Қазақша рефераттар

Өнер көрсету

Сыныбы: 5 Тәрбие сағаты / байқау

Сабақтың мақсаты

  • Өзін-өзі таныстыра білу дағдысын қалыптастыру, мақал-мәтелдер мен өлеңдерді мәнерлеп оқуға жаттықтыру.
  • Әдептілікке, сыпайылыққа, кішіпейілділікке және өнерге ұмтылуға тәрбиелеу.
  • Ойлау, есте сақтау қабілетін, қиялын және тіл мәдениетін дамыту.

Көрнекілік

Нақыл сөздер, үлестірмелі қиындылар, гүлдер, плакат, шарлар.

Жүргізушілердің кіріспе сөзі

1-жүргізуші

Қайырлы күн, қадірлі қонақтар мен ұстаздар! «Қыз өссе — елдің көркі» байқауына қош келдіңіздер!

2-жүргізуші (өлең)

Қырмызы қызыл гүлсіңдер ме екен, Бақытты іздеп жүрсіңдер ме екен? Құлпырған қырда қызғалдақсыңдар, Жұмбақ жансыңдар — бір сыр бермеген. Қызғалдақтарым, қарлығаштарым, Жаза алмай жүрген жалын дастаным. Жанартау болып жарылды кеудем, Жүректің әлди әнін бастадым.

1-жүргізуші

Қыздарға арнап жыр жазбаған ақын жоқ, ән шығармаған сазгер жоқ. «Қызыл гүл», «қарақат көз», «қиғаш қас», «алма мойын» — мұның бәрі әсем қыздарымызға арналған теңеулер. Ендеше, сыныптас аруларымызға деген ықылас-ниетімізді білдіріп, байқауға қатысатын қыздарды ортаға шақырайық.

Байқау кезеңдері

  1. 1 Таныстыру

    Әр қатысушы өзін таныстырады.

  2. 2 Өнер көрсету

    Ән, би, өлең оқу немесе өзге өнер түрі.

  3. 3 Он саусағынан өнер тамған

    Үйден дайындаған қолөнер жұмыстарын таныстыру.

  4. 4 Сұрақ-жауап

    Дәстүр мен ұлттық құндылықтарға қатысты білімді тексеру.

  5. 5 Тамақ әзірлеу

    Үйден дайындап әкелген ас мәзірін ұсыну.

  6. 6 Шаш үлгісін жасау

    Соңғы кезең: сәнді әрі ұқыпты шаш үлгісін орындау.

  7. 7 Қорытынды

    Әділ-қазылар алқасы қорытынды жасап, жеңімпаздарды анықтайды.

Әділ-қазылар алқасы

Енді байқауымызға төрелік ететін әділ-қазылар алқасымен таныстырамыз. (Қазылар құрамы жүргізуші тарапынан жарияланады.)

1-жүргізуші (өлең)

Арулар келіп жетті танысуға, Сыпырды томағасын осы думанға. Ұшып келген қырандай керіліп, Әдеппен, ізетпен танысуға.

1-кезең: Таныстыру

Арулар кезек-кезек өздерін таныстырады.

2-жүргізуші (нақыл)

Кедеймін деп қысылма, Өнерің болса қолыңда. Өнерлінің ырысы — Жарқырап жатар жолында.

2-кезең: Өнер көрсету

Кезек өнер сайысына беріледі. (Қатысушылар өз өнерлерін көрсетеді.)

3-кезең: «Он саусағынан өнер тамған»

Қатысушылар үйден жасап келген қолөнер бұйымдарын көрсетіп, таныстырады.

4-кезең: Сұрақ-жауап (дәстүр тақырыбы)

Ару қыздарымызға ұлттық салт-дәстүрге қатысты сұрақтар қойылады.

1) Жүннен жасалған бұйым
Киіз
2) Сәндік бұйым жасайтын адам
Зергер
3) Ұлыс күні әзірленетін тағам
Наурызкөже
4) Түйенің сүті
Шұбат
5) Қыста соятын малдың еті
Соғым
6) Қазақ қыздарының дәстүрлі бас киімі
Сәукеле
7) Екі ақынның сөз сайысы
Айтыс
8) Ең құрметті, қасиетті, жанашыр адам
Ана
9) Теріден тігілген киім
Тон
10) Жылқы пірі
Қамбар ата
11) Қыс қатты болып, малдың жаппай қырылуы
Жұт
12) Төрт түліктің жайылымы
Өріс

5-кезең: Тамақ әзірлеу

Бұл кезеңде қатысушылар үйден дайындап келген ас мәзірін ұсынып, таныстырады.

6-кезең: Шаш үлгісін жасау

Байқаудың соңғы кезеңінде ару қыздарымыз ұқыпты әрі әдемі шаш үлгісін жасайды.

Қорытынды

Байқау кезеңдері аяқталғаннан кейін, әділ-қазылар алқасы нәтижені қорытындылап, қатысушылардың өнері мен белсенділігіне сай бағасын береді.