Қазақша рефераттар

Гүлзарда өсіп тұрған гүлдер

Ұйымдастырылған оқу іс-әрекетінің технологиялық картасы №1

Тақырыбы

Гүлзарда өсіп тұрған гүлдер

Білім беру саласы

Таным

Бөлімі: Құрастыру

Мақсаты

  • Ұсақ құрылыс бөліктерін көлеміне қарай біріктіріп, біртұтас затты құрастыруды үйрету.
  • Айналадағы әсемдікті бағалай білуге тәрбиелеу.
  • Ұсақ қол қимылдарын (саусақ моторикасын) жетілдіру.

Қажетті құрал-жабдықтар

Ұсақ құрастыру материалдары, қапшық.

Қостілділік компонент

гүлзар
цветник
өседі
растет
гүлдер
цветы

Мотивациялық-қозғаушылық

Жұмбақ шешу

Су құйсаң болды,
Кетеді бойлап,
Әдемі жұпар.
Не?
Көрші ойлап?!

Жауабы: Гүл

Суретпен жұмыс

Тәрбиеші қала көшелеріндегі гүлзарда өсіп тұрған гүлдердің суреттерін көрсетеді және балаларға сұрақтар қояды:

  • Гүлзар қандай?
  • Гүлзар неге ұқсайды?

Балалардың жауаптарын тыңдап, толықтырады: гүлзар үлкен, биік ыдыста тұрады. Оның үстіңгі қыры топырақ шашылып қалмауы үшін биік етіп жасалған.

Балабақшаға арнап әдемі гүлзар құрастырып беруді ұсынады.

Ұйымдастырушылық-ізденістік

Жұмысқа кіріспе

Тәрбиеші балаларды жұмыс орнына бастап барады және балабақша ауласы әдемі болуы үшін гүлзарды ұсақ құрылыс материалдарынан құрастыратынын айтады.

Сұрақ: Ол үшін бізге не керек деп ойлайсыңдар?

Дидактикалық ойын: «Қандай зат жоқ?»

Тәрбиеші ұсақ құрылыс материалдарын (текшелер, кірпіштер, призма, пластина, жұқа тақтайшалар) көрсетіп, қапшыққа салады. Балалар көздерін жұмып тұрады. Содан кейін тәрбиеші қапшықтан бір затты алып қояды да, балалардан қай зат жоғалғанын сұрайды.

Құрастыру қадамдары (бірге орындау)

  1. 1-қадам: Екі кішкентай кірпішті көлденең қоямыз — бұл гүлзардың астыңғы жағы (түбі).

  2. 2-қадам: Кірпіштің екі жағына текшені тігінен қоямыз — бұл гүлзардың қырлары (қабырғасы).

  3. 3-қадам: Пластиналарды қырымен қоямыз — бұл гүлзардың көлденең қыры (қабырғасы) болады.

Дербес жұмыс барысында тәрбиеші балаларға бағыт беріп, қажет болғанда көмектеседі.

Саусақ жаттығуы

Бас бармағым — атам, үйдің данасы.
Балаң үйрек — әжем, ошақ анасы.
Ортан терек — әкем, отау панасы.
Шылдыр шүмек — шешем, шаңырақ ажары.
Титтей бөбек — мен, бәрінің базары.

Ойын: «Гүл өсіреміз»

Тәрбиеші дайын гүлзарға топырақтың орнына қарақұмық жармасын салады. Балаларға жасанды гүлдерді таратып, оларды гүлзарға «отырғызуды» ұсынады.

Нәтиже:

Гүлзарда өсіп тұрған гүлдер.