Екі сиырдың мүйізі нешеу
Білім беру саласы: Таным
Мақсаты
- Цифрды заттың санымен сәйкестендіруге үйрету.
- Кеңістіктік қарым-қатынастарды түсіндіру: заттың орналасуын анықтау және сөзбен дәл атау (сол жақта, оң жақта, жоғарыда, төменде, арасында).
- Балаларды 5 зат арасындағы сәйкестікті табуға және оларды бестен топтастыруға үйрету.
Әдіс-тәсілдер
- Сұрақ-жауап
- Көрсету
- Түсіндіру
- Көрнекілік
Көрнекі құралдар
- Цифрлар карточкалары
- Заттық суреттер
Мотивациялық-қозғаушылық
«Цифрды тап» дидактикалық ойыны өткізіледі: тақтаға 1–5 дейінгі сандар ілінеді. Содан соң бір бала шақырылып, бір цифрды алып шығады және оның неге ұқсайтынын айтып береді.
Одан кейін балалармен бірге тура және кері санау орындалады.
Ұйымдастырушылық-ізденіс кезеңі
1-тапсырма: Жұмбақ
Бір аяғы бар, қалқиған қалпағы бар, ағаш түбінде тұрағы бар. Ол не?
2-тапсырма: Кеңістікте бағдарлау
- Саңырауқұлақтың үстінде не бар?
- Ал артында не тығылып тұр?
- Үй мен ағаштың арасында не бар?
Негізгі сөздер: сол жақта, ортасында, оң жақта, жоғарыда, төменде, арасында.
3-тапсырма: Санау сұрақтары
- Бес сиырдың басы нешеу?
- Екі сиырдың мүйізі нешеу?
- Оң қолыңда неше саусақ бар?
- Басымызда неше шаш бар?
4-тапсырма: Цифрды көрсету
Тәрбиеші атаған санды балалар цифрлар арқылы көрсетеді.
Сергіту сәті
Оң қолымда бес саусақ,
Сол қолымда бес саусақ.
Бесті беске қосамыз,
Қатты-қатты соғамыз.
Қимыл-қозғалыспен бірге орындау ұсынылады: алақанды ашу, саусақтарды санау, соңында қол соғу.
Қорытынды
Сабақ барысында балалар үлгі бойынша санауды, 4 пен 5-ті салыстыруды, тәулік бөліктерін ажыратуды және заттың орнын (сол жақта, ортасында, оң жақта) дұрыс айтып беруді бекітеді.