Қазақша рефераттар

Қатырма қағаздан қуыршақ қию

Сабақтың тақырыбы

Қатырма қағаздан қуыршақ қию.

Сабақтың мақсаты

  1. 1 Тапсырмаларды орындау арқылы оқушылардың ойлау қабілетін дамыту.
  2. 2 Оқушы қиялын дамыту; жинақылыққа, икемділікке, топпен жұмыс жасай білуге және өзара жолдастық көмекке тәрбиелеу.
  3. 3 Бастаған істі аяқтай білуге тәрбиелеу.

Сабақтың барысы

1) Ұйымдастыру

Сыныпты сабаққа дайындау, құрал-жабдықтарды тексеру, топтарға бөліну және жұмыс ережелерін еске түсіру.

2) Үй тапсырмасын тексеру

Тақырып: киім түрлері

  • Тұрмыстық киім: күнделікті, мерекелік, ұлттық, спорттық.
  • Өндірістік киім: дәрігерлік, аспаздық, формалық (сатушы, ұшқыш, әскери, полицей және т.б.).

Талқылау сұрақтары

  1. Киімдерді кімдер моделдейді?
  2. Дизайнер деген кім?

3) Жаңа сабақ: қатырма қағаздан қуыршақ қию

Бүгінгі сабақта қатырма қағаздан қуыршақ үлгісін қиып, жапсырмалау тәсілдерімен безендіру жұмыстары орындалады.

Жапсырмалау түрлері

  • Қағазбен жапсырмалау
  • Жартылай жапсырмалау
  • Матамен жапсырмалау

Нәтиже

Әр топ өз идеясы бойынша қуыршақты безендіріп, пішін, дәлдік және ұқыптылыққа мән береді.

4) «Кім тапқыр?» ойыны

  • Жұмбақ 1

    Кигізіп-ап ұзын жіпті көзіңе, киім тігіп береді ол өзіңе.

    Жауабы: ине

  • Жұмбақ 2

    Екі семсер айқасқан, оқта-текте шайқасқан.

    Жауабы: қайшы

  • Жұмбақ 3

    Естіртпе, – деп ине-жіптің күңкілін, бүтіндейді қағаз, кітап жыртығын.

    Жауабы: желім

5) Қауіпсіздік ережелері

Құралдармен жұмыс кезінде қауіпсіздік талаптарын сақтау — ұқыпты әрі сапалы жұмыстың негізі.

  1. 1Инені ауызға салма, киімге түйреме.
  2. 2Инені инеқапта немесе арнайы қорапшада сақта.
  3. 3Майысқан, тот басқан инені пайдаланба.
  4. 4Инені жоғалтып алсаң, міндетті түрде тауып ал.
  5. 5Қайшыны лақтырма, сермеме. Ашық күйінде қалдырма.
  6. 6Қайшыны партаның оң жақ жоғарғы шетіне қой.
  7. 7Қайшыны ұсынғанда жүзінен ұстап, алушыға сабын бер.
  8. 8Желіммен жұмыс кезінде партаның үстіне төсеніш төсе.
  9. 9Желімді ауызға және көзге тигізбе.
  10. 10Желіммен жұмыстан кейін қолыңды жу.

6) Ребус шешу

Мақал

Жеті рет өлшеп, бір рет кес.

Тапсырма

Ребусты шешіп, мақалдың мағынасын түсіндір: жұмысты бастамас бұрын дәл өлшеп, асықпай орындау қажеттігін айт.

7) Топпен жұмыс

1-топ

Біз — икемдіміз

2-топ

Біз — шеберміз

3-топ

Біз — татумыз

Жұмыс қағидалары

  • Бір-бірімізге құрмет көрсету
  • Төзімділік таныту
  • Әркімнің мүмкіндігін ескеру
  • Ұжымдық жұмыс жасау
  • Ұқыптылық сақтау
  • Бір-біріміздің еңбегімізді бағалау

8) Сергіту сәті

1, 2, 3 — шебер бала біз,
4, 5, 6 — жалқаулық артта қалды.
7, 8 — білім мен еңбек егіз,
9, 10 — жұмысты аяқтау жөн.

9) «Жалғастыр» ойыны

Мақал-мәтелдерді жалғастырып көр:

  • Өнер көзі — …
  • Ата көрген оқ жонар, …
  • Ою ойған — …
  • Өнерлі — …
  • Өнер — таусылмас азық, …
  • Асыл қайшы пішуге сән, …
  • Кілең шебер жиналса, істері тез қызады, …
  • Шеберді шеге …

10) Қуыршақтар галереясы

Дайын жұмыстарды көрмеге қойып, әр топ өз қуыршағын таныстырады: идеясы, жасалу барысы және қолданылған материалдары.

Жұмыс орны

1-топтың қуыршағы

Жұмыс орны

2-топтың қуыршағы

Жұмыс орны

3-топтың қуыршағы

11) Жұмысты саралау

  • Пішу дәлдігі және ұқыптылық
  • Жапсырмалау сапасы және таза орындалуы
  • Шығармашылық шешім және безендіру үйлесімі
  • Топтық жұмыстағы белсенділік және жауапкершілік

12) Үй тапсырмасы

Қатырма қағаздан қуыршаққа арналған қосымша киім үлгілерін (кемі 2 нұсқа) ойластырып, эскизін қарындашпен сыз. Келесі сабаққа қажетті материалдарды дайындап кел.