Оқушылардың біреуі
Алматы облысы, Ақсу ауданы, Қызылағаш ауылы
І. Жансүгіров атындағы орта мектебінің математика пәнінің мұғалімі: Жауынбаева Назира Тоқтасыновна
5-сыныпқа арналған интеллектуалды ойын (слайд): «Жұлдызды сәт»
Мақсаты
- Білімділік: оқушылардың ойлау қабілетін, тапқырлығын және оқуға ынтасын арттыру.
- Дамытушылық: ұйымдастырушылық қабілетін дамыту.
- Тәрбиелік: ұйымшылдыққа, пәнге қызығушылыққа, жауапкершілікке және өзін-өзі тәрбиелеуге баулу.
Көрнекіліктер
- Газеттер
- Логикалық тапсырмалар
- Слайдтағы ғалымдар мен құрылғылар суреттері
Түрі
Интеллектуалдық ойын, кезең-кезеңмен ұпай жинау жүйесі.
Ойынның ашылуы
1-жүргізуші
«Жұлдызды сәт» атты интеллектуалды ойынымызды бастаймыз. Ал, қанекей, келіңдер, бір-біріңе еріңдер. Біліміңді тексеріп, ойынға қатысып көріңдер!
Ойынға 8 ойыншы қатысады (әрқайсысы өз өмірлік ұстанымын айтады).
2-жүргізуші
Қазылар орнықтырар әділдікті, кімдердің жауаптары кәміл шықты. Білім мен тапқырлықтың жарысында жеңіске жетер — нағыз мықты!
Әділ қазылар алқасын сайлап алайық.
Сәттілік тілеу
Ал көңілді тапқыштар, білгіштер бар өнерін алдарына салады. Кім білімді, көп оқыған болса — бүгінгі күннің жеңімпазы сол болады. Ойыншыларға сәттілік тілейміз!
1-бөлім: Математика тарихы
Бұл кезеңде тақтада ғалымдардың суреттері көрсетіледі. Жүргізушілер олардың математика ғылымына қосқан үлесіне байланысты сұрақтар қояды. Дұрыс жауапқа — 1 ұпай.
Сұрақ 1
XVIII ғасырдың соңында Германияда мұғалім оқушыларға 1-ден 100-ге дейінгі натурал сандардың қосындысын табуды тапсырды. Оқушылардың бірі бірден: «Қосынды 5050-ге тең», — деп жауап берді. Кейін ол «математиктердің королі» атанды. Бұл ғалым кім?
Жауабы: Карл Гаусс
Сұрақ 2
Евклидтен кейін Александрияда өмір сүрген ежелгі грек математигі жай сандар кестесін құрудың тәсілін ұсынды. Ол натурал сандар кестесінен 1-ді және құрама сандарды біртіндеп алып тастап, «елек» тәрізді әдіспен тек жай сандарды қалдырған. Бұл тәсілді ұсынған кім?
Жауабы: Эратосфен
Сұрақ 3
Жезқазған кен орнын ашушы, металлогения ғылыми мектебінің негізін қалаушы, Қазақ Ғылым академиясының негізін қалаушы және тұңғыш президенті кім?
Жауабы: Қаныш Сәтбаев
Сұрақ 4
Бөлшек ұғымын ең алғаш енгізген кім?
Жауабы: Леонардо Пизанский
Сұрақ 5
Бірінші суреттегі ғалым кім? Ол туралы не білесің?
Жауабы: София Ковалевская (әйелдер арасынан шыққан тұңғыш математиктердің бірі)
Сұрақ 6
Біздің заманымызға дейінгі III ғасырда өмір сүрген грек математигі жай сандардың шексіз көп екенін дәлелдеген. Ол ғалымның аты кім?
Жауабы: Евклид
Нәтиже: ең аз ұпай жинаған 3 ойыншымен қоштасамыз.
2-бөлім: «Кім білгір?»
Бұл бөлім 1-бөлімде ең көп ұпай жинаған ойыншыдан басталады. Кезеңдер: жаратылыстану, информатика, математика.
Жаратылыстану кезеңі
Әр дұрыс жауапқа — 1 ұпай.
1) «Жаратылыстану» ұғымы қандай сөздерден тұрады?
Жауабы: табиғат және тану.
2) Күн дегеніміз не?
Жауабы: балқыған ыстық газды дене.
3) Күн жүйесіне неше ғаламшар кіреді?
Жауабы: 9.
4) Жер тобына жататын ғаламшарлар?
Жауабы: Меркурий, Шолпан, Жер, Марс.
Информатика кезеңі
Тақтада құрылғылардың суреттері нөмірленіп көрсетіледі. Ұпай саны тапсырмада берілген.
1) Компьютер құрылымына кіретіндерді атаңдар.
3 ұпайЖауабы: 3, 4, 6.
2) Ақпаратты енгізу құрылғыларын атаңдар.
4 ұпайЖауабы: 4, 7, 2, 1.
3) Ақпаратты шығару құрылғыларын атаңдар.
4 ұпайЖауабы: 3, 5, 7, 8.
4) Мәтіндік және графиктік ақпаратты қағазға не пластикке шығаруға арналған құрал.
1 ұпайЖауабы: 1.
Математика кезеңі
Әр дұрыс жауапқа — 1 ұпай (тапсырмадағы ұпайлар бөлек көрсетілген).
1) Бақтағы 150 ағаштың оннан бірі — алма ағашы. Бақта неше алма ағашы бар?
1 баллЖауабы: 15.
2) Ыдыстағы 24 кәмпиттің төрттен бірі балаларға берілді. Ыдыста неше кәмпит қалды?
2 баллЖауабы: 18.
3) Бидондағы 24 л сүттің жартысы құмыраға құйылды. Қалған сүттің алтыдан бірі банкаға құйылды. Бидонда неше литр сүт қалды?
3 баллЖауабы: 10 л.
4) Бірінші күні 69 кг көкөніс сатылды. Бұл — екінші күні сатылған көкөністің бестен үшіне тең. Екі күнде неше килограмм көкөніс сатылды?
4 баллЖауабы: 184 кг.
Нәтиже: ең аз ұпай жинаған 3 ойыншымен қоштасамыз.
3-бөлім: Логика кезеңі
Әр дұрыс жауапқа — 1 ұпай.
Тапсырма 1
Өрмекші мен шыбын кубтың қарама-қарсы төбелерінде отыр. Өрмекші шыбынға бару үшін кубтың қырымен және оның диагоналімен қозғалады. Өрмекші шыбынға неше түрлі нұсқада бара алады?
Жауабы: 6 нұсқа
Тапсырма 2
Таңертең сағат 8:00-де элеватордан астық таситын үш машина шықты. Біріншісі 3 сағатта, екіншісі 4 сағатта, үшіншісі 6 сағатта элеваторға қайта оралып отырды. Егер барлығы бірқалыпты қозғалып тұрса, олар элеваторда қайта қашан кездеседі?
Жауабы: 20:00
Көрермендермен ойын
Шаршының қабырғасы 5 см. Ауданын тап.
Жауабы: 25 см².
Құрманғазының шәкірті кім?
Жауабы: Дина.
Жер бетінің қағазға кішірейтілген бейнесі қалай аталады?
Жауабы: карта.
1 жұмыртқа 3 минутта піссе, 5 жұмыртқа қанша уақытта піседі?
Жауабы: 3 минут.
6 м бөренені 1 метрден неше жерден кесу керек?
Жауабы: 5.
Қорытынды және марапаттау
Қорытынды сөз әділқазылар алқасына беріледі.
Жеңімпаздарды марапаттау рәсімі өткізіледі.