Орындайтын ұлдар тобы
Мақсаты
- 8 наурыз — аналар мен қыздар мерекесін атап өту.
- Отбасының берекесі, адамзат өмірінің тірегі — аналарды, нәзік жанды қыздарды құрметтеуге үйрету.
- Қыздарды әсемдікке, іскерлікке баулу.
- Аналарға деген балалық махаббатты, ал ер балаларға қыз балаға қамқорлық пен сыйластықты тәрбиелеу.
Көрнекіліктер
Барысы
Музыка әуенімен балалар залға кіреді.
Мұғалімнің құттықтау сөзі
Құрметті ақ жаулықты әжелер, асыл аналар, қадірлі ұстаздар, қымбатты қыздар! Сіздерді 8 наурыз — Гүл мереке, Күн мерекесімен құттықтаймын. Бұл күн — көктем мерекесі, табиғаттың оянатын мезгілі. Ең жылы сезімдер — қайырымдылық пен кішіпейілділік, үміт пен сенім, махаббат пен адалдық — осы күні тоғысады. Осы тамаша күнге орай ұйымдастырылған тәрбие сағатымызға қош келдіңіздер!
І бөлім
Ана — өмір шуағы
ІІ бөлім
Наурыз аруы
І бөлім: Ана — өмір шуағы
Ортаға жүргізушілер шығады.
8 наурыз
құрмет • мейірім • жылулық
Жүргізушілер сөзі
Ана деген — жүректегі асыл ән,
Ана — бақыт деген сөзге қосылам.
Анаға арнап айта берсең сөз жетпес,
Ол дегенің — өмірдегі асыл жан!
Армысыздар, асыл аналар, ұлағатты ұстаздар, аяулы арулар! Сіздерді 8 наурыз — Халықаралық әйелдер күні мерекесімен құттықтаймыз!
Бізді өсірген анашым,
Еңбегің де зор екен.
Құтты болсын, анашым,
Құтты болсын мерекең!
Олай болса, салмақты әжелерге, ардақты аналарға арналған «Ана — өмір шуағы» бөлімін бастайық.
Оқушылардың өлеңдері
Ана деген — адамзаттың данасы,
Ана деген — сәбилердің панасы.
Ана деген — жарық жұлдыз шырағың,
Ана деген — қайнар, ыстық бұлағың.
Ана деген — өмірдегі қамқорың,
Ана деген — сүйенерің, жан құрбың!
Ана десе сезім билер тым ыстық,
Жарасымды адамдарға туыстық.
Бір адамға берсе ана мейірім,
Орнар еді бар әлемде тыныштық.
Адамзат қуат алар ақ сүтіңнен,
Мәпелеп әлдилеген пейілің кең.
Аналық махаббатың — кәусар бұлақ,
Сөнбейтін ақ жүрегің — мәңгі шырақ.
Әндер
Ән
«Анашым»
Орындайтын: Меткенова Дана
Ән
«Аналар алтын»
Орындайтын: ұлдар тобы
Әже туралы жүрекжарды сөз
Тосып тәтті дәмдерін,
Ол бар жерде бал жедім.
Мен ұйықтарда айтады,
Ертегісін, әндерін.
Біздің үйде осындай,
Әжетайым бар менің!
Бізге жарық өмір сыйлаған — анамыз. Ал сол ананың анасы, әкенің анасы — біздің әжеміз.
«Қариясы бар үйдің қазынасы бар» деп бекер айтылмаған. Қазыналы әжелерімізді құттықтай отырып, келесі әнімізді қабыл алыңыздар.
Ән
«Сағындым әже, сағындым»
Ана туралы ой-толғау
Дүниедегі барлық өмірдің сарқылмас бұлағы — ана. Ақын да, батыр да анадан туады. Ана — үйдің берекесі, қыз баланың өнегесі, отбасының темірқазығы, ырыстың бастауы.
Сұрақ-жауап
Жүргізуші: Достар, бізге осы жарық дүниені сыйлаған кім?
Бәрі: АНА!
Жүректен шыққан жыр
Ана деген — бастауы ұлылықтың,
Ана деген — рәмізі сұлулықтың.
Ана деген бір жыр бар шырқалатын,
Асқақтатар биікке ұрпақ атын.
Ана деген — бәйтерегі өмірдің,
Ана деген — қуанышы өмірдің.
Ана деген — әрбір үйдің жылуы,
Ана деген — гүлі туған өмірдің.
Құрметтейік, о, адамдар, аналарды —
Бізді өмірге әкелген даналарды.
Себебі ана деген — асыл жан ғой,
Оймен істейік әр қадамды.
Ана деген — ақылшың,
Анаң барда батырсың.
Қасыңда кім болса да,
Тек анаңа жақынсың!
Бір өзіңнен басталды өмір жолдарым,
Жүрегіме жүрегіңді жалғадым.
Өзің сыйға берген өмір ішінде,
Ақ сүтіңді ақтап өту — арманым.
Қорытынды және сыйлықтар
Бәрі бірге: «Құттықтаймыз, ана, мерекеңізбен!»
Аналар мен әжелерге дайындалған сыйлықтар табысталады.
Ән
«Ақ мама»
Орындайтын: __________________
Гүл мереке, күн мереке — 8 наурыз! Ізгі тілек, мейірім мен жылулыққа толы мерекелеріңіз құтты болсын!