Балалар нанның қалай жасалатын жолын мына суретке қарап айтайықшы

• Балаларды айналадағы дүниемен таныстыру.
• Нанның адам еңбегі арқылы келетінін, оған көп күш жұмсалатынын түсіндіру.
• Нанды қастерлеуге, жерге тастамауға үйрету.
• Еңбек адамын құрметтеуге баулу.
• Ауыл шаруашылығындағы техника атауларымен таныстыру және ауыл еңбеккерлерінің еңбегін қадірлеуге тәрбиелеу.
• Ермексазбен мүсіндеудің әртүрлі әдістерін қолдана отырып пішіндер жасауға үйрету.
• Шығармашылық қабілеттерін дамыту, ұқыптылыққа тәрбиелеу.

Шаттық шеңбері

• Балалар, қазір жылдың қай мезгілі?
• Қай ай?
• Қыста қандай өзгерістерді байқайсыңдар?
• Таңертең ұйқыдан тұрған соң әдетте не істейміз?
• Күнде ас ішкенде дастарханға қандай тағам міндетті түрде қойылады?

Нан — үлкен еңбектің нәтижесі. Оның әр бөлшегінде диқанның маңдай тері, техниканың күші, наубайхананың ыждаһаты бар. Төмендегі тізбек нанның бізге дейінгі жолын түсіндіреді.

1. 1

   Көктем: тұқым себу

   Көктемде диқаншылар егіс алқабына тұқым себеді. Ол жаз бойы өсіп, масақтанып, дәнге толады.

2. 2

   Күз: ору және бастыру

   Күзде алқап сары алтындай жайқалады. Сол кезде егіс даласына комбайндар шығады: олар егінді орып, жинап, бастырады.

3. 3

   Тасымалдау: жүк көлігімен қырманға

   Бастырылған дән комбайннан арнайы тетік арқылы жүк машинасына құйылады. Машина астықты қырманға жеткізеді.

4. 4

   Қырман: тазалау және кептіру

   Қырманда астық тазартылып, кептіріледі. Содан кейін ол элеваторға жөнелтіледі.

5. 5

   Диірмен: ұн тарту

   Қажет кезінде элеватордан астық диірменге жіберіледі. Диірменшілер дәнді тазартып, ұн жасайды.

6. 6

   Наубайхана: пісіру

   Ұн наубайханаларға жеткізіледі. Наубайханашылар одан нан және бауырсақ сияқты өнімдерді пісіреді.

7. 7

   Дүкен: тұтынушыға жету

   Дайын өнімдер дүкендерге жеткізіледі. Осылайша нан біздің дастарханымызға келеді.