Мені неліктен алтын күз деп айтасыңдар
«Алтын күз» мерекелік ертеңгілігіне арналған сценарий
Бұл материал мектепалды даярлық тобына арналған күзгі мерекелік шараның қысқа сценарий-нұсқасы. Мақсат — балалардың күз туралы түсінігін кеңейтіп, сөздік қорын дамыту, мерекелік көңіл күй сыйлау және табиғатты аялауға, қорғауға тәрбиелеу.
Мақсаты
- Күз мезгілі туралы түсініктерін кеңейту.
- Сөздік қорын дамыту, тіл мәдениетін жетілдіру.
- Балаларға мерекелік көңіл күй сыйлау.
- Табиғатты аялауға, қорғауға тәрбиелеу.
Көрнекілігі
Шарлар, қанатты сөздер жазылған плакаттар, сарғайған жапырақты ағаштар (макет), жапырақтар, құстардың суреттері, техникалық құралдар (музыка ойнатқыш және т.б.).
Залдың безендірілуі
Зал іші шарлармен, қанатты сөздермен, еденге шашылған жапырақтармен, ағаштар макетімен және тақырыптық суреттермен безендірілген. Әдемі әуен ойналып тұрады, балалар орындықтарға жайғасады.
Кіріспе сөз
Тәрбиеші қонақтарды қарсы алып, мерекенің мәнін таныстырады.
Тәрбиеші:
Құрметті ұстаздар, ата-аналар! Бүгін мектепалды даярлық сынып балалары дайындаған «Алтын күз» атты күзгі мерекелік ертеңгілікке қош келдіңіздер!
Жүргізушілердің сөзі
1-жүргізуші — Жангелді:
Армысыздар, халайық,
Бармысыздар, халайық!
Күзгі тойды жұп жазбай,
Бірге қарсы алайық!
2-жүргізуші — Асылай:
Ойын-күлкі, той-думан,
Әсем ән мен сәнді би.
Асығыңдар, келіңдер,
Бәрі бізден табылар!
Осылайша «Алтын күз» мерекелік ертеңгілігін ән шашумен бастайық.
Өнер нөмірі
Би (вальс)
Орындайтындар: ұлдар мен қыздар тобы.
Өлең жолдары
Ақырыс:
Қарашы, күз келді, күз келді,
Сары алтын жауыпты іздерді.
Құс біткен керуенін түзеді,
Көңілсіз неліктен күз енді?
Тоғай:
Қара бұлт қабағын түйеді,
Бұталар боз қырау киеді.
Осы ма, осы ма күз деген,
Бақшаға баратын бізбенен?
Күзді қарсы алу көрінісі
1-жүргізуші — Жангелді:
Балалар, бүгін бәріміз күз мерекесіне жиналдық. Қонақтар да келді. Бірақ мерекемізге біреу жетіспейді. Сендер білесіңдер ме, ол кім?
Балалар (хормен): Ол — Күз!
2-жүргізуші — Асылай:
Ендеше, Күзді ортаға шақырайық!
Балалар (хормен):
Берекелі күз келді,
Мерекелі күз келді!
Күз:
Сәлеметсіңдер ме, балалар! Мерекеге кешігіп қалдым ба?
Балалар: Сәлеметсіз бе, Алтын күз! Жоқ, кешіккен жоқсыз!
Иә, балалар, мен — Алтын күзбін. Мені неліктен «алтын күз» деп атайсыңдар?
Балалар: Өйткені ағаштардың жапырақтары сарғайып жерге түседі, шөп те сарғаяды, айнала сап-сары түске енеді. Алыстан қарасаң, сары алтын сияқты көрінеді. Сондықтан күзді сары алтынға теңейді.
Күз: Менің жемістерім мен көкөністерім де осында жүр екен ғой...
Тәрбиеші:
Балалар қазір сізге арнап тақпақ айтып, би билеп, өз өнерлерін көрсетеді.
Ән
«Жау, жау, жаңбыр!» (хор)