Қазақша рефераттар

Фонограф бағдарламасы

Сабақтың тақырыбы: Фонограф бағдарламасы

Бұл сабақта оқушылар Фонограф (дыбыс жазу) бағдарламасымен жұмыс істеуді үйреніп, микрофон арқылы дыбыс жазу, ойнату және жазылған файлды WordPad құжатына енгізу әрекеттерін орындайды.

Сабақтың мақсаты

Білімділік

  • Оқушылардың компьютерлік техниканы пайдалану туралы білімін кеңейту.
  • Фонограф бағдарламасында жұмыс істеуге үйрету.
  • Дыбысты жазу және ойнату дағдыларын қалыптастыру.

Дамытушылық

  • Дыбыстық файлды WordPad мәтіндік редакторына енгізу (көшіріп-қою) әрекеттерін меңгерту.
  • Фонограф терезесінде сенімді жұмыс істеу және микрофонды дұрыс пайдалану.

Тәрбиелік

  • Отанды сүюге тәрбиелеу.
  • Салт-дәстүрді құрметтеуге және ұмытпауға баулу.

Ұйымдастыру және ресурстар

Сабақ параметрлері

Сабақтың әдісі
Көрсете түсіндіру, практикум элементі бар лекция, сұрақ-жауап.
Сабақтың түрі
Жаңа білімді меңгеру.
Пәнаралық байланыс
Геометрия.

Көрнекілік және құрал-жабдық

  • Компьютер
  • Микрофон
  • Интерактивті тақта
  • Қима қағаздар
  • Геометриялық кескіндер

Сабақтың барысы

I. Ұйымдастыру кезеңі

1 минут
  • Сәлемдесу.
  • Сыныпты түгелдеу.

II. Үй тапсырмасын сұрау

5–6 минут

Талқылауға арналған сұрақтар:

  1. Лазерлік ойнатқыш бағдарламасы не үшін қажет?
  2. Лазерлік ойнатқышты қалай іске қосуға болады?
  3. Лазерлік ойнатқыш көмегімен қандай жұмыстар орындауға болады?
  4. Лазерлік ойнатқыш терезесінің элементтерін атаңдар.
  5. Сыртқы жад құрылғыларының қайсысы музыка ойнату үшін қолданылады?
  6. Бір уақытта музыка тыңдап, басқа қолданбалармен жұмыс істеуге бола ма?

III. Жаңа сабақ

10 минут

Фонограф — дыбысты жазуға және ойнатуға арналған бағдарлама. Дыбыс енгізу микрофон арқылы орындалады. Дыбыстық файлдарды электрондық пошта, жергілікті желі немесе интернет арқылы жіберуге болады.

Фонограф бағдарламасын іске қосу

Іске қосу тізбегі: Пуск → Программы → Стандартные → Мультимедиа → Фонограф (кей нұсқаларда: Пуск → Программы → Стандартные → Развлечения → Звукозапись).

Осы әрекеттер орындалғаннан кейін экранда дыбыс жазу терезесі ашылады.

Басқару батырмалары

  • 1. Бас жағына өту
  • 2. Соңына өту
  • 3. Ойнату
  • 4. Тоқтату
  • 5. Жазу

Жазылған ақпарат әдетте WAV кеңейтілімі бар файл ретінде сақталады.

Дыбыс жазу қадамдары

  1. Фонограф бағдарламасын іске қосыңдар.
  2. Микрофонды қосып, Запись батырмасын басып сөйлей бастаңдар (жазудың максималды ұзақтығы — 60 секунд).
  3. Сөйлеп болған соң Стоп батырмасын басыңдар.
  4. Тыңдау үшін Переход в начало (Басына апару) батырмасын таңдаңдар.
  5. Воспроизведение (Ойнату) батырмасын басыңдар.
  6. Файл → Сохранить командасын таңдап, файлға ат беріп сақтаңдар.

Дыбыстық файлды WordPad-қа енгізу

  1. Фонограф бағдарламасын іске қосыңдар.
  2. Өздерің құрған файлды ашыңдар.
  3. Правка → Копировать командасын орындаңдар.
  4. WordPad құжатын ашыңдар.
  5. WordPad терезесінде Правка → Вставить командасын орындаңдар.

IV. Тапсырма

1 минут

Дыбыс файлын құрудың кезеңдерін кесте түрінде көрсетіңдер. Бұл тапсырма өтілген тақырыпты меңгеру деңгейін тексеруге арналған.

V. Практикалық бөлім

20 минут
  1. Тапсырманы түсіндіру, техника қауіпсіздігі ережелерін сұрау.
  2. Оқушыларды компьютерге орналастыру.
  3. Фонограф бағдарламасын іске қосу, дауыс жазу және тыңдау. Тақырып: Отан, ана, туған жер туралы нақыл сөздер айту.
  4. Көзге және қолға арналған жаттығу жасау.

VI. Қызығушылықты ояту кезеңі

Сыныппен жұмыс

Оқушыларға қима қағаздардың мазмұны түсіндіріліп, таратылады. Қималардың ішінде сұрақтар болады. Бөліктерді араластырып, бүтін сұрақтарды құрастырып, жауап береміз. Қималар біріктірілгенде геометриялық кескін пайда болады — оны атау қажет.

Цилиндр кескіні

  • Лазерлік ойнатқыш терезесінің элементтерін атаңдар.
  • Фонограф бағдарламасында дыбыс жазу ұзақтығы қанша?

Трапеция кескіні

  • Лазерлік ойнатқыш көмегімен қандай жұмыстар орындауға болады?
  • Фонограф терезесінің басқару элементтерін атаңдар.

VII. Тесттік жұмыс

2 минут

Қысқа тест арқылы негізгі ұғымдар мен әрекеттер тізбегі бойынша білім тексеріледі.

VIII. Сабақты бекіту

1–2 минут
  • Фонограф бағдарламасын іске қосу тізбегін атаңдар.
  • Фонографта жазылған дыбысты қалай тыңдауға болады?
  • Фонограф бағдарламасында дыбыс жазудың максималды ұзақтығы қанша?
  • Файлды сақтау және оны басқа қолданбаға кірістіру қадамдарын ретімен айтыңдар.

Үй тапсырмасы және қорытынды

1 минут

Үй тапсырмасы

Фонограф бағдарламасы тақырыбын қайталау.

Қорытынды

Оқушылардың орындаған жұмыстары тексеріліп, білімдері бағаланады.