Қазақша рефераттар

Табиғатқа деген қамқорлық, сүйіспеншілік сезімдерін ояту

Табиғат – біздің анамыз

Табиғат – біздің ортақ үйіміз әрі қамқор анамыз. Оны тану, бағалау және қорғау — әр баланың да, әр ересектің де міндеті. Төмендегі ойлар балаларға табиғатқа сүйіспеншілікпен қарауды үйретуге арналған.

Мақсат 1

Балаларды туған елінің табиғатымен таныстыру.

Мақсат 2

Табиғат әлеміне танымдық қызығушылықты арттыру.

Мақсат 3

Табиғатқа деген қамқорлық пен сүйіспеншілік сезімін ояту.

Әдіс-тәсілдер

Сұхбат, әңгімелеу, ой-шабуыл, шығармашылық тапсырмалар, ізденіс, салыстыру, билингвизм.

Шаттық шеңбері

Сәлеметсіңдер ме, балалар? Сендермен кездескеніме қуаныштымын. Бүгінгі күн біз үшін қуанышты болатынына сенемін.

Біз әдепті баламыз,
Жайнай берсін даламыз.
Табиғатпен дос болып,
Қамқорлықпен қараймыз.

Сұрақ-жауап: туған өлке табиғаты

С

Балалар, сендер қай елде тұрасыңдар? — Қазақстанда.

С

Қазақстанның табиғаты бай әрі ерекше. Көз жеткізгілерің келсе, назар аударыңдар.

Балалардың жауаптары

  • Кең байтақ даламыз бар.
  • Шалқыған өзен-көлдеріміз бар.
  • Жайқалған ормандарымыз бар.
  • Асқар биік тауларымыз бар.
  • Ұлан-байтақ жерімізде аңдар мен құстар мекендейді.

Сергіту сәті

Қоюланып қара бұлт,
Жаңбыр жауды себелеп.
Жапырақты жамылып,
Жата қалды көбелек.

Ойын: «Табиғатты аялайық»

Әр бала тірі табиғат түрлерін плакатқа жапсырып, табиғат көрінісін бейнелейді және табиғатты қорғауға қатысты тыйым сөздер мен пайдалы ережелерді айтады.

Гүл

Гүлді жұлуға болмайды, гүлді аялау керек.

Ағаш

Ағашты кесуге болмайды: ол бізге таза ауа береді.

Су

Суды ластауға болмайды: сусыз өмір жоқ.

Аспан

Күнімізді бұлт баспасын, табиғаттың тепе-теңдігін сақтайық.

Көбелек

Көбелекті өлтіруге болмайды: ол әсемдіктің белгісі.

Құс

Құсты атуға болмайды: құс — адамның досы.

Жасыл шөп

Жасыл шөпті жұлуға болмайды: ол жерімізге көрік береді.

Аңдар

Аңдарды қорғауымыз керек: олар — біздің байлығымыз.

Таулар

Асқар тауларымыз биік болсын, табиғатымыз берік болсын.

Аққу

Аққуды атуға болмайды: ол — сұлулықтың белгісі.

Тыныштық сәті

Балалар, денелеріңді түзу ұстап, бастарыңды жоғары көтеріп, ыңғайланып отырыңдар. Ауаны терең жұтып, еркін тыныс алыңдар.

Тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа тарағанын сезініңдер. Енді көздеріңді ашсаңдар болады.

Әңгімелеу: «Табиғат — Ана»

Ертеде Табиғат-Анасының үш ұлы болыпты: Жер, Су, Ағаш. Үшеуі де ақылды әрі мейірімді екен.

Бір күні Табиғат-Ана ұлдарын шақырып: «Адамдарға көп қызмет еткен ұлыма үлкен сый беремін», — деп уәде етеді.

Ұлдары қуанып, адамдарға жақсылық жасауға жолға шығады. Үшеуі үш жаққа кетіп, талай игілікті іс атқарады.

Күндердің күнінде үшеуі еліне оралғанда, аналарының бұрынғыдан да көріктене түскенін байқап: «Апатай, сіз қандай керемет күйге енгенсіз! Мұның сыры неде?» — деп сұрайды.

Сонда Табиғат-Ана: «Аяулы ұлдарым, мұның сыры — сендердің адамзатқа жасаған қайырымдылықтарыңда», — деп жауап береді.

Содан бері Жер, Су, Ағаш аналарының сұлулығын сақтап қалу үшін адамдарға адал қызмет етіп келеді екен.

Талқылауға арналған сұрақтар

  1. Табиғаттың әдемілігін сақтау үшін ең алдымен не қажет?
  2. Жер, су, ағаш бір-бірімен байланыста ма?
  3. Су болмаса, жердің көркі бола ма?

Дәйек сөз

Ө. Тұрманжанов: «Сүйейік, табиғатты аялайық,
Біз де одан жақсылықты аямайық».

Қорытынды

Бүгін біз туған жерімізге, табиғатымызға сүйіспеншілікпен қарап, қамқорлық көрсету керектігін түсіндік.

  • Күн мейірін шашса, жаңбыр жерге нәр береді.
  • Құстар — біздің досымыз: олар ән салып, көңілімізді көтереді, табиғатқа көрік береді.
  • Жеміс ағаштары мен көкөністер Жер-Анадан өсіп-өнеді.

Ендеше, бәріміз айналамыздағы табиғатты күтіп-баптап, қорғап, сүйіспеншілікпен қарайық.