Тік төртбұрыштың қабырғаларын табыңдар
Талдықорған қаласы, №16 орта мектеп-гимназиясы
Математика пәнінің мұғалімі: Сапарғалиев Марат Тілеуліұлы
8-сынып, Геометрия пәні бойынша «Тік төртбұрыш» тақырыбына қысқа мерзімді жоспар.
Сабақ тақырыбы
Тік төртбұрыш.
Сабақ мақсаттары
Оқулық (білімдік)
- Тік төртбұрыш туралы білімді жалпылау.
- Диагональдарының теңдігін дәлелдеуін меңгерту.
- Тік төртбұрышқа берілген есептерді шығаруды үйрету.
Дамытушылық
- Ойлау қабілетін дамыту.
- Ой ұшқырлығын арттыру.
Тәрбиелік
- Ұқыптылыққа баулу.
- Тиянақтылыққа үйрету.
- Көпшіл болуға тәрбиелеу.
Оқыту нәтижелері
- Тік төртбұрыштың анықтамасын айта алады.
- Тік төртбұрыш диагональдарының теңдігін дәлелдей біледі.
- Тік бұрышты үшбұрыштың гипотенузасына жүргізілген медиананы есептей біледі.
- Сыни тұрғыдан ойлау дағдылары дамиды.
Орындалатын іс-әрекеттер
I. Ұйымдастыру кезеңі
- Оқушыларды түгендеу, сабаққа қатысуын тексеру.
- Сабаққа дайындықтарын бақылау.
- Сыныпты 4 топқа бөлу: Төртбұрыш, Параллелограмм, Тік төртбұрыш, Квадрат.
- Көшбасшыларға бағалау парақтарын тарату.
II. Үй жұмысын тексеру
- Үй тапсырмаларын тексеру.
- Өткен тақырыпты қайталау:
- Қандай төртбұрыш параллелограмм деп аталады?
- Параллелограммның қандай қасиеттерін білесіңдер?
III. Жаңа сабақ: тақырыпты таныстыру
Анықтама
Тік төртбұрыш — барлық бұрыштары тік болатын параллелограмм.
Теорема
Тік төртбұрыштың диагональдары тең болады.
- Дәлелдеуді топта орындау.
- Әр топ өз шешімін қорғайды.
IV. Топтық жұмыс
1-тапсырма
Тік төртбұрыштың қабырғаларының қатынасы 2:3, ал периметрі 40 см. Тік төртбұрыштың қабырғаларын табыңдар.
Шешуі
Ені: 2x
Ұзындығы: 3x
Периметр: P = 2(a + b)
2(2x + 3x) = 40
5x = 20
x = 4
Ені: 2x = 8 см
Ұзындығы: 3x = 12 см
№77
Екі бұрышы тік болатын төртбұрыштың тік төртбұрыш бола бермейтінін көрсетіңдер.
V. Сергіту сәті
Қысқа гимнастикалық жаттығулар орындау.
VI. Топтық жұмыс
№87
Тік төртбұрыштың бір бұрышының биссектрисасы қабырғаны қақ бөледі. Оның кіші қабырғасы 10 см. Тік төртбұрыштың периметрін табыңдар.
Қосымша
Толық нұсқасын жүктеу.