Саяхат сабағы

Тақырыбы: Жай бөлшектерді азайту
Мақсаты:
Білімділік: Жай бөлшектерді азайту ережелерін есептеулерде пайдалана білу.
Дамытушылық: Оқушылардың іскерліктерін, білім дағдыларын, ойлау қабілеттерін арттыру, шығармашылық қабілеттерін дамыту.
Тәрбиелік: Оқушыларды өз бетімен еңбектенуге тәрбиелеу.
Сабақтың көрнекілігі: Сызбалар, сөзжұмбақ, үлестірмелер.
Сабақтың типі: Қайталау және пысықтау сабағы.
Сабақтың түрі: Саяхат сабағы.
Сабақтың барысы:

І. Ұйымдастыру.
Балалар, біз бүгін Білім еліне саяхатымызды жалғастырамыз. Бізді Математика елінің тұрғындары күтіп отыр. Олар көптеген деңгейлік есептер, сөзжұмбақ, сынақ жұмыстарын дайындап қойыпты. Ал, енді саяхатқа дайынсыңдар ма? Олай болса, мен сендерге үлкен табыс, сенім, жеңіс тілеймін.

1 - аялдама: Үй тапсырмасын тексеру.
№693. Саяжайдағы барлық жеміс ағаштарының 7\4 бөлігі алма ағаштары, ал өрік ағаштары одан 4\1 бөлік кем. Саяжайдағы барлық ағаштардың қандай бөлігі өрік ағаштары?

2-аялдама: Тест.
1. Бөлімдері бірдей бөлшектерді қалай азайтады?
А) Бөлімдері бірдей бөлшектерді азайтқанда азайғыштың алымынан азайтқыштың алымын азайтып, алым етіп жазып, ал сол бөлімнің өзін қалдыру керек.
В) Бөлімдері бірдей бөлшектерді азайтқанда азайғыштың бөлімінен азайтқыштың алымын азайтып, алым етіп жазып, ал сол бөлімнің өзін қалдыру керек.
С) Бөлімдері бірдей бөлшектерді азайтқанда азайғыштың алымынан азайтқыштың бөлімін азайтып, бөлім етіп жазып, ал сол алымның өзін қалдыру керек