Ойыншықтарды қимаймыз - бөбектерге сыйлаймыз Мектепалды даярлық тобының балабақшамен қоштасу ертеңгілігі

Ойыншықтарды қимаймыз - бөбектерге сыйлаймыз
Мектепалды даярлық тобының балабақшамен қоштасу ертеңгілігі.

Зал әсем шарлармен, ойыншықтармен және жалаушалар ілініп әдемі безендірілген. Балалар залға Айгөлек музыкасымен билеп көңілді кіреді. Би біткен соң жарты шеңбер құрып тұрады.
Гимн: Әнұран орындалады.

Тәрбиеші: Қымбатты ата - аналар, балабақша қызметкерлері. Құрметті қонақтар, бүгін біз бірнеше жыл мәпелеп, күтіп тәрбиелеген бүлдіршіндерімізді ұямыздан ұшырып, мектепке шығарып салғалы отырмыз. Әрине бұл үлкен той, үлкен мереке.
Мектепалды даярлық тобының
Ойыншықтарды қимаймыз -
бөбектерге сыйлаймыз (хормен) атты ертеңгілігімізді бастаймыз.
Тәрбиеші:
Өтті қызық, көп күндер,
Алты жасқа жеттіңдер,
Барасыңдар мектепке
Бір белестен өттіңдер.
Өсті ақыл ойларың,
Өсті міне бойларың
Қуанышқа ортақпын,
Құтты болсын тойларың!
Ақерке:
Құрметті қонақтар, армысыздар
Бәріңіз де есен - сау бармысыздар,
Таусылмастай ағытып ой - арманның,
Ал достарым, қысылмастан сөйлегін.
Нұрдәурен:
Ақ тілекті ағытып бір тастайық,
Қоштасатын кешімізді бастайық
Жүздеріңнен көрем шаттық арайың
Болсын солай әр бір күнің, айың.
Хор: Біздің балабақшамыз
Би: Үнді биі Зуби - зуби
Мая:
Бұл қуаныш себебін,
Бізге қарап ұғыңдар,
Ер жетті деп бөбегім
Туған Отан қуансын,
Туған дала қуансын.
Дәурен:
Балабақша бесігім
Тағы бір той жасайық!
Ашып мектеп есігін
Өзіңмен қоштасайық!
Ұлан:
Қуанамыз, сыйлаймыз.
Қуаныштың мың гүлін.
Бақшамызбен қимай біз
Қоштасатын күн бүгін,
Ботақандай бөбек деп,
Еркелеткен ұл - қызын
Анамызды ерекше
Қуантамыз біз бүгін.

Ажар:
Талай қызық той өткіздік,
Бірақ орны ерекше,
Балабақшамызбен қоштасатын.
Бүгінгі той ерекше.
Ернұр:
Үлкендердей тап - таза
Жазамыз бормен тақтаға,
Үлгілі бала боламыз.
Жүретіндей мақтана.
Хор: Біз мектепке барамыз
Ойын: Қармақ салу
Айдос:
Бақша біздің панамыз,
Мектеп біздің анамыз,
Ұлағатты ұстаздан,
Оқып білім аламыз.
Иманмәди:
Тәрбие берген ұямыз,
Тәртіпті бала боламыз.
Қоштасып балабақшамен
Біріншіге барамыз.
Нұрбол:
Ана тілін ардақтап,
Ата салтын біз көрдік.
Сурет салып ән жазып
Оқып жазып үйрендік.
Сүйген өз қыз, өз ұлын
Бөбегім деп аянбай
Балабақшам өз үйім
Апай болды анамдай.