Қазақша рефераттар

Сабақтың мақсатын құру

Математика (3-сынып)

Сабақтың тақырыбы: Ауданды өлшеу. Аудан бірліктерінің арақатынасы

Сабақтың мақсаты

Оқушылардың аудан туралы және ауданды табу туралы алған білімдерін есептеулерде қолдану біліктерін дамыту; біріккен және өздік жұмыс түрлері арқылы дағдыларын жетілдіруге жағдай жасау.

Білімдік

  • Аудан туралы білімді бекіту.
  • Аудан бірліктерінің арақатынасын анықтау.
  • Ар (а) өлшем бірлігімен таныстыру.
  • Игерген біліктерді өмірлік жағдаяттарда қолдану.

Дамытушылық

  • Ауызша және жазбаша математикалық тілін дамыту.
  • Логикалық ойлау, зейін, есте сақтау дағдыларын жетілдіру.
  • Талдау, салыстыру, жинақтау дағдыларын дамыту.
  • Пәнге қызығушылықты арттыру.

Тәрбиелік

  • Танымдық белсенділік пен оқу еңбегіне жауапкершілік қалыптастыру.
  • Қарым-қатынас мәдениетін дамыту: тыңдау, пікір айту, жұппен жұмыс істеу.
  • Өзін-өзі бақылауға және математиканың қажеттілігін сезінуге тәрбиелеу.

Сабақтың типі

Білім, білік, дағдыларды бекіту сабағы.

Әдіс-тәсілдер

  • Сөздік: әңгіме.
  • Көрнекілік: дайын сызбалар, презентация.
  • Практикалық: алған білімдерін қолдану.
  • Оқыту әрекеті: өнімді.

Танымдық қабілетті қалыптастыру

Сыныппен жұмыс Жұптық жұмыс Жеке жұмыс Топтық жұмыс

Сабақтың барысы

1) Ұйымдастыру кезеңі

1 минут
  • Мұғалім сабақтың басталуын ұйымдастырады.
  • Сабақтың мақсаты бірге құрастырылады.

2) Үй тапсырмасын тексеру

2 минут

Ұйымдастыру

  • Есептің 6 түрін 6 оқушы оқып береді.
  • Жеке оқушымен жұмыс жүргізіледі.
  • Тақтада 3 оқушы үлестірмелермен жұмыс жасайды.

Үлгі тапсырмалар

  1. Бір қорап печенье — 23 кг. Осындай 7 қорап печенье неше кг болады?
  2. 500 кг = … ц
  3. 3 ц = … кг
  4. 4 т = … ц
  5. Анасы дүкеннен 5 кг 400 г, ал қызы одан 3 кг 200 г жеңіл болатын сөмке әкеле жатыр. Екі сөмкенің жалпы салмағы қанша?

3) Игерген білімдерін тексеру

5 минут

Сандарды топтастыру

Берілгендер: 2, 46, 5 л, 2 дм², 3 см, 2 дм, 4 мм, 100, 45 дм². Алдымен жай сандар мен атаулы сандарды ажыратамыз; кейін аудан бірліктерін бөліп аламыз.

Ауызша сұрақтар

  • Фигураның ауданы дегеніміз не?
  • Ауданды өлшеуде қандай бірліктер қолданылады?
  • Парақ қағаз, өшіргіш, тақта, сіріңке қорабы, үстел, оқулық мұқабасының ауданын өлшеуге қай бірлік қолайлы?
  • Бақша, алаңша, бөлме еденінің ауданын өлшеуге қай бірлік ыңғайлы?

2-тапсырма: өлшем бірліктерін реттеу

Ауданды өлшеу бірліктерін атаңдар: м², см², дм², а. Оларды өсу және кему ретімен орналастырыңдар.

Негізгі қатынастар

  • 1 дм² = 100 см²
  • 1 м² = 100 дм²
  • 1 а (ар) = 100 м²

Талқылау

  • Ең үлкен бірлік қалай аталады?
  • Армен қандай жердің ауданы өлшенеді?

Еске сақтау

Кестені жаттап алу — өлшем бірліктерін ауыстыруды жылдам әрі қатесіз орындауға көмектеседі.

4) Өткен материалды қолдану

15 минут

Өлшем бірліктерін түрлендіру

  • 2 дм² = 200 см²
  • 4 м² = 400 дм²
  • 5 а = 500 м²
  • 300 см² = 3 дм²
  • 700 дм² = 7 м²
  • 400 м² = 4 а

Талқылау: ірі өлшемнен кіші өлшемге айналдыру үшін қандай амал қолдандық? Ал кіші өлшемнен ірі өлшемге айналдыру үшін ше?

№3 тапсырма: тік төртбұрыш

  • А бөлімі — ауызша: тік төртбұрыштың ауданын қалай табамыз?
  • Ә бөлімі — жазбаша: 8 дм · a
  • Б бөлімі — тақтада есеп шығару: a = 10 дм, S = 80 дм², b = ?

Шешуі: 80 : 10 = 8 (дм)
Жауабы: ені 8 дм.

№5 тапсырма: талдау арқылы шығару

  • А бөлімі: алдымен ұзындықты емес, ауданды табамыз.
  • Ә бөлімі: жазбаша орындаймыз.

Тік төртбұрыш пен шаршыны салыстыру

  • Қандай ұқсастық бар?
  • Қандай айырмашылық бар?

№6 және №7 тапсырмалар

Тапсырмалар талданып орындалады. Қорытынды: шаршыда аудан мен периметрді бір ғана өлшем (қабырға ұзындығы) арқылы табуға болады.

Шаршының периметрі: P = 4a

Шаршының ауданы: S = a · a

Тік төртбұрыштың ауданы: S = a · b

5) Сергіту сәті

1 минут

Қысқа сергіту жаттығулары орындалады.

6) Игерген білімдерін қолдану

10 минут

№8 есеп талданады да, оқушылар өз бетімен орындайды.

Қорытынды: ауданды табу есептерді шығаруда да, түрлі практикалық есептеулерде де қажет.

7) Үй тапсырмасы

2 минут
  1. №4 (20-бет).
  2. Өз бөлмеңнің ауданын тап.
  3. 7 сұрақтан тұратын тест тапсырмасы: дұрыс жауаптарды айтып, соңынан тақтамен тексеру.

Тест жауап кілті

3 — 4; 3 — 5; 6 — 4; 7 — 5.

9) Рефлексия және бағалау

2 минут
  • Не білдік?
  • Алған білімді қолдана аламыз ба?
  • Сабақта не қиын болды, қай тапсырма жеңіл болды?

Оқушылардың жұмысы бағаланады.