Қазақша рефераттар

Парта Сапарға неге ренжіді

Сабақтың тақырыбы

«Сапар мен Парта» (Адырбек Сопыбеков) — Ана тілі, 4-сынып.

Сабақ типі

Пысықтау

Сабақ түрі

Дәстүрлі

Сабақ формасы

Ұжымдық, жұптық

Әдіс-тәсіл

СТО технологиясы стратегиялары

Мақсаты

  • Білімдік: Адырбек Сопыбековтың «Сапар мен Парта» мысалын түсініп оқып, мазмұнын жүйелі түрде әңгімелеуге жаттықтыру.
  • Дамытушылық: оқушылардың танымдық қабілетін арттыру, сыни тұрғыдан ойлауын және жазылым дағдыларын дамыту.
  • Тәрбиелік: мектеп мүлкін таза ұстауға, ұқыптылыққа баулу; ағаш өсіруге, еңбексүйгіштікке тәрбиелеу.

Көрнекіліктер

Интерактивті тақта Слайд Қ. Баянбаев портреті Кітап «Араша» бейнелі сурет Кабинет суреті Емен ағашы

Сабақ барысы

1) Ұйымдастыру бөлімі

  • Оқу құралдарының түгел болуын тексеру.
  • Психологиялық дайындық.

2) Қызығушылықты ояту

Білген сайын келеді біле бергім,
Біле беру емес пе тілегі елдің.
Белден ассаң, алдыңда бел көрінсе,
Қызыққаннан келмей ме, жүре бергің.
Сондықтан да келеді біле бергім.

3) Қайталау тапсырмасы: 5 сұрақ

Мысал деген не?

Мысал — адам бойындағы кемшіліктерді сынап, адалдық, әділдік, қайырымдылық сияқты жақсы қасиеттерді мадақтайтын шығарма.

Әсірелеу деген не?

Әсірелеу — бір нәрсені немесе оқиғаны күшейтіп, үлкейтіп айту.

Теңеу деген не?

Теңеу — екі нәрсенің ортақ сипаты мен белгілерін табу арқылы ұқсату.

Диалог деген не?

Диалог — шығармадағы кейіпкерлердің кезектесіп сөйлесуі.

Монолог деген не?

Монолог — кейіпкердің ішкі сезімін білдіру үшін өзімен-өзі сөйлеген сөзі.

4) Үй тапсырмасы

«Араша» (Қастек Баянбаев).

  1. Жұптық тапсырма: жазбаша сөйлеу.
  2. «Суретті таңда» ойыны: өлеңді рөлге бөліп орындау.
  3. Талдау.

5) Мағынаны тану

Бүгінгі сабақта Адырбек Сопыбековтың «Сапар мен Парта» мысалын оқимыз. Автор — балалар ақыны.

Мәнерлеп оқу

Оқушылар мәтінді дауыс ырғағын сақтап, мәнерлеп оқиды.

6) Талдау — табыстың кілті

  • Өлеңнің мысал жанрына жататынын неден аңғаруға болады?
  • Парта Сапарға неге ренжіді?
  • Сапар өз кінәсін мойындады ма? Оны қай шумақтан байқауға болады?
  • Партаның ішкі сезімін білдіру үшін өздігінен сөйлеп кеткен тұсын тауып оқы. Сенің өзіңмен-өзің сөйлескен кезің болды ма?

7) Ойлан

Парта неден жасалады?

Ағаштан жасалатынын, ағаштың еңбектің нәтижесі екенін еске түсіру.

Емен ағашы туралы не білеміз?

Емен — берік, ұзақ жасайтын, ағаш бұйымдарына жарамды ағаш түрі.

Ағаш туралы мақал-мәтел

Оқушылар өздері білетін мақал-мәтелдерді айтып, мағынасын түсіндіреді.

Біздің сыныпта: эссе

«Мектеп мүлкін сақтау — өз еңбегімді де, өзгенің еңбегін де құрметтеу» тақырыбында қысқа эссе жазу.

8) Мұны білген жөн: гигиеналық талаптар

Көрсеткіш Норма
Парта қатарларының арақашықтығы 60 см
Екі парта арасы 50 см
Соңғы партаның тақтаға қарсы қабырғадан қашықтығы 70 см
Мұғалім үстелі мен тақта арасы 1 м
Бірінші парта мен тақта арасы 2,4–2,7 м
Соңғы парта мен тақта арасы 8,6 м
Тақтаның жерден биіктігі 80–90 см

Кабинет жабдықтарының өлшемі мен орналасуы оқушылардың денсаулығын сақтауға және оқу тиімділігін арттыруға ықпал етеді.

9) Ой толғаныс: «Алтын ереже»

Мектеп мүлкін күтіп ұста

Сыныптағы әр зат — ортақ құндылық.

Партаны сызба

Таза парта — ұқыптылықтың белгісі.

Партаны бүлдірме

Затқа жанашырлық — тәрбиенің көрінісі.

Орындықты лақтырма

Қауіпсіздік ережесін сақта.

Шкафтың есігін жай ашып, жай жап

Ұқыптылық — әдетке айналсын.

Кабинет есігін қатты жаппа

Әдеп пен тәртіп қатар жүреді.

Әр бейсенбіде партаны тазалап сүрт

Тазалық — денсаулықтың да, мәдениеттің де негізі.

10) Қорытынды

Өлең неліктен «Сапар мен Парта» деп аталған?

Бұл мысалдың негізгі ойы қандай?

Үйге тапсырма

«Сапар мен Парта» мысалын оқу.

Бағалау

Оқушылардың сабаққа қатысуы мен жауаптарына қарай бағалау.