Қазақша рефераттар

Әрекетке байланысты міндеті

Сабақ туралы мәлімет

Тақырыбы
Бумалар мен белгішелер құру. Атын өзгерту. Объектілерді іздеу
Сабақ түрі
Дамытпалы
Сабақ типі
Жаңа білімді меңгеру сабағы
Әдіс-тәсілдер
Практикалық жұмыс, топпен жұмыс, сұрақ-жауап
Пәнаралық байланыс
Математика, физика
Көрнекі құралдар
Демонстрациялық көрсетілім, тест, тапсырмалар, бетшелер

Сабақ барысында оқушылар топта жұмыс істейді және теорияны практикалық тапсырмалар арқылы бекітеді.

Сабақтың мақсаты мен міндеттері

Сабақтың мақсаты

Файлдар мен қапшықтар туралы толық мәлімет беру, оқу процесінде қолданбалы тапсырмалар орындату және оқушылардың алған білімін дамыту.

Мазмұнға байланысты міндет

Оқушыларды файл, қапшық, таңбаша ұғымдарымен таныстырып, олармен жұмыс істеудің негізгі әдіс-тәсілдерін меңгерту.

СТО және әрекетке байланысты міндеттер

  • Шапшаңдыққа және жұмысты жүйелі орындауға дағдыландыру.
  • Орындаған әрекетті нақты жеткізуге және компьютерді еркін қолдануға үйрету.
  • Жаңа мәліметтер арқылы білім қорын кеңейтіп, ой-өрісті дамыту.
  • Өз бетімен жұмыс істеу дағдысын қалыптастырып, қызығушылықты арттыру.

Сабақтың барысы

  1. 1) Оқушыларды ұйымдастыру

    Ұйымдастыру кезеңі
    • Сәлемдесу.
    • Оқушыларды түгелдеу.

  2. 2) Үй тапсырмасын тексеру

    Қайталау

    Компьютердің негізгі құрылғылары

    Енгізу және шығару құрылғылары

    Пернетақта туралы сөзжұмбақ шешу

    Семантикалық картаны толтыру

  3. 3) Жаңа сабақ

    Түсіндіру және талқылау

    Қапшық (бума) дегеніміз не?

    Қапшықтар (бумалар) — белгілі бір белгі бойынша файлдарды біріктіруге арналған объект. Мысалы, бір ойынға немесе бір редакторға қатысты файлдарды бір қапшыққа жинақтауға болады. Қарапайым тілмен айтқанда, қапшық — атауы бар файлдар тобы.

    Windows 98 жүйесінде қапшықтар каталог рөлін атқарады. Тұрмыстық деңгейде оны қағаз құжаттарды (файлдарды) салып қоятын кәдімгі қапшықпен салыстыруға болады.

    Қапшықтардың негізгі қасиеттері

    • Барлық файлдар, құжаттар және бағдарламалар қапшықтарда сақталады.
    • Қапшықтың атауы оның мазмұнын сипаттай алады.
    • Қапшықтың өз пиктограммасы (белгішесі) болуы мүмкін.
    • Қапшықтың ішінде файлдар, таңбашалар және басқа қапшықтар орналасуы мүмкін.
    • Қапшық бос болуы да мүмкін.
    • Бір қапшық ішінде атауы бірдей объектілер болмауы керек.

    Қапшықты ашу және қарау

    Қапшықтың ішіндегі мазмұнды көру үшін маустың сол жақ батырмасымен қапшықтың үстінен екі рет шерту жеткілікті.

    Ереже: Қапшық ішіндегі объектілердің атауы қайталанбауы тиіс — бұл іздеу мен реттеуді жеңілдетеді.

    Қапшықтардың түрлері

    Кәдімгі қапшықтар

    Каталогтар ретінде қолданылады.

    Арнайы қапшықтар

    Мысалы: Менің компьютерім, Себет, Принтерлер және т.б.