Қазақша рефераттар

Астананың көріктері жерлерімен таныстыру

Сабақтың тақырыбы

Астана — Қазақстан Республикасының елордасы.

Сабақтың мақсаты

Республиканың бас қаласы — Астана туралы түсінік қалыптастыру; қаланың көрікті жерлеріне «саяхат» жасап, маңызды нысандармен таныстыру.

Тәрбиелік мәні

Отанға деген сүйіспеншілік пен мақтаныш сезімін тәрбиелеу.

Дамытушылық мәні

Қаланың күн сайын көркеюі туралы ой-өрісті кеңейту, логикалық ойлау қабілетін дамыту.

Білімділік мәні

Астананың сұлулығы мен сәулетін, адам қолымен жасалған жетістіктерді, адам еңбегінің қала өміріндегі көрінісін таныту.

Қажетті ресурстар

Суреттер, слайдтар, бейнебаян, оқулық, дәптер.

Базалық және тірек білім

Базалық білім

Бас қалаға қатысты назар аударатын орындар: мәдениет сарайлары, Опера және балет театры, әуежай, Үкімет үйі, Парламент ғимараты, Еуразия ұлттық университеті.

Тірек білім

Отан, Қазақстан мемлекеті.

Сабақтың жүру барысы

I. Қызығушылықты ояту

Психологиялық дайындық

Арайлап таң атты,
Алтын сәуле таратты.
Жарқырайды күніміз!
Қайырлы таң, балалар!
Қайырлы таң, қонақтар!

II. Өтілген материалды еске түсіру

«Қазақтың ұлттық мәдениеті» тақырыбы бойынша пысықтау сұрақтары:

  1. Сен қандай ертегілер оқыдың?
  2. Туған жер мен еңбек туралы қандай мақал-мәтелдер жазып келдіңдер?
  3. Алдар Көсе туралы ертегіні есіңе түсіріп, қысқаша айтып бер.

Қорытынды: аңыздар, мақал-мәтелдер мен ертегілер — қазақ халқы мәдениетінің айқын көрінісі.

III. Мағынаны тану

Логикалық ойлау қабілетін жетілдіруге арналған әңгіме:

Мен қазір бір қала туралы айтамын. Ойланыңдар, ол қай қала екенін табыңдар. Біздің Отанымызда әр адам «менің қалам» деп атайтын бір қала бар. Барлық жолдар сол қалада тоғысады. Сумен де, ауамен де, жермен де жетуге болады. Мұражайларын, Медеу мұз айдынын көруге асығатындар көп. Бұл — Қазақстанның ең ірі әрі басты қалаларының бірі. Бұл қай қала?

Әрине, Алматы қаласы.

1929 жыл

Алматы астана мәртебесін алды.

1998 жыл

Елорда «Астана» атауына ие болды.

IV. Жаңа сабақты меңгерту

16 сәуір — «Астана — Қазақстан Республикасының елордасы» тақырыбы бойынша жұмыс.

Оқулықпен жұмыс

  1. Мәтінмен танысу, мазмұнын түсіндіру (слайдтағы суреттер арқылы).
  2. Іштей оқу.
  3. Тізбектей оқу.

V. Топтық жұмыс

1-топ

Астанада қандай ұлт өкілдері тұрады?

2-топ

Астанада қандай мәдениет және білім мекемелері бар?

3-топ

Бәйтеректің суретін салыңдар. Ол туралы не білесіңдер?

4-топ

Астананың көрікті жерлерін топтастырып жазыңдар.

Астана — Бәйтерек монументі

«Бәйтерек» — елорданың айқын символы, ең танымал нысандарының бірі. Монумент биік металл құрылымдардан және үлкен шардан тұрады. Биіктігі 105 м.

Биіктігі

105 м

Көрініс алаңы

97 м

97 санының мәні

Елордаға көшу кезеңін білдіреді

VI. Сергіту сәті

Құстар, құстар келеді,
Жерді шуға бөледі.
«Көктем келді!» деп бізге
Жақсы хабар береді.

VII. Бейнебаян тамашалау

«Астанаға саяхат» бейнебаянын көру: елорданың көрікті жерлерімен танысу, әсер бөлісу.

VIII. Сурет бойынша жұмыс

Астана туралы сурет ұсынылады. Оқушылар сол суретке сүйеніп қысқаша әңгіме құрастырады.

IX. «Автор орындығы»

Оқушылар өз жазған әңгімесін «Автор орындығына» отырып оқиды.

X. Бекіту және қорытынды

Қайталау сұрақтары:

Мемлекетіміз, Отанымыз қалай аталады? — Қазақстан.

Еліміздің президенті кім? — Н. Ә. Назарбаев.

Еліміздің астанасы қай қала? — Астана.

Біз қай ұлтпыз? — қазақпыз.

Отан, Қазақстан, туған өлке, Астана тақырыптары бойынша әдебиеттік оқудан жаттаған өлеңдер мен мәтіндерді еске түсіру.

Бағалау

Сабаққа қатысу белсенділігі мен тапсырмаларды орындауына қарай бағалау.

Үй тапсырмасы

  • Мәтінді оқып келу, мазмұндап беру.
  • Астана туралы қосымша материал жинау.