Тақтаға шыққан оқушы автор, қалғандарың оқырман боласыңдар

Қызылорда облысы,
Қазалы ауданы, Қазалы ауылы,
№100 орта мектебінің бастауыш сынып мұғалімі
Асанхан Эльмира Сәндібекқызы

Сабақтың тақырыбы: "Еліктің лағы" М. Қалдыбаев
Сабақтың мақсаты:
Білімділік: Мәтіндегі негізгі ойды, идеяны ұғындыра отырып табиғат туралы түсінік беру.
Дамытушылық: Оқушылардың ойлау қабілетін, тілін дамыта отырып, танымдық белсенділіктерін арттыру.
Тәрбиелік: Оқушыларға экологиялық тәрбие негіздерін қалыптастыру. Табиғатты қорғауға тәрбиелеу.
Сабақтың типі: Жаңа сабақ
Сабақтың әдісі: Сұрақ - жауап, түсіндіру, өз ойын еркін жеткізу, сөзжұмбақ шешкізу, рөлге бөліп оқыту т. б.
Сабақтың құрал - жабдығы: Еліктің суреті, сөзжұмбақ, алгоритмдік схема т. б.

Сабақтың барысы:
1. Ұйымдастыру кезеңі
А. Сәлемдесу
Ә. Оқушылардың назарын сабаққа аудару
2. Үй тапсырмасын сұрау
А. Бұлбұл мен тоқылдақ мысалын рөлге бөліп оқыту, мазмұнын сахналық көрініс арқылы бейнелеу.
Ә. Қорытындылау
Сонымен балалар, біз бұлбұлдың тек әнші екенін, тоқылдақтың орман емшісі екенін білдік.

3. Негізгі бөлім
Жаңа сабақ
Ой қозғау әдісі. Қызығушылықтарын ояту.
- балалар, қазір біз сөзжұмбақ ойынын ойнаймыз. Сендер дұрыс жауап берсеңдер,
Бүгінгі жаңа сабақтың тақырыбы шығады.
МҮСІРЕПОВ
БҰЛБҰЛ
ЖЕТІ
КӨКШЕТАУ
МЕТАЛЛ
ІН
МЫҢ
ТОҚЫЛДАҚ
ҚУАНЫШ
АЙМАҒАН
АҚЖАҢБЫР

СҰРАҚТАРЫ:
1. Жазушы Ғабиттің тегі?
2. Әнші құс?
3. Кемпірқосақтың неше түсі бар?
4. Қазақстандағы таудың аты?
5. Найзағай неге түседі?
6. Қасқыр, түлкі, борсықтың үйін қалай атайды?
7. Төрт таңбалы сан?
8. Орман дәрігері?
9. Азамат атанған бала мәтініндегі баланың аты?
10. Көк кептер мәтініндегі сотқар бала?
11. Тәулік бойына жауатын жаңбырды қалай атаймыз?

Сонымен балалар, сабақтың тақырыбы Еліктің лағы авторы Мамытбек Қалдыбаев.
Сабақты бастамас бұрын елікке сурет бойынша сипаттама беріп жіберейік
ЕЛІК...............
Сонымен біз еліктің не екенін білдік.
Енді ойын арқылы жаңа сабақты оқып, мазмұнымен танысамыз.

Авторлар мен оқырмандар ойыны
Ойын шарты: Екі қатар тақырыптың мазмұнын екі бөлікке бөліп бірінші қатар мен екінші қатар өздеріне берілген бөлікті оқып, мазмұнын тақтаға шығып айтасыңдар.
Тақтаға шыққан оқушы автор, қалғандарың оқырман боласыңдар. Оқырмандар авторға сұрақ қояды.

Сергіту сәті:
Орнымыздан тұрайық,
Алақанды соғайық
Қарлығаш боп ұшайық,
Ұшып - ұшып алайық..

Енді осы жаңа мәтінде бізге таныс емес сөздер бар. Сол сөздердің мағынасын Миға шабуыл ойыны арқылы табамыз.
Тоңазытады
Торсық
Ызасы
Оттай жайнап
Қаннен - қаперсіз

Жұмбақ шешкізу
Белі бүкір,
Алысқа түкір.
(мылтық)

Дәптермен жұмыс
Сызба арқылы жануарлардың баласын тапқызу.
1. Қоян А. бөлтірік
2. Арқар Ә. балапан
3. Түйе Б. көжек
4. Қасқыр В. қозықа
5. Тауық Г. күшік
6. Түлкі Д. бота
Дұрыс жауабы: 1 - б, 2 - в, 3 - д, 4 - а, 5 - ә, 6 - г

- Енді осы жануарлардың ішінен біреуін таңдау арқылы сол жануардың пайдасы мен
зиянын жазасыңдар.

4. Қорытынды. Алгоритмдік схема арқылы
5. Бағалау
6. Үйге тапсырма.
Мәтін мазмұнына дайындалу
Еліктің суретін салу.