Қазақша рефераттар

Дауысты дыбыс

Қазақ тілі (2-сынып): Дауыссыз “б” мен “п”

Бұл сабақ жоспары оқушыларға “б” және “п” дауыссыз дыбыстарының айтылуы мен жазылуындағы ерекшеліктерді меңгертуді көздейді. Сабақ жаңа білімді игертуге бағытталған, дамытпалы аралас форматта өтеді.

Сабақтың тақырыбы

Дауыссыз б мен п (87–91-жаттығулар)

Сабақтың типі

Жаңа білімді меңгерту

Сабақтың түрі

Дамытпалы аралас сабақ

Сабақтың мақсаттары

1) Білімді меңгерту

  • Сөз соңында “б” дыбысы естілгенімен, көбіне “п” әрпі жазылатынын түсіндіру.
  • “п” дыбысынан кейін дауысты дыбыс келсе, оның ұяң “б”-ға айналатынын үйрету.
  • Тапсырмалар арқылы ережені бекіту.

2) Тілді дамыту

  • Сөздік қорын, ауызша және жазбаша сөйлеу дағдысын дамыту.
  • Шығармашылық жұмыс пен дидактикалық ойын арқылы білімді саналы қолдануға үйрету.
  • Логикалық ойлау қабілетін жетілдіру.

3) Тәрбиелік мақсат

  • Шапшаңдыққа үйрету.
  • Уақытты тиімді пайдалануға дағдыландыру.
  • Жинақылыққа тәрбиелеу.

Әдіс-тәсілдер, көрнекілік, пәнаралық байланыс

Әдіс-тәсілдер

Сұрақ-жауап, ойын, көрнекілік, жеке және топтық жұмыстар, талдау және жинақтау.

Көрнекіліктер

Үлестірмелер, кестелер, тірек сызбалар, оқу құралдары.

Пәнаралық байланыс

Әдебиеттік оқу, дүниетану.

Сабақтың барысы

I. Ұйымдастыру кезеңі

  • Оқушылармен сәлемдесу.
  • Оқушылардың дайындығын қадағалау.
  • Психологиялық дайындық (өлең жолдары):

5 болсын алар бағамыз,
Білімнен бақыт табамыз.
Өнер-білім көп тоқып,
Өсе берсін санамыз.

II. Үй тапсырмасын тексеру

  • Жаттығуды оқыту.
  • Сөздерге ауызша дыбыстық талдау жасату.
  • Өткен тақырыпты қорытындылау.

III. Жаңа сабаққа дайындық

Топтық жұмыс: ауызша тест (“Иә/Жоқ”)

Жылдам жауап беру, өз ойын дәлелдеу

№ Тұжырым Жауап
1 Дауысты дыбыс 15. Иә
2 Дауыссыз дыбыс 10. Жоқ
3 “Б” дыбысы дауысты. Жоқ
4 Дауыссыз дыбыс 2-ге бөлінеді. Жоқ
5 Дауысты дыбыс созылып айтылады. Иә
6 “Б” дыбысы қатаң. Жоқ
7 “Б” дыбысы дауыссыз, ұяң. Иә
8 “П” дыбысы ұяң. Жоқ
9 “П” дыбысы дауыссыз, қатаң. Иә
10 “Б”, “П” дыбыстары дауыссыз. Иә

Мақсат қою

Бүгінгі сабақтың мақсаты — дауыссыз “б” мен “п” дыбыстарының айтылуы мен дұрыс жазылуы туралы ережені тапсырмалар орындау арқылы меңгеру.

IV. Жаңа сабақ

1) Дәптермен жұмыс

Көркем жазу: Бб, Пп

2) Оқулықпен жұмыс

87-жаттығу. Т. Молдағалиев, “Күзгі дала” өлеңін мәнерлеп оқу.

87-жаттығу тапсырмасы

  • “П” әрпіне аяқталған сөздерді көшіріп жазып, астын сызу.
  • “Б” мен “П” дыбыстарының қай топқа жататынын анықтау.
демалып үлестіріп алып сыйлап шелектеп

Ереже

Сөз соңында “б” естілгенімен, “п” әрпі жазылады: кітап, мектеп, доп.

Сұрақтар

  • Күзгі еңбек түрлерін ата.
  • Күз мезгілінің өзге мезгілдерден айырмашылығын айт.
  • Күз туралы тағы қандай өлеңдер оқыдық?

Күн суыта бастайды, жапырақтар сарғаяды, жаңбыр жиі жауады, егін піседі, мал семіреді.

Мысал: “Күз”, “Ұнатам күзді мен”.

88-жаттығу (ақпараттық ізденіс)

Көп нүктенің орнына п немесе б әрпін қойып, сөздерді көшіріп жазу: әде..., тала..., жі..., шө..., қора....

Ой қорыту

Сөз соңында “б” естілгенімен, “п” әрпі жазылады.

3) Сергіту сәті

Қысқа қимыл-қозғалыс арқылы оқушылардың назарын қайта шоғырландыру.

4) Тақтамен жұмыс

89-жаттығу

Ребусты шешіп, шешуімен байланысты сөйлем құрастырып жазу.

Шешуі: Талапты.

90-жаттығу

Суреттер арқылы штаб, клуб сөздерін қалай оқуға болатынын түсіндіру.

Ой қорыту

штаб, клуб сөздерінің соңында “б” әрпі жазылады.

Тірек сызбамен жұмыс (“Сызбаны сөйлет”)

1-топ

Дыбыс

2-топ

Дауысты дыбыс

3-топ

Дауыссыз дыбыс

V. Сабақты бекіту

Үлестірмемен жұмыс

  1. Мына сөздерге б немесе п әрпінің тиістісін қой: мекте..., до..., кіта..., шта..., тала..., клу....
  2. Көп нүктенің орнына п немесе б әрпін қойып жаз:

    Тағамды асық...ай жайла... іш.

    Ұртыңды толтырып алы... сөйлеме.

VI. Сабақты қорыту

  • Бүгін не үйрендік?
  • Қандай жаңа білім алдық?

VII. Бағалау

Сабаққа белсенді қатысқан оқушылардың жұмысы бағаланады.

VIII. Үй тапсырмасы

91-жаттығу. “Мектеп” тақырыбына әңгіме құрастыр.