай білер,
Тәртіп пен сақтық сүйер – жасұланбыз.
Бүгінгі Мен үлгілі жолаушымыз сайысымызды бастамас бұрын балаларымыздың жолда жүру ережесі туралы көрінісін тамашалайық.
(Дәрігер, Түлкі, Қоян – бетпердесін киген балалар)
Жүргізуші дәрігерді көрсетіп:
Кішіге, үлкенге, жасыңа, кәріңе.
Жәрдемін беретін адамның бәріне.
Шипагер апамыз біз үшін әбігер
Себебі ол кісі білікті – дәрігер.
(Балалар құрметпен қол соғады. Осы кезде Қоян құлағын ұстап, Түлкі ақсаңдап кіреді)
Түлкі: Жүгіріп екеуіміз ойнадық қуыспақ.
Қоян: Аулада шап беріп, алмақшы қу ұстап.
Түлкі: Ал қоян зып беріп жөнелді.
Қоян: Аула тар болса қайтейін мен енді?
Түлкі: Қоянды қуам деп тапқаным,
Аяқтан айырылып, ақсақ боп жатқаным.
Қоян: Машина астынан өттім ғой жүгіріп.
Құлағым қалыпты темірге ілініп.
Дәрігер: Құлақ пен аяққа жағатын дәрі бар,
Ереже білмесең емхана табылар.
Мыналарды тезірек емханаға жеткізейік.(Шығып кетеді)
Жүргізуші: Балалар көрдіңіздер ме, осының бәрі тәртіп бұзып, жол ережесін білмегендіктен болып отыр.
( Жолда жүру ережесі видео ролик көрсетіледі)
Жүргізуші: Бала тәрбиелеген тәрбиеші,
Бала болып ойлайды,
Бала өсірген ата - ана
Бала болып ойнайды - деп, сайымызды бастаймыз.
Сайысымыздың шартымен таныс болыңыздар. Сайыс 5 бөлімнен тұрады.
1. Тапқыр
2. Кім жылдам?
3. Кім епті?
4. Орныңды тап
5. Жүргізуші
Қазылар орнықтырар әділдікті
Кімдердің жауаптары кәміл шықты.
Білім мен тапқырлықтың сайысында,
Жеңіске жетер дейміз нағыз мықты, - дей келе сайыскерлерімізге әділ баға беретін әділ қазылар алқасымен таныс болыңыздар.