Сайыс тақырыбы
Сайыс тақырыбы
«Бір мақсат, бір мүдде, бір болашақ»
Бұл сайыс жаңашыл педагогикалық технологиялар тәжірибесін бөлісуге, мұғалімдердің шығармашылық әлеуетін айқындауға және жас мамандарға кәсіби бағыт-бағдар беруге арналған.
Сайыс мақсаты
Елбасы Президентінің жолдауын негізге ала отырып, мұғалімдердің шығармашылдығын анықтау, жас мамандармен жаңартылған педагогикалық технологиялар үрдістері бойынша тәжірибе алмасу.
Көрнекілігі
- Ұранды сөздер
- Мұғалімдердің шығармашылық кітапшалары мен портфолиолары
- Баннерлер мен слайдтар
Сайыс әдістері
Сайыс барысы
Жүргізушінің кіріспе сөзі
Құрметті ұстаздар! «Шебер мұғалім – 2014» сайысымызға қош келдіңіздер! Бүгін мектебімізде мазмұны терең, мағынасы зор сайыс өтеді.
Бұл сайыста бала жүрегіне жол таба білген, білім нәрімен сусындатып қана қоймай, шәкірт бойына тәлім-тәрбиенің асыл қазынасын сіңіре алатын, ұстаз деген атқа лайық мамандар өзара бақ сынайды.
Жыр жолдары
Шақырып жарыстарға сан салалы,
Жетекшілер тобы бәріңе жар салады.
Ту етіп достықпенен татулықты,
Сайысқа қатысушы ұстаздарды.
Құрмет пен қошемет көрсетіп, сайыскерлерімізді ортаға шақырайық.
Қатысушылар (үлгі)
-
1) Шомбалова А.
Бастауыш сынып мұғалімі. Еңбек өтілі – 25 жыл. Екінші санатты білікті маман.
Жүргізушінің жалғастыру сөзі
Осындай тапқыр достар кез келгенде,
Жетсін-ау, жарыстарда жеңгенге не?
Қарсылас болғанменен, құрбысыңдар,
Тілейміз ізгі тілек сендерге де!
Әділқазылар алқасы
Ұстаздардың еңбегін әділ бағалап, сайыстың нәтижесін шынайы айқындау үшін әділқазылар алқасы құрылады.
Жүргізуші сөзі
Әділдікпен баға берер ұстаздарға,
Әділдікпен қара қылды жаруға,
Әділқазы алқаларын сайлайық,
Үздіктерді таңдап бүгін алуға.
(Әділқазы мүшелері таныстырылады және тағайындалады.)
Кезеңдер
I кезең: Панорамалық сабақ
Ұзақтығы: 15 минутКіріспе жолдар
Бәрімізді бейжай қылған тақырып,
Сырласайық ой-теңізін сапырып.
Батыл болсын, анық болсын пікірлер,
Сөз маржаны жатсын тыңнан атылып.
Бұл кезеңде сайыскерлер «Бір мақсат, бір мүдде, бір болашақ» тақырыбында панорамалық сынып сағатын көрсетеді: өз тәжірибесіндегі бір сабақтан үзінді ұсынып, педагогикалық қызметін қорғайды.
II кезең: Шығармашылық эссе қорғау
Ұзақтығы: 5 минутМұғалім өз зерттеп жүрген тақырыбын тәжірибесімен байланыстыра баяндап, жинақталған материалын кітапша түрінде ұсынады.
Психологиялық тренинг және білімді тексеру
Жүргізуші сөзі
Ал, мамандар, сайысқа қалайсыңдар?
Сендер өтер әлі де талай сын бар.
Білімді бір тексеріп көрейік біз,
Жауап қатсаң сұраққа — жарайсыңдар!
Өнер байқауы: «Менің қиялымдағы өнер»
Жүргізуші сөзі
О, заманда ашқан қазақ өнер сырын,
Шақырған сайыстарға бірін-бірі.
Қарайық тамашалап жиылған жұрт,
Көрсетсін сайыскерлер өнерлерін!
Бұл бөлімде ұстаздар өз өнерін таныстырып, шығармашылық қырын көрсетеді.
Қорытынды және марапаттау
Жүргізуші сөзі
Ұшқыр ойға серік болсын шеберлік,
Сөз кезегін әділқазыларға берейік.
Арамызда білімді достар көп екен,
Солардың біз нәтижесін көрейік.
Жеңімпазды анықтау үшін сөз әділқазылар алқасына беріледі.
Бүгінгі кешімізге қатысқан ұстаздарға көптен-көп рақмет! Сіздерге зор денсаулық, ұзақ өмір, қажымас қайрат, еңбектеріңізге табыс, отбасыларыңызға береке мен шаттық тілейміз.