Ауыз әдебиетінің мәнін түсіндіру
Сабақтың тақырыбы
Ж. Жабаевтың «Шәкірт балаларға» өлеңі.
Сабақтың мақсаты
1) Білімдік мақсат
- Оқушыларға Ж. Жабаевтың «Шәкірт балаларға» өлеңін түсіндіру және меңгерту.
- Ауыз әдебиетінің мәнін ашып, сөз өнерінің құдіретін таныту.
2) Дамытушылық мақсат
- Оқушыны қиялдап, шығармашылықпен жұмыс жасауға баулу.
- Логикалық ойлау қабілетін дамыту.
- Танымдық қызығушылықты кеңейту.
3) Тәрбиелік мақсат
- Ақынның өмірлік мақсаты мен арманына жетудегі талпынысы мен табандылығын үлгі ету.
- Дана да дара тұлға қалыптастыруға бағыт беру.
Әдіс-тәсілдер
- Баяндау
- Сұрақ-жауап
- Ойын әдісі
- «Ортада қаламсап»
- «Бес жолды өлең»
- «Автор орындығы» стратегиясы
Көрнекіліктер
- Жамбыл ақынның және Сүйінбайдың портреттері
- Интерактивті тақта
- Видеоролик
Сабақтың барысы
I. Ұйымдастыру кезеңі
Психологиялық дайындық жүргізіледі: «Шаттық шеңбері».
Қайырлы күн, досым!
Қайырлы күн болсын!
Аспанымыз ашық болсын!
Амансыз ба, қонақтар?
Амансыз ба, әлем?
Баршаңызға амандық сәлем!
II. Өткенді пысықтау
«Еңбек түбі — береке» тарауын оқып, «Бәйге» ойыны арқылы қорытындылау.