Қазақша рефераттар

Оқушылардың көңілін сабаққа бейімдеу, ыңғайлау

Сабақтың тақырыбы

Нәтиже сабақ (ІІ модуль).

Сабақтың мақсаты

Білімділік

  • Модуль бойынша алған білімдерін саралау, білім сапасын анықтау.
  • Сауатты және көркем жазуға дағдыландыру.
  • Сұрақтарға дұрыс әрі толық жауап бере білуге үйрету.

Дамытушылық

  • Алған білімдерін өмірде қолдана білуге баулу.
  • Ой қорыту, тілдік талдау жасау дағдыларын дамыту.

Тәрбиелік

  • Әсемдікке, тазалыққа, ұқыптылыққа тәрбиелеу.
  • Жауапкершілік пен тәртіпке баулу.

Сабақ туралы қысқаша мәлімет

Сабақтың түрі

Өтілген материалды пысықтау және бекіту.

Әдіс-тәсілдер

Тест және тапсырмалар арқылы білімді тексеру, жазбаша жұмыстар.

Пәнаралық байланыс

Орыс тілі.

Сабақтың барысы

I. Ұйымдастыру кезеңі

  1. Сәлемдесу.
  2. Оқушыларды түгендеу, келмеу себептерін анықтау.
  3. Оқушылардың назарын сабаққа шоғырландыру.
  4. Тіл дамыту сәтін өткізу.

II. Өткен материалды еске түсіру және жалпылау

  1. Үй тапсырмасын сұрау және тексеру.
  2. Өткен тақырыпты меңгеру деңгейін анықтау.
  3. Сөйлеу мәдениетін, тіл байлығын бақылау.
  4. Қандай мәселелерге ерекше назар аудару керегін белгілеу.

№2 нәтиже сабақ (тапсырмалар)

1) Тақырып бойынша өз ойыңды жаз

  • I нұсқа: «Тіл туралы» Заңның 4-бабында не туралы жазылған?
  • II нұсқа: Сөздік түрлерін ата. Орфографиялық сөздік туралы әңгімеле.
  • III нұсқа: Қандай сөздік түсіндірмелі сөздік деп аталады?
  • IV нұсқа: Синонимдер және фразеологиялық сөздіктер туралы әңгімеле.

2) Сөздердің мағынасын анықта

  • I нұсқа: бауыр, бас, жүз
  • II нұсқа: қара, ат, ер
  • III нұсқа: күй, жарық, би
  • IV нұсқа: қыс, ара, аш

3) Буын үндестігіне бағынбайтын қосымшалармен сөз жазып, сөйлем құрастыр

  • I нұсқа: -қор-, -дікі, -нікі, -кеш
  • II нұсқа: -қой, -паз, -хана
  • III нұсқа: -кеш, -паз, -кер
  • IV нұсқа: -хана, -тікі, -гер

4) Берілген сөздерді септе (жай септеу, тәуелді септеу)

  • I нұсқа: мұғалім, бала
  • II нұсқа: жүрек, кітапхана
  • III нұсқа: оқулық, тәрбиеші
  • IV нұсқа: кітап, Отан

5) Зат есімдерді жекеше және көпше түрде жікте

  • I нұсқа: суретші, дәрігер
  • II нұсқа: құрылысшы, сәулетші
  • III нұсқа: ұшқыш, ғалым
  • IV нұсқа: жазушы, оқушы

6) Сөздерді жекеше және көпше түрде тәуелде

  • I нұсқа: ақыл, дауыс
  • II нұсқа: шаңырақ, ел
  • III нұсқа: еңбек, көрме
  • IV нұсқа: мектеп, орын

Үй тапсырмасы

Өткен тақырыптарды қайталау.