Қазақша рефераттар

Сабақ қорытынды

Ондық бөлшекті натурал санға бөлу

Бұл сабақ ондық бөлшектерді салыстыру, олармен амалдар орындау және есептер шығару дағдыларын бекітуге арналған. Сабақ ойын формасында ұйымдастырылып, экономикамен пәнаралық байланыс арқылы оқушылардың қызығушылығын арттыру көзделеді.

Нақыл сөз: «Халық пен халықты, адам мен адамды теңестіретін нәрсе — білім.» (М. Әуезов)

Мақсаты

  • Білімділік: ондық бөлшектерді салыстыру, амалдар орындау, есептер шығару дағдыларын қалыптастыру.
  • Дамытушылық: логикалық ойлау мен есептеу дағдыларын жетілдіру, өз бетінше еңбектенуге үйрету, белсенділікті арттыру, пәнге қызығушылық ояту.
  • Тәрбиелік: өз ойын толық әрі дұрыс жеткізуге, тапқырлыққа және жылдамдыққа тәрбиелеу.

Сабақ форматы

Сабақ түрі
Бекіту сабағы, ойын сабағы.
Оқыту әдісі
Практикалық.
Пәнаралық байланыс
Экономика.

Көрнекілік

  • Деңгейлік тапсырмалар.
  • Терминдердің түсіндірмелері.
  • Мақал-мәтелдер және сөз тіркестері.

Сабақ жоспары

Ойын «Білім биржасы» форматында бірнеше турға бөлінеді. Әр кезең уақытпен шектеліп, нәтижелер «САБ» бірлігімен бағаланады.

  • I. Ұйымдастыру кезеңі 5 минут
  • II. Ойын: «Білім биржасы» Турлар бойынша

    I тур

    Акциялар пакеті: 140 САБ

    15 минут

    II тур

    Мақал-мәтел

    5 минут

    III тур

    Акциялар пакеті: 60 САБ

    10 минут

    IV тур

    1 САБ-қа тең сұрақтар

    5 минут

  • III. Рефлексия 2 минут
  • IV. Үй жұмысын беру 1 минут
  • V. Сабақты қорытындылау 2 минут

Сабақтың барысы

I. Ұйымдастыру кезеңі (5 минут)

  1. 1 Сәлемдесу.
  2. 2 Оқушыларды түгендеу және екі топқа бөлу: «Сұңқар», «Тұлпар».
  3. 3 Оқушылардың назарын сабаққа аудару.
  4. 4 Сабақтың мақсатымен таныстыру: экономика әлеміндегі «Білім биржасына» саяхат.

«Білім биржасы» ойынының ережелері мен рөлдер

Әр топ өз президентін сайлайды. Ойын барысында биржада бірнеше қызмет иесі болады: клерк, брокер, администратор және аудитор. Бұл рөлдер оқушыларға экономикалық терминдерді түсініп, оларды практикада қолдануға көмектеседі.

Инвестиция жасау қалай жүреді?

Оқушылар өз «инвестицияларын» деңгейлік тапсырмаларды орындау арқылы жасайды. Клерк тапсырмалар арқылы жиналған нәтижені тіркеп, санап отырады.

Егер есептің дұрыстығына күмән туса, брокердің көмегіне жүгінуге болады. Бірақ көмек құны ретінде акция құндылығының 10% ұсталады.

Бұл сабақта аудитор, брокер және клерк қызметтерін мұғалім атқарады.

Терминдер қысқаша сөздігі

Фирма
Өндірістік бірлестік немесе сауда, өнеркәсіп орны.
Биржа
Сауда келісімдері өтетін орын.
Инвестиция
Келешекте өсім әкелетін қаржылық салым.
Клерк
Кеңсе қызметкері; биржада акция сатумен және есепке алумен айналысатын тұлға.
Брокер
Делдал; тұтынушы сұранысы бойынша ақылы келісім жүргізетін биржа мүшесі.
Аудитор
Бақылаушы, тексеруші; құжаттар мен есептің дұрыстығын қарайды.
Акция
Құнды қағаз.
САБ
Осы сабақта қолданылатын шартты «ақша бірлігі».

Автор туралы мәлімет

Алматы облысы, Кербұлақ ауданы, Майтөбе орта мектебінің математика пәні мұғалімі — Бескенова Б.А.