Қайдағы мереке
Бастауыш сыныптарға арналған жаңа жыл ертеңгілігінің сценарийі
Бұл сценарий бастауыш сынып оқушыларына арналған. Мақсаты — балалардың қатысуымен көңілді, жылы атмосферада Жаңа жыл мерекесін өткізу, ән-өлең арқылы мерекелік көңіл күй қалыптастыру.
Жүргізушінің кіріспе сөзі
Барлық жанды бір арнаға қосқан үн,
Бақыт болып басталды жыл дастаны.
Қуанышпен келді той боп Жаңа жыл,
Құтты болсын жаңа бақыт, достарым!
Құрметті балалар, ата-аналар, ұстаздар және қонақтар! Жаңа жыл мерекесіне арналған «Қош келдің, Жаңа жыл!» атты кешімізді бастауға рұқсат етіңіздер.
Кәне, балалар, бәріміз шыршаны айнала тұрып, бір әдемі ән шырқайық.
Көрініс: қарақшылардың кіріп келуі
Сахналық нұсқау
Осы сәтте залға қарақшылар айқайлап-шулап кіріп келеді. Олар шыршаны бір айналып шығады.
1-қарақшы
О-о-о! Қараңдар, қандай ағаш өсіп тұр!
Керемет болды — осы ағаштың көлеңкесінде демалайық.
(Төсеніштерін төсеп, бәрі жата қалады. Біреуі басын көтеріп, айналасына қарайды.)
Түу, мыналар неғып жүрген балалар? Бізге кедергі жасап тұр ғой!
Біз демалатын жер іздеп жүрміз. Көп күннен бері адамдарды тонаймыз деп ұйықтаған жоқпыз.
Барыңдар, үйлеріңе қайтыңдар!
Жүргізуші
Құрметті қарақшылар, сіздер бұл жерде демала алмайсыздар, өйткені бізде мереке өтіп жатыр. Басқа жаққа барып демалыңыздар.
Қарақшы
(Ашуланып орнынан атып тұрып.)
Сен кімсің өзі, маған қарсы шығатын? Қандай мереке?
Айтыңдаршы, бұл қандай мереке? Қандай мереке?! (Балаларды сәл жұлқып сұрайды. Балалар жауап береді.)
Жаңа жыл дей ме? Ха-ха-ха! Қайдағы Жаңа жыл?!
Сендерге бүгін Жаңа жыл тұрмақ, ескі жыл да болмайды!
Мен қазір үлке-е-ен қаруымды алып келіп, бәріңді қырып саламын!
Әй, жүріңдер, қару алып келейік. Бұларға көрсетейік!
(Есінейді.) Бізге ұйқы бермей қойды ғой… Тезірек ұйықтаса ғой, шіркін!
Оқушының өтініші және келісім
Бір оқушы
Қарақшы аға, бізге тимеңізші. Біз шуламаймыз, ақырын ғана жүреміз. Мерекеміз болсыншы.
Бұл мерекені біз бір жыл күттік қой, иә, балалар?
Қазір сіздерге өлең айтып береміз. Өздеріңіз ұйықтап алыңыздар.
Сосын мерекемізге қосылыңыздар. Аяз ата келеді, көп кәмпит әкеледі.
Біз сіздерге де береміз. Береміз бе, балалар?
1-қарақшы
О-о-о, кәмпит дегенді біз жақсы көреміз! Жарайды, келістік.
Сендер әдемі өлең айтыңдар — біз ұйықтап алайық.
Сахналық нұсқау
Қарақшылар жатады. Балалар шыршаны айналып, өлеңді өте жай, сыбырлап айтады. Өлең айтылып болғанша қарақшылар қорылдап ұйықтап кетеді.
Мерекені жалғастыру: Аяз ата мен Ақша қар
Жүргізуші
Балалар, енді біздің мерекемізде кім жоқ?
- Балалар: Аяз ата мен Ақша қар!
- Жүргізуші: Иә, дұрыс. Оларды қалай шақырамыз?
Айқайласақ, мына қарақшылар оянып кетеді ғой… Қап, енді не істесек екен? Аяз атаны айқайлап шақырмасақ, келмейді ғой.
Балалар, не істейміз?
Сахналық нұсқау
Осы сәтте залға сиқыршы кіріп келеді.