Веер әдісі
Оқу қызметінің сипаттамасы
Бұл оқу қызметі әртүрлі әдіс-тәсілдерді қолдану арқылы балалардың қызығушылығын арттырып, жаңа дыбыс пен әріпті есте сақтауларына көмектеседі. Сабақ барысында сөйлеу дағдылары, дыбысты ажырату, сөздік қорды толықтыру және шығармашылық белсенділік жүйелі түрде дамытылады.
Негізгі мәліметтер
- Бөлім
- Сауат ашу
- Тақырып
- «Ш» дыбысы және әрпі
- Білім беру саласы
- Таным, Шығармашылық
Мақсаты
- Өткен сабақты пысықтай отырып, «Ш» дыбысы және әрпімен таныстыру.
- Сөздегі дыбыстарды екпін түсіріп айту арқылы тауып, олардың түрлерін ажырата білу дағдыларын арттыру.
- Сөздер мен сөйлемдер құрату арқылы сөздік қорын толықтыру, ойын тиянақты әрі анық жеткізуге жаттықтыру.
- Ой-өрісін дамыта отырып, байқағыштыққа және белсенділікке тәрбиелеу.
Әдіс-тәсілдер
- Веер әдісі
- Диалогтық әдіс
- «Фишбоун» әдісі
- Құм терапиясы элементтері
Көрнекіліктер
- Әріп таңбалары
- Текшелер
- Қиылған суреттер
- Шырша
- Құм салынған қорап
- Жұмыс дәптері
Сабақ барысы
Мотивациялық қозғаушы
Тәрбиеші әңгіме бастайды: «Балалар, әдептіліктің белгісі не?»
Сәлемдесу өлеңі
Армысың, асыл күн,
Армысың, асыл жер.
Армысың, көк аспан,
Армысың, жан досым!
Жылуыма жылу қос,
Міне, менің қолым.
Ұйымдастырушылық-ізденіс
Өткен сабақты пысықтау (Веер әдісі)
- «Дыбыс дегеніміз не?» — балалардың жауаптары тыңдалып, бір баладан нақты жауап алынады.
- «Дұрыс па, балалар?» — топпен талқылап, жауаптың дұрыстығы тексеріледі.
- «Әріп дегеніміз не?» — бір бала жауап береді, қалғандары дұрыс/бұрысын айтады.
- «Өткен сабақта қандай дыбыспен таныстық?» — балалар сол дыбысты қағазға жазады, тәрбиеші бақылап, белгілеп отырады.
Тосын сый
«Балалар, өткен сабақта У әрпімен оқып үйренген сөздерді кім оқып береді?» — 2–3 бала оқып береді. Одан кейін тәрбиеші: «Жақсы оқыдыңдар, енді менің де сендерге сыйлығым бар», — деп жаңа кезеңге өтеді.
Жаңа тақырыпқа шығу
«Балалар, шаршадыңдар ма? Ендеше тұрып бой жазып, парталарыңның астына қарап көріңдерші!»
«Бұл ненің суреті?» — балалар жауап береді.
Тәрбиеші шыршаны көрсетіп: «Сендерде шырша болса, менде де шырша бар. Бүгін жаңа жыл, солай ма? Шыршаны ерте алып шығыппын. Таптым: бүгін біз «шырша» сөзінің басында естілетін дыбыспен танысамыз!» — дейді.
Оқу қызметіне белсене қатысқан балаларға ынталандыру ретінде кішкентай шырша белгілері үлестіріледі.
Сұрақ: «Шырша» дегенде қандай дыбыс естіледі?
Автор туралы
Аты-жөні
Кишкентаева Венера Ерсаиновна
Қызметі
Мектепалды даярлық сынып тәрбиешісі
Жұмыс орны
№7 орта мектеп КММ
Мекенжайы
СҚО, Петропавл қаласы