Қазақша рефераттар

Алма ағашта жеті алма, Қандай тәтті жесе алма

Сабақтың мақсаттары

Білімдік

  • 7 санын екі санның қосындысы түрінде жазу.
  • Кез келген 7-ден кем санды 7-ге дейін толықтыру.
  • 7 санының құрамын пайдаланып, мәні 7-ге тең қосынды және оған кері айырма құрастыру.

Дамытушылық

  • Зейінін арттыру.
  • Ойлау жылдамдығын дамыту.
  • Есте сақтау қабілетін жетілдіру.

Тәрбиелік

  • Ұжымда және өз бетінше жұмыс істей білуге тәрбиелеу.
  • Есептеу дағдыларын күнделікті өмірде қолдануға бағыттау.

Сабақтың құрылымы

I. Ұйымдастыру

Сабаққа дайындық, назарды шоғырландыру, жұмыс ережелерін еске түсіру.

II. Сергіту сәті

Санға 1-ді және 2-ні қосу/азайту бойынша қысқа ауызша жаттығулар.

III. Қайталау: математикалық диктант

Қосу және азайту бойынша қысқа есептеулер орындалады. Оқушылар нәтижені жазып, өзара тексереді.

Қосу

Қосылғыш 5 6 7 2 8 1 9
Қосылғыш 2 2 3 0 2 5 1
Қосындының мәні … … … … … … …

Азайту

Азайғыш 6 6 7 2 8 1 9
Азайтқыш 2 2 3 0 2 5 1
Айырманың мәні … … … … … … …

IV. Жаңа сабақ

Жаңа тақырып ОӘЖӘ сызбасы арқылы түсіндіріледі. Әр түсіндіру кезеңі уақытпен белгіленіп, дәптерде арнайы белгі арқылы бекітіледі.

1-түсіндіру: «Байқау»

  • Оқушылар дәптердің оң жағына «Байқау» деп жазады.
  • Барлығы мұғаліммен бірге 1 рет шапалақ соғады (біркелкі шықпаса, қайта орындалады).
  • Орындау уақыты: 5 оқушы — 30 секунд.
ТКШ 4 + □ = 7
АКШ 5 + □ = 7
АКШ 7 − □ = □
ЖКШ 6 + □ = 7
ЖКШ □ − □ = □
ЖКШ □ − □ = □

Жауаптарды мұғалім ретімен жазады. Оқушылар жұппен тексеру арқылы бір-бірінің жұмысын бағалайды. Орындау сапасы пайызбен шығарылып, 63%-пен салыстырылады.

2-түсіндіру: «Бекіту»

  • Түсіндіру уақыты тақтаға жазылады.
  • Уақыты: 1-түсіндіру уақытының жартысы.
  • Мұғалім тек қате кеткен тұстарға тоқталады.
  • Оқушылар дәптердің оң жағына «Бекіту» деп жазады, 2 рет шапалақ соғылады.
  • Орындау уақыты: 5 оқушы — 30 секунд.
АКШ 3 + □ = 7
АКШ 7 − □ = □
АКШ 0 + □ = 7
АКШ 7 − □ = □
ЖКШ 1 + □ = 7
ЖКШ □ − □ = □
ЖКШ □ − □ = □

Жауаптар ретімен жазылып, жұптық тексеру жүргізіледі. Орындау сапасының пайызы есептеліп, 63%-пен салыстырылады.

3-түсіндіру: «Есте сақтау»

  • Түсіндіру уақыты тақтаға жазылады.
  • Уақыты: 2-түсіндіру уақытының жартысы.
  • Мұғалім тек қате кеткен тұстарға тоқталады.
  • Оқушылар дәптердің оң жағына «Есте сақтау» деп жазады, 3 рет шапалақ соғылады.
  • Орындау уақыты: 5 оқушы — 30 секунд.
АКШ 7 + □ = 7
АКШ 7 − □ = □
АКШ 2 + □ = 7
АКШ 7 − □ = □
ЖКШ 1 + □ = 7
ЖКШ □ − □ = □
ЖКШ □ − □ = □

Жауаптар ретімен тақтаға жазылады, жұппен тексеріледі. Орындау сапасының пайызы есептеліп, 63%-пен салыстырылады.

Математикалық жұмбақ есептер

1) Алма ағашта жеті алма. Қандай тәтті, жесе алма. Жетеуін де жеп қойсам, қалады онда неше алма?

Жауабы: 0

2) Табақта 4 өрік, қолымда 3 өрік. Қосқанда барлығын, болады неше өрік?

Жауабы: 7

3) Маратта 5 іні, Мұратта 2 іні. Қоссақ бесті екіні, неше болады шешуі?

Жауабы: 7

V. Бекіту: «Дос таңдау» ойыны

Мақсаты: 7 санының құрамы туралы білімді толықтыру және логикалық ойлауды дамыту.

Қорытынды:

7 дегеніміз — 6 мен 1, 5 пен 2, 4 пен 3, 7 мен 0.

VI. Бағалау

Оқушылардың жұмысы тапсырмаларды орындау сапасы, дәлдігі және жұптық тексеру нәтижелері бойынша бағаланады.

VII. Үй тапсырмасы

7 санының құрамына байланысты қосынды және кері айырма құрастыруға арналған жаттығулар.