Сөйлемдерді көшіріп, қыстырма сөздердің астын сыз
Сабақ тақырыбы және идеясы
Бұл жоспар 4-сыныптағы «Қыстырма сөздер» тақырыбын меңгертуге арналған. Мақсат — қыстырма сөздердің қызметін түсіндіріп, олардың мағынасына қарай сөйлем ішінде орынды қолдануға үйрету және жазуда тыныс белгілерін дұрыс қою дағдысын қалыптастыру.
Мақсат
Қыстырма сөздер туралы түсінікті кеңейту, мәнін ұғындыру.
Сабақ түрі
Жаңа сабақ.
Күтілетін нәтиже
Қыстырма сөздерді мағынасына қарай ажыратып, сөйлеу мен жазуда сауатты қолданады; сөйлемде тыныс белгілерін дұрыс қояды.
Әдіс-тәсілдер
Жеке жұмыс, жұптық жұмыс, топтық жұмыс.
Міндеттер
- Білімділік: қыстырма сөздерді қолдану және мағынасын түсіну.
- Дамытушылық: деңгейлік тапсырмалар арқылы сөздік қорды дамыту, сөзді мағынасына қарай орнымен қолдануға дағдыландыру.
- Тәрбиелік: сөз мағынасын түсіне білуге, сауаттылыққа тәрбиелеу.
Сабақтың құрылымы
Сабақ оқушының белсенді қатысуына негізделеді: қысқа кіріспе, өткенді еске түсіру, мақсат қою, деңгейлік тапсырмалар және топтық жұмыс арқылы жаңа білім бекітіледі.
- 1. Көркем жазу (5 минут)
- 2. Слайдпен жұмыс: сөйлемдерді анықтау (3 минут)
- 3. Синтаксис бойынша сұрақ-жауап (2 минут)
- 4. «Синтаксис дегеніміз не?» слайды (1 минут)
- 5. Сабақтың мақсатын қою (2 минут)
- 6. 1-деңгей тапсырмасы: орындау, бағалау, талдау (5 + 2 минут)
- 7. 2-деңгей тапсырмасы: орындау, бағалау, талдау (5 + 2 минут)
- 8. 3-деңгей тапсырмасы: орындау, бағалау, талдау (5 + 2 минут)
- 9. Топтық жұмыс (5 + 2 минут)
- 10. Спикер бағалауын тыңдау
- 11. Оқушылардың деңгейлік бағаларын жинақтау және ортақ бағаны жариялау
- 12. Қорытынды рефлексия: «Не білдік? Не үйрендік? Нені білгіміз келеді?»
- 13. Үй тапсырмасы
Сабақтың барысы
Ұйымдастыру және психологиялық ахуал
Оқушыларды сабаққа бағыттау, ынтымақтастық атмосферасын қалыптастыру, сабаққа назар аударту.
Көркем жазу
Қан сонар — бірінші жауған қар (сонар — алғашқы қар). «Сонар қар» деп те айтылады. Қан сонарда бүркітші аңға шығады.
Тұсаукесер мәтін (оқылым)
Аязды күні қала сыртына серуендеуден артық не бар! Қанша қымтансаң да, беті-қолың домбығып, тызылдап кетеді. Сондай бір серуенде темір жол бойын жағалап келе жаттым. Көлденең кесілген бір ізге көзім түсті. Меніңше, бұл құс жолы ғой. Қуанып кеттім: көптен бері мұндайды көрмеп едім.
Осы мәтін арқылы қыстырма сөздердің (мысалы, «меніңше») сөйлемге қосымша реңк беретінін байқауға болады.
Өткенді еске түсіру: синтаксис
Синтаксис сөйлем түрлерін, олардың жасалу жолдарын, сондай-ақ сөз тіркесі мен сөйлем мүшелерін, олардың мағынасы мен байланысу тәсілдерін қарастырады.
Сабақтың мақсатын оқушымен бірге қою
«Бүгінгі сабақта нені меңгереміз?» сұрағы арқылы әр оқушы өз мақсатын айқындайды: қыстырма сөзді табу, тыныс белгісін дұрыс қою, сөйлемді сауатты құрау.
Деңгейлік тапсырмалар
Тапсырмалар қыстырма сөздерді тануға, тыныс белгілерін дұрыс қоюға және сөйлемді мағынасына сай құруға бағытталған.
1-деңгей
76-бет, 58-жаттығу: сөйлемдерді көшіріп, қыстырма сөздердің астын сыз.
Болашақта дәрігер боламын, бәлкім.
Жалпы алғанда, біздің сынып жаман емес.
Осының бәрін ол, әрине, жалғыз істей алмайды.
Сіздіңше, менің бұл қылығым дұрыс емес.
Қорытынды бағалау: әр оқушы өз жұмысын бағалап, көңіл күйін белгілейді.
Сергіту сәті
«Қаражорға» қимыл-қозғалыс жаттығуы.
2-деңгей
Сөйлемдерді тиісті тыныс белгілерімен көшіріп жаз. Қыстырма сөздердің астын сыз.
Амал қанша, сен дұрыс айтып тұрған жоқсың.
Осының бәрі, әрине, бір жыл ішінде істелген жұмыстар емес.
Меніңше, бәрі ойдағыдай болды.
Мүмкін, бұл сіздің оған көмегіңіз болар.
Олай болса, сіз осы мектептің директоры боларсыз?
Біріншіден, оның айтқанын саралау керекпіз.
Қорытынды бағалау: әр оқушы өз жұмысының нәтижесін бағалап, қысқа пікір қалдырады.
Қорытынды және рефлексия
Не білдік?
Қыстырма сөз сөйлемге қосымша реңк береді, негізгі ойды өзгертпей нақтылайды.
Не үйрендік?
Қыстырма сөздерді табуды және олармен байланысты тыныс белгілерін дұрыс қоюды.
Нені білгіміз келеді?
Қыстырма сөздердің түрлерін көбірек мысалмен ажыратып, мәтінде сауатты қолдануды.
Үй тапсырмасы
Тақырып бойынша қосымша сөйлемдер құрастырып, қыстырма сөздерді пайдаланып жазу. Қажет жерінде тыныс белгілерін дұрыс қою.