Мектеп бітіруші түлектердің салтанатты жиын сценарийі
Салтанатты жиынның басталуы
Фанфар ойналады.
1-жүргізуші:
Сіздердің назарларыңызға — республикалық байқаулардың жеңімпаздары, 10-сынып қыздарының «Қамажай» биі!
2-жүргізуші:
Қайырлы кеш, қадірменді қонақтар мен ұстаздар! Қымбатты ата-аналар!
1-жүргізуші:
Құрметті ұстаздар және аяулы мектеп бітіруші түлектер!
Ескерту:
Мәтінде Мемлекеттік рәміздердің мерейтой жылы бос орынмен берілген (— жыл). Қажет болса, нақты жылын енгізіңіз.
1-жүргізуші (бірге):
Бүгінгі мектеп бітірушілер құрметіне арналған, Қазақстан Республикасының Мемлекеттік рәміздерінің 25 жылдығына және «Мәңгілік Ел» жалпыұлттық идеясына негізделген «Мектеп бітіру кеші — 2018» атты салтанатты жиынымызды ашық деп жариялаймыз!
Жүргізушілердің арнауы
Өлең жолдары
Шыңдалып ата-баба рухымен,
Біз бүгін егеменді ел — әлем білген.
Қазақтың бір баласы ой тастап тұр,
Жаһанның мәртебелі мінберінен.
Өлең жолдары
Жаңғырып өмір сәні келер күнмен,
Бір күнім мүлде жаңа бір күнімнен.
Еліңнің болашағын айт десе егер,
Дер едім: болашағы — зерделі өрен.
1-жүргізуші:
Бүгінгі күн — түлектер үшін қайталанбас, маңызды да мәнді, тебіреніске толы күн. Өмір күнделігіне өшпестей жазылатын ерекше сәт!
2-жүргізуші:
Иә, биыл қазақстандықтар үшін ерекше жыл: Қазақстан Республикасының Мемлекеттік рәміздеріне ——— жыл толатын мерейлі кезең. Сондай-ақ, бұл жылы мектебіміздің 26-шы түлектері үлкен өмірге қадам басқалы тұр. Ендеше, бүгінгі мерекеге қош келдіңіздер!
Түлектерге тілек
Құрметті мектеп бітіруші түлектер, Қазақстанның көркеюіне, гүлденуіне үлес қосатын — өздеріңіз. Еліміздің көк байрағын желбіретіп, Әнұранды асқақтататын, егемен еліміздің ертеңі мен болашағысыздар. Ел бірлігін ойлайтын, Отанын қорғайтын, өркениетін өрістететін «Мәңгілік Елдің» азаматтары болыңыздар!
Қонақтармен таныстыру
2-жүргізуші:
Бүгінгі салтанатты жиынымызға қатысып отырған қадірлі қонақтармен таныс болыңыздар:
- 1 ____________ — білім бөлімінің әдіскері.
- 2 ____________ — ауылдық округ әкімінің орынбасарының міндетін атқарушы.
- 3 ____________ — ауылдық округ әкімі аппаратының бас маманы.
- 4 ____________ — ауданның құрметті азаматы.
- 5 ____________ — жергілікті қоғамдастықтың төрағасы.
- 6 ____________ — Ардагерлер кеңесінің мүшесі.
Түлектерді ортаға шақыру
2-жүргізуші:
Алтын ұя мектебі — №20 орта мектеп табалдырығынан үлкен өмірге аттанғалы отырған мектеп бітіруші түлектерімізді құрметтеп, ортаға шақырайық!
Сынып жетекшілерін таныстыру
11 «А» сынып жетекшісі
1-жүргізуші: Ұстазым — екінші анам, аялаған, біздерден бар білімін аямаған. Гүлжазира апай, сізге ерекше көп алғыс, әрдайым шын көңілмен құшақ жая қарсы алған!
Аудандық «Үздік информатика пәні мұғалімі» байқауының жеңімпазы, еңбек өтілі — 19 жыл, бірінші санатты физика және информатика пәнінің мұғалімі Абдраимова Гүлжазира Айтбайқызы — түлектерімен бірге ортаға шақырылады.
11 «Ә» сынып жетекшісі
2-жүргізуші: Әр адамға құрметпен қараған, өз бойынан мол ізгілік таратқан. Талап пен тәртіпті ту еткен — Ғалия апай, сіздей жан қайда бар?!
Аудандық «Үздік жаратылыстану пәні мұғалімі — 2017» байқауының II орын жеңімпазы, мектеп тренері, бірінші санатты химия пәнінің мұғалімі Қойбағарова Ғалия Тұрмағамбетқызы — түлектерімен бірге ортаға шақырылады.
11 «Б» сынып жетекшісі
1-жүргізуші: Данышпан да, дана да оқып сенен, атақ-даңқын асырды бар әлемге. «Ұстаз» деген аяулы, асыл жанға — Анар апайға әрқашан арнаймыз жақсы өлең!
Ағылшын тілі пәнінің екінші санатты мұғалімі, аудандық ғылыми-тәжірибелік конференцияларда дарынды оқушыларды үздік дайындаушы ____________ — 11 «Б» сыныбымен бірге ортаға шақырылады.
11 «В» сынып жетекшісі
1-жүргізуші: Ұстаз болу — жүректің батырлығы, ұстаз болу — сезімнің ақылдығы. Ұстаз болу — мінездің күн шуағы, азбайтұғын адамның ар-намысы.
Еңбек өтілі — 29 жыл, жоғары санатты, аудандық олимпиадаларда мақтау қағазының иегері, орыс тілі пәні мұғалімі ____________ — түлектерімен бірге ортаға шақырылады.
Мемлекеттік Туды енгізу және Әнұран
Тарихы терең қазақ деген көне елде — ел белгісі ерлік, өрлік, өнерде.
Жаһандағы ең жауынгер халықта кім сенеді ту болмады дегенге?!
Тәуелсіздіктің қасиетті Туы мәңгі желбіресін!
1-жүргізуші:
Мектеп, түзел! Тік тұр! Қазақстан Республикасының Мемлекеттік Туы салтанатты түрде жиынға енгізілсін. Мемлекеттік туға — тіктел!
Ту ұстаушылар
- 1 Облыстық еркін күрестен II орын иегері, 10 «Ә» сынып оқушысы — ____________.
- 2 Аудандық бокстан III орын иегері, 10-сынып оқушысы — ____________.
- 3 Аудандық еркін күрестен III орын иегері — ____________.
Әнұран орындалады.
Жұлдызды сәт
2-жүргізуші:
Құрметті қонақтар, ұстаздар, ата-аналар! Адам өмірінде жұлдызды сәттер болады. Бүгінгі күн — оқушылар үшін сондай бір белес, жұлдызы жанған күн деп білеміз.
1-жүргізуші:
Ортаға өз білімдерімен, тәрбиесімен және қоғамдық жұмыстарға белсене қатысуымен мектебіміздің, ауданымыздың абыройын асқақтатуға үлес қосқан жас түлектерімізді шақырамыз!
Қорытынды белгі
Бұл мәтін — «Мектеп бітіруші түлектердің салтанатты жиын сценарийі» бөлімінің кіріспе үзіндісі ретінде рәсімделді.