Қазақша рефераттар

Сілтілердің химиялық қасиетін жазыңдар

Қызылорда облысы • Қазалы ауданы • Қазалы ауылы • №100 орта мектеп

Жоғары санатты химия пәні мұғалімі: Нұрмашева Жазық Әлімбетқызы

Сабақтың тақырыбы: Тұздардың жіктелуі, алынуы, қасиеттері

Сабақтың мақсаты

Білімділік

Бейорганикалық қосылыстар кластарын еске түсіре отырып, тұздарға жалпы сипаттама беру; тұздарды жіктеу, алу жолдары және химиялық қасиеттері туралы жүйелі мағлұмат қалыптастыру; алған білімді іс жүзінде сауатты әрі шығармашылықпен қолдануға дағдыландыру.

Тәрбиелік

Оқушыларды сабақ барысында жеке, топтық және ұжымдық қарым-қатынасқа баулу; өз ой-пікірін еркін білдіруге, бірін-бірі тыңдауға, сыйластыққа, достық пен адамгершілікке тәрбиелеу.

Дамытушылық

Ой-өрісін кеңейту, есте сақтау қабілетін және шығармашылық әлеуетін дамыту.

Ұйымдастыру және ресурстар

Көрнекіліктер

  • Сызба, слайд
  • Электронды оқулық
  • Кестелер
  • Бейне тәжірибе

Сабақ сипаттамасы

Сабақтың типі
Жаңа білімді меңгерту
Сабақтың әдістері
Түсіндіру, сұрақ-жауап, ойын, ой қозғау
Оқыту формасы
Топтық және жеке жұмыс
Сабақтың түрі
Сайыс сабақ

Сабақтың барысы

I кезең: Ұйымдастыру

Оқушылардың назарын сабаққа аудару, жұмыс ырғағын қалыптастыру.

II кезең: Үй тапсырмасын тексеру

Ертегі арқылы бейорганикалық қосылыстардың негізгі қасиеттерін қайталау және байланыстарын анықтау.

III кезең: Жаңа сабақ

Тұздардың анықтамасы, жіктелуі, алыну жолдары және химиялық қасиеттерін меңгеру.

Ертегі арқылы шолу: бейорганикалық қосылыстар әлемі

Ерте-ерте, ертеде, ешкі құйрығы келтеде, химияның жерінде, элементтер елінде Бейорганика деген қария өмір сүріпті. Оның төрт ұлы болыпты.

Бір күні қария балаларын жинап алып: «Балаларым, мен қартайдым, төрімнен көрім жақын. Талапты азамат ертеңгі күнін ойлайды. Сендерге бір апта уақыт беремін: жан-жақты зерттеп, шарлап, әрқайсың өміріңе азық болатын бір зат әкеліңдер», — деп өсиет айтыпты.

Уәделі күні ұлдары сапардан олжалы оралыпты. Ендеше, ұлдары кімдер, олжалары не?

Жауабы

  • Оксид

    Қышқылдық оксидтер, негіздік оксидтер.

  • Негіз

    Сілтілер және негіздер.

  • Қышқыл

    Оттекті және оттексіз; негізділік ұғымы.

  • Тұз

    Келесі бөлімде анықталады: алынуы, жіктелуі, қасиеттері.

Содан бері әкелген олжалары олардың өмірлік азығына айналыпты. Осы байланыстардың ішінен тұздың қалай пайда болатынына ерекше көңіл бөлеміз.

Қайталау сұрақтары (үй тапсырмасы бойынша)

  1. 1 Қышқылдар дегеніміз не? Қышқылдың негіздік оксидпен әрекеттесу теңдеуін жазыңдар. Түзілген зат қай класқа жатады?
  2. 2 Қышқылдар неше топқа жіктеледі?
  3. 3 Оттекті қышқылдарға мысал келтіріп, оларды атаңдар.
  4. 4 Оттексіз қышқылдарға мысал келтіріп, оларды атаңдар.
  5. 5 Қышқылдарды алудың неше әдісі бар? (3 әдіс)
  6. 6 Негіздер дегеніміз не? Негіздердің қышқылдық оксидтермен әрекеттесу теңдеуін жазып, түзілген заттың қай класқа жататынын атаңдар.
  7. 7 Қышқылдардың тағы қандай химиялық қасиеттерін білесіңдер?
  8. 8 Сілтілердің химиялық қасиеттерін жазыңдар.

Қышқыл, негіз және оксидтердің өзара әрекеттесуінен тұз түзілетініне көз жеткіземіз. Ендеше, негізгі сұрақ: тұз дегеніміз не?

Жаңа тақырып: тұздарға кіріспе

Нені білгіміз келеді?

  • Тұздардың жіктелуі
  • Тұздарды алу әдістері
  • Тұздардың химиялық қасиеттері
  • Теңдеулерді сауатты құрастыру және қолдану

Анықтама

Тұздар — металл атомы мен қышқыл қалдығынан тұратын күрделі заттар.

Оқу әрекеті

Тұздардың алыну жолдары демонстрациялық және бейне тәжірибелер арқылы көрсетіледі. Реакция теңдеулерін оқушылар өздері құрастырып жазады.