Топ атаулары

Ақтөбе облысы, Ақтөбе қаласы,
№32 орта мектеп-гимназиясының
Бастауыш класс мұғалімі Барышева Лаура Жәңгірқызы

Тақырыбы: Зат есім. (2 класс)
Мақсаты:
Зат есіммен таныстыру, зат есімнің сөйлеу процесінде ерекше орын алатындығын ұғындыру.
Жаттығулар тапсырмалар орындау барысында зат есімнің сөз табы ретінде атқаратын ролі мен мәнін аша отырып, оқушылардың ойлау шығармашылық қабілеттерін дамыту.
Оқушыларды ұқыптылыққа жүйелі сөйлей білуге тәрбиелеу.

Сабақтың түрі. Топтық жұмыс.
Сабақтың әдісі: сұрақ – жауап, көрнекілік, қызығушылықты ояту, талдау жинақтау.
Сабақтың көрнекілігі: оқулық ойын түрлері, слайд.

Сабақтың барысы:
Алғашқы ұйымдастыру бөлімі.
а) оқушыларды жинақтау, оқу құралдарын түгендеу, сабаққа бағыттау.
ә) психологиялық дайындық.

Сөз қуаты шығарар ел төріне
Жер бетінен самғатар көк шегіне
Екі нәрсе – тірі адамға керегі,
Бірі – көңіл, бірі – тілдің желегі.

Көңіл – тілдің иесі, сүйенеді сөз тілге,
Сөз күйресе, күйгені, көңіл мен тіл, көркін де.

М: Өте жақсы жаймен орнымызға отырайық.
Бүгінгі сабағымыздың мақсаты: Өткен сабақты еске түсіре отырып жаңа ұғыммен байланыстыру. Тапсырмалар орындау арқылы ойымызды, білімімізді толықтыру. Сабағымыздың түрі: топтық жұмыс.
Топ атаулары: 1. Сандық 2. Қоржын 3. Кебеже.
- Бұл заттардың ішінен ата-бабамыз қимас заттарын, қымбат бұйымдарын жинаған. Тіл де сондай асыл қазына. Сондықтан осы заттардың атауын пайдалануды жөн көрдім.
(топтың атаулары арқылы санатып, топқа бөлемін)

Сабағымыз өз мәнінде өту үшін мынадай ережелерді сақтауымыз керек.
1. Тыныштық сақтау
2. Бір – бірімізді мұқият тыңдай білу.
3. Қол соғу
4. Ойымызды анық, толық жеткізе білу.