Қыз бала
Отты жылдар жаңғырығы
Бұл музыкалық-әдеби қойылымның мақсаты — Ұлы Отан соғысында ерлік көрсеткен батырлардың ержүректік, отансүйгіштік, ұлтжандылық қасиеттерін дәріптеу, сондай-ақ оқушыларды Отанын, елін қорғай білуге тәрбиелеу.
Әдісі
Музыкалық-әдеби қойылым
Көрнекілігі
- «Әрқашан күн сөнбесін» тақырыбындағы суреттер көрмесі
- Батырлық туралы нақыл сөздер
- Батырлар портреттері
- Бейнефильм
Кіріспе
Сахнада тақырыпқа сай нақыл сөздер ілінеді. Олар ерлік пен отансүйгіштік идеясын айқындайды.
«Отан үшін отқа түс — күймейсің.»
«Ерлік — елдің қасиеті, жүректілік — жігіттің қасиеті.»
«Адал адам Отанын сүйеді. Адал, ақ жүрекке Отан анасындай. Отанның дегенін істеу — қуаныш, мақтаныш. Отанға деген махаббатты бізде өлшеуге болмайды.»
Құттықтау сөздер
Қыз бала
Ардагер аталар!
Ұл бала
Ардақты әкелер!
Қыз бала
Абзал ағалар!
Ұл бала
Асыл аналар!
Екеуі қосылып
Баршаңызды! Баршаңызды!
Қыз
7 мамыр — Отан қорғаушылар күнімен…
Ұл
9 мамыр — Ұлы Жеңістің 60 жылдық мерекесімен шын жүректен құттықтаймыз!
Негізгі бөлім
1-оқушы
Жеңіс күні
Ойлап-ойлап тұрдым көп,
Сауал бердім білгім кеп:
— Қуанышты мереке —
Жеңіс күні қай күн? — деп.
Атамнан да сұрадым,
Әкемнен де сұрадым.
Ағамнан да сұрадым,
Әпемнен де сұрадым.
Тосты бәрі құлағын:
— Дұрыс, — десті, — сұрағың!
Бейбіт күннің бәрі де
Жеңіс күні, шырағым!
Қ. Жұмағалиев
Өлең оқуБүгін біздің ортамызда Ұлы Отан соғысының ардагерлері отыр. (Ардагерлер сөз сөйлейді.)
2-оқушы
Арылтып жаудан жерімді,
Табанға жаншып өлімді,
Жеңіспен желпіп өмірді,
Оралды ерлер көңілді,
Десеңдер бұл қай күні —
Бәрі қосылып: Тоғызыншы мамыр күні!
Д. Әбілев
3-оқушы
Алақай-ай, әйгілі
Тоғызыншы мамыр бүгін.
Алғаш күні шаттықтың,
Соңғы күні қайғының.
4-оқушы
Ұлы кешке сенген күн,
Фашистерді жеңген күн.
Қырмызы гүл, қызыл гүл,
Құшақтарға енген күн.