Сандық мәліметі
Математика • 1-сынып
Тақырып: Өрнектер — a+7, a−7
Сабақ түрі: аралас сабақ
Негізгі идея
7 санын қосу және азайту тәсілдерін түсіндіру, қосу мен азайтудың байланысын бекіту.
Сабақ мақсаты
Білімділік
- 7 санын қосу және азайту тәсілдерімен таныстыру.
- Өткен сабақтағы білімді пысықтау.
- 7 саны туралы қосымша мәлімет беру.
Тәрбиелік
- Ұқыптылыққа, ұйымшылдыққа тәрбиелеу.
- Жылдамдық пен ізденімпаздықты дамыту.
Дамытушылық
- Білім-білік дағдыларын қалыптастыру.
- Есте сақтау қабілетін жетілдіру.
- Қосу мен азайтудың өзара байланысы арқылы логикалық ойлауды дамыту.
- Танымдық қабілетті арттыру.
Құрал-жабдықтар мен әдістер
Көрнекіліктер
Әдіс-тәсілдер
- СТО стратегиялары
- сұрақ-жауап
- дамыта оқыту
- ойын әдісі
Сабақ барысы
I. Ұйымдастыру және психологиялық дайындық
Қайырлы таң, досым,
Қайырлы күн болсын.
Сейсенбі күні
Сәттілікке толсын.
Біздің алар бағамыз
Кілең «5» болсын.
II. Үй тапсырмасын тексеру
№4, 161-бет.
III. Жүгіртіп қайталау
IV. Негізгі бөлім
Ой шақыру
6 мен 8 сандары
Шақырды дос-көршісін.
Балақайлар, табайық,
Қонақ қай сан екенін?
Білемін
- 7 санының орнын.
- 7 санының құрамын.
Білдім
- 7 санын қосу және азайту тәсілдерін.
Білгім келеді
- 7 санына қатысты қызықты мәліметтерді.
Дәптермен жұмыс
- Күннің жадын және тақырыпты жазу.
- Көркем жазу: 7, 77, 777.
Сұрақ
Бұлар неше таңбалы сандар?
Тапсырма
77 санын разрядқа жікте: 7 ондық, 7 бірлік
Елдос пен Аяжан мультсериалындағы кейіпкерлердің тапсырмаларын орындау арқылы оқушылар «құпия сандықшаларды» ашады. Әр сандықшаның ішінде 7 саны туралы қызықты мәлімет бар.
Оқулықпен жұмыс: «Сандықша тапсырмалары»
№1. Кестені толтыр
| a | 0 | 1 | 2 | 3 |
|---|---|---|---|---|
| a+7 | 7 | 8 | 9 | 10 |
| a | 10 | 9 | 8 | 7 |
| a−7 | 3 | 2 | 1 | 0 |
Талқылау сұрақтары
- Қандай өрнек берілген? (әріпті өрнек)
- Өрнектерді қандай амалдармен орындадық? (қосу және азайту)
- Қосудың компоненттерін ата.
- Азайтудың компоненттерін ата.
Сандықша мәліметі
Аптадағы 7 күн
Дүйсенбі, сейсенбі, сәрсенбі, бейсенбі, жұма, сенбі, жексенбі.
№3. Оқы, салыстыр. Есепті шығар
а) Балмұздақ туралы есеп
Пломбир — 6
Эскимо — 4
Ш: 6+4=10
Ж: Барлығы 10 балмұздақ.
Сөздік жұмыс
- Пломбир — сүт пен кілегейден жасалатын балмұздақ түрі.
- Эскимо — сырты шоколадпен қапталған, сүт-кілегейден жасалатын балмұздақ.
- Пломбир мен эскимоны бір сөзбен қалай атаймыз? — балмұздақ.
- Балмұздақ: мороженое — ice cream.
- Балмұздақты қай мезгілде жеуге болмайды? Неліктен?
ә) Ағаштар туралы есеп
Қайың — 4
Қарағай — 6
Ш: 4+6=10
Ж: Барлығы 10 ағаш өсіп тұр.
Сөздік жұмыс
- Қайың мен қарағай суыққа төзімді болады.
- Олар көбіне Шығыс және Солтүстік Қазақстанда жиі кездеседі.
- Біздің қаламызда, мектеп ауласында қандай ағаштар өседі?
- Қарағаш, арша, терек және т.б.
- Ағаш: дерево — tree.
- Ағаштар пайдалы ма? Неліктен?
Сандықша мәліметі
Жеті ата
Әке, бала, немере, шөбере, шөпшек, немене, туажат. Қазақта: «Жеті атасын білмеген — жетесіз» деген мақал бар.
Кім өз жеті атасын жатқа біледі?
Сергіту сәті
Қысқа сергіту жаттығуы (видео арқылы).
Геометриялық тапсырма
Еске түсіру
- Қандай геометриялық фигураларды білеміз?
- Ұзындықтың өлшем бірлігі қандай?
№4
Біреуінің ұзындығы 5 см, ал екіншісі одан 3 см қысқа болатын екі кесінді сыз. (Өзіндік жұмыс)
Ерте орындаған оқушыларға қосымша тапсырма беріледі.
Сандықша мәліметі
Жеті қазына
Ер жігіт, сұлу әйел, ақыл-білім, жүйрік ат, қыран бүркіт, жүйрік тазы, берен мылтық.
Шығармашылық тапсырма
Заңдылықты анықтап, жетіспейтін сандарды жаз:
Сандықша мәліметі
Қазақтың жеті кереметі
- Таңбалы тас суреттері
- Алтын адам
- Қазақтың киіз үйі
- Домбыра
- Ясауи кесенесі
- Маңғыстау жерасты мешіті
- Астана — Бәйтерек
V. Бекіту бөлімі: «Кел, ойнайық!»
Әңгімелесу
- Қазір қай мезгіл? — Көктем.
- Көктемде қандай өзгерістер болады?
Топтық жұмыс
Гүл күлтелерінде берілген сан шығатындай етіп санды өрнектер құрастырамыз.
VI. Үй тапсырмасы, бағалау және рефлексия
Үй тапсырмасы
№2, 162-бет (түсіндіру).
Бағалау
Оқушылардың жұмысы тапсырмаларға қатысуына және дәлелді жауаптарына қарай бағаланады.
Рефлексия
Бүгін не үйрендік? Қай тапсырма қызық болды? Қай жерде қиналдық?