Тірек үлгі
Сабақтың тақырыбы
Отбасы – шағын қоғам.
Сабақтың түрі
Жаңа білімді меңгерту.
Сабақтың әдістері
- Топпен жұмыс
- Зерттеушілік тапсырмалар
- Жеке жұмыс
- Тірек үлгілерімен жұмыс
Жабдықтар
- Н. Ә. Назарбаевтың нақыл сөзі
- Тірек үлгілері
- Эссе тақырыптары
- Топтауға арналған материалдар
Сабақтың мақсаты
1) Түсінік қалыптастыру
Отбасының әр адам үшін шағын Отан екенін түсіндіру; отбасындағы әр мүшенің орнын ұғындыру; әке-шеше мен бауырдың қадірін білуге баулу.
2) Құндылықтарға тәрбиелеу
Үлкендерден адамгершілік, әдеп пен инабат тағылымын алуға; жақсы қасиеттерді бойға сіңіруге; жақсыдан үйреніп, жаманнан жиренуге бағыттау.
3) Сүйіспеншілік пен сыйластық
Ата-анаға, туған жерге, Отанға сүйіспеншілікті ояту; сыйластыққа, мейірімділікке, татулық пен қамқорлыққа тәрбиелеу.
Сабақтың барысы
I. Қызығушылықты ояту
Амандасу
Үлкенге де сіз,
Кішіге де сіз.
Сәлем бердік сіздерге
Құрметпенен біз.
Психологиялық дайындық
Күндей жадырап, айдай арайлап, жұлдыздай жарқырап, судай мөлдір таза көңілмен бүгінгі ашық сабағымызды бастаймыз.
II. Мағынаны тану
1) Жұмбақ
Онда әкем, шешем тұрады,
Ата-әже, бауырым.
Бәрі бірге қосылып,
Бір ұғымды құрады.
Жауабы: Отбасы
2) Ой қозғау
- «Отбасы» ұғымын қалай түсінесіңдер?
- «Қоғам» деген не?
- Әр топ өз пікірін білдіреді.
3) Мұғалімнің түсіндірмесі
Отбасы — адам өміріндегі алғашқы тәрбие мектебі, құндылықтар қалыптасатын орта. Осы бөлімде отбасының қоғамдағы орны мен маңызы түсіндіріледі.
4) Талқылау
Балалар, сендер отбасында қандай міндеттер атқарасыңдар? (Үй шаруасына көмектесу, үлкенді сыйлау, кішіге қамқор болу, оқу мен тәртіпке жауапкершілік таныту.)
5) Оқулықпен жұмыс
Мәтінді тізбектей отырып 4 оқушы оқиды. Оқудан кейін негізгі ой мен түйінді сөздер анықталады.
6) Дәптермен жұмыс
Әр топ «Отбасы» ұғымына анықтама береді. Түйін анықтама:
Отбасы — мүшелері туыстық қатынаста болып, бір-біріне қамқорлық көрсетіп, бірлікке ұмтылатын шағын қоғам.
7) Ойын: «Бәйге»
Әр топ сұрақтарға жылдам жауап береді. Бағалау жалаушалар арқылы жүргізіледі.
- Отбасындағы баланың міндеті қандай?
- Отбасы қоры қалай жиналады?
- Туған-туыспен қарым-қатынас деген не?
- Жер бетіндегі ең қымбат адам кім?
- Отбасы мүшелеріне кімдер жатады?
- Отбасының басшысы кім болады?
- «Нағашы жұрт» деген кімдер?
- Атаң мен әжеге сен кім боласың?
Үлкенді сыйласаң — қадірлі боларсың.
Кішіні сыйласаң — құрметті боларсың.
Татулық табылмас — бақыт.
8) Жеке жұмыс: эссе
Оқушылар төмендегі тақырыптардың бірін таңдап, эссе жазады:
Ата, әже — асыл жандар.
Әке — отбасының қамқоршысы.
Ана — отбасының құт-берекесі.
Ағасы бардың жағасы бар, інісі бардың тынысы бар.
9) Ата-ананың балаға тілегі
Оқушылар ата-ананың ақ тілек, ізгі ниетіне алғыс айтып, «Рахмет!» дейді.
III. Ой толғаныс
Бүгінгі сабақта қандай тақырыптар талқыланды? Қандай ой түйдіңдер?
Тірек ой
Н. Ә. Назарбаев: «Отбасында адам бойындағы асыл қасиеттер жарқырай көрініп тұрады. Отанға деген ыстық сезім жақындарыңа, туған-туысқандарыңа деген сүйіспеншіліктен басталады».
IV. Бағалау
Оқушылардың топтық және жеке жұмыстары белсенділігіне, жауаптарының дәлдігіне қарай бағаланады.
V. Үй тапсырмасы
- Мәтінді оқу.
- «Жеті ата» тізбегін жазып келу.