Қазақша рефераттар

Балаларға көбелектердің суреттерін көрсету

Жалпы мәлімет

Өтетін орны
Атырау облысы, Қызылқоға ауданы, Миялы ауылы
Педагог
Балабақша тәрбиешісі Орынбасарова Мейрамгүл Асқарқызы
Тақырыбы
«Жарқын көбелектер»
Білім беру саласы
Шығармашылық
Ұйымдастырылған оқу іс-әрекеті
Сурет салу
Пәнаралық байланыс
Айналамен таныстыру, көркем әдебиет

Мақсаты

  • Қылқаламды дұрыс ұстау дағдысын қалыптастыру.
  • Бояуды таңдауға, бірнеше түсті араластыру арқылы қажетті реңкті шығаруға үйрету.
  • Кляксография (дақ арқылы бейне жасау) тәсілімен таныстыру.

Алдын ала жұмыс және ресурстар

Алдын ала жүргізілген жұмыс

Көбелектерді бақылау.

Көрнекіліктер

  • Ақ қағаз
  • Көбелектің суреттері
  • Қарындаштар
  • Палитра
  • Бояу
  • Қылқалам
  • Су құятын құты

Әдіс-тәсілдер

Көрсету Түсіндіру Сұрақ-жауап Әңгімелеу Сергіту сәті Өлең оқу Кляксография

Сабақтың барысы

1) Ұйымдастыру кезеңі

Тәрбиеші балаларды ұйымдастырып, назарларын сабаққа аударады.

Шаттық шеңбері

Арайлап таң атты,

Алтын сәуле таратты.

Жарқырайды қаламыз,

Жайнай түсті даламыз,

Қайырлы таң, достарым!

2) Кіріспе бөлім: өлең және әңгіме

Тәрбиеші балаларға А. Сәрсековтің «Көбелек» өлеңін оқып береді.

Өлең

Мен тимеймін, жасқанба,

Дос болайық, көбелек.

Жайнап тұрған бақшамда

Гүлдерімді көре кет.

Тұтқиылдан састыра,

Жаңбыр жауса себелеп,

Тақиямның астына

Тығыла ғой, көбелек.

Сұрақ-жауап

  • Көбелектер қандай болады?
  • Көбелектер нені жақсы көреді?

Сергіту сәті

«Көбелек-ау, көбелек, біздің гүлге қона кет».

3) Негізгі бөлім: кляксография тәсілімен сурет салу

Тәрбиеші жұмыстың орындалу ретін кезең-кезеңімен көрсетіп, түсіндіреді. Балалар бояуды араластыру, қылқаламды күту және симметрияны сақтау дағдыларын меңгереді.

  1. 1-қадам

    Дайындау

    Қылқаламды таза суға батырып, бояудың үстіне бірнеше тамшы су қосыңыз. Бояудың жартысы су болатындай етіп, палитрада мұқият араластырыңыз.

  2. 2-қадам

    Түстерді тамызу

    Араластырылған бояуға қылқаламды батырып, көбелектің оң жақ қанатына дақ түсіріңіз. Алдымен сары, кейін қызыл, содан соң көк түсті кезекпен тамызыңыз.

    Әр түсті қолданғаннан кейін қылқаламның ұшын жуып, тазалап отырыңыз.

  3. 3-қадам

    Бүктеу

    Қағазды дәл ортасынан бүктеп, сол және оң қанатты беттестіріңіз. Үстінен алақаныңызбен жайлап сипап, 1-ден 5-ке дейін санаңыз.

  4. 4-қадам

    Нәтиже

    Қағазды абайлап ашыңыз. Екі қанатта да симметриялы, жарқын өрнек пайда болады — көбелектің әсем бейнесі дайын.

Ескертпе

Бұл жоспар кляксография техникасы арқылы балалардың қиялын дамытуға, түстерді үйлестіруге және ұқыптылыққа үйретуге бағытталған.