Ғажайып сәт
Ұйымдастырылған оқу қызметінің технологиялық картасы
Бұл жоспар сурет салу арқылы балалардың шығармашылық қабілетін дамытып, ұқыптылық пен тазалыққа баулуға бағытталған.
Негізгі мәліметтер
- Білім беру салалары
- Шығармашылық
- Бөлімі
- Сурет салу
- Тақырыбы
- Қызанақ
- Көрнекілік
- Қызанақтың суреті, муляжы
- Қажетті құралдар
- Түрлі түсті қарындаштар, ақ қағаз, магнитті тақта
Мақсаты
Білімділік
Үлгіге сүйене отырып, дайын пішіндерден бейнелерді салуға үйрету.
Дамытушылық
Сурет салу арқылы саусақ моторикасын дамыту, бейнелеу техникасының дағдылары мен біліктерін жетілдіру.
Тәрбиелік
Ұқыптылыққа, тазалыққа тәрбиелеу.
Тілдік жұмыс
Сөздік жұмыс
көкөніс, қызанақ
Билингвальді компонент
қызанақ — помидор
Сабақтың барысы
Мотивациялық-қозғаушылық
Шаттық шеңбері
Біз қандаймыз, қандаймыз, Арайлап атқан таңдаймыз. Күлімдеген күндейміз, Еш уайымды білмейміз.
Ғажайып сәт
Есік тарсылы естіледі. Топқа қуыршақ келіп, балалармен амандасады да, көкөністердің суреттерін алып келеді. Тәрбиеші сұрақ қояды: «Бұл қай көкөніс?» Қуыршақ балаларға қызанақтың суретін салуды ұсынады.
Ұйымдастыру-іздестіру
Қауіпсіздік және жұмыс ережелері
- Қарындашты оң қолға дұрыс ұстаймыз, суреттің ішін тегістеп бояймыз.
- Қарындашты бір-бірімізге сілтемейміз және қатты баспаймыз.
- Жұмыс соңында қолды сүлгімен сүртуді ұмытпаймыз.
Сұрақ-жауап
- Қызанақтың пішіні қандай?
- Түсі қандай?
- Сендер қызанақты жеп көрдіңдер ме?
- Дәмі қандай?
Практикалық тапсырма
Ендеше, қызанақтың суретін салайық: пішінін анықтап, ұқыпты түрде бояймыз. Балаларға ақ парақ пен түрлі түсті қарындаштар таратылады.
Жұмыс соңында балалар суреттерін бір-біріне көрсетіп, өзара тамашалайды. Тәрбиеші жылы пікір айтып, келесі жолы одан да жақсы шығатынына сенім білдіреді.
Сергіту сәті
Мынау — менің жүрегім, Бәрі осыдан басталған. Мынау — басым ақылды, Бәрін осы басқарған. Мынау — менің оң қолым, Мынау — менің сол қолым, Барлық істі атқарған.