Құм патшалығы
Мақсаты
- Балаларға құрғақ құм және ылғалды құм туралы түсінік қалыптастыру.
- Өз іс-әрекеті мен жасаған ісіне жауапкершілікпен қарауға үйрету.
- Ойын арқылы шығармашылық қабілетін дамыту.
- Ұйымшылдыққа тәрбиелеу.
Көрнекіліктер
Әртүрлі ойыншықтар, таза құм.
Сабақ барысы: «Құм патшалығына саяхат»
1-қадам: Ұйымдастыру
Балалар саппен жүріп келіп, шеңберге тұрады.
Тәрбиеші: «Балалар, сендер орманға — Құм патшалығына барғыларың келе ме?»
«Ол үшін жолда бірнеше кедергі кездеседі. Кедергілерден өтсек, Құм патшалығына жетеміз».
2-қадам: Қозғалыспен сергіту
Балалар жүгіріп келіп, қайтадан шеңберге тұрады.
Ескерту: Барлық тапсырмалар ойын түрінде, кезек сақтай отырып орындалады.
1-кедергі: «Аңдардың жүрісін салайық»
Балалар саппен жүріп, баллондарды айналып өтеді және аңдардың жүрісін салады:
- аю
- қоян
- бақа
- құлыншақ
2-кедергі: Тақпақ айту
Балалар орындықтарға отырып, кезекпен тақпақ айтады.
1) «Табиғат»
Табиғат — ол анамыз,
Табиғатқа баламыз.
Құшағыңда ойнаймыз,
Шаттық әнге саламыз.
2) «Жарық күн»
Жарық болса күніміз,
Жарқын шығар үніміз.
Елін сүйіп ер жетер,
Біз — болашақ гүліміз!
3) «Балабақша»
Бала — бал баламыз,
Бақшамызға барамыз.
Күні бойы қызыққа,
Батамыз да қаламыз.
4) «Балабақшам, армысың!»
Балабақшам, армысың!
Сені қатты сүйемін.
Достарым аман-бармысың?
Сендерді қатты сүйемін.
5) «Асыл күн»
Күндей болып келеміз,
Гүлдей болып өсеміз.
Үлкендерді қуантып,
Жылдам өсіп келеміз!
3-кедергі: «Ойыншықтарды тап»
Балалар саппен жүріп, баллондарды айналып өтеді де, дөңгеленіп тұрады.
Ойын шарты: Тәрбиеші құмның ішіне ойыншықтарды жасырады. Балалар оларды тауып шығуы керек.
Ойын 2–3 рет қайталанады.
4-кедергі: «Суды баспай өтейік»
Тәрбиеші: «Балалар, біз қайда бара жатырмыз?»
Балалардың жауабы: «Құм патшалығына».
«Құмды қайдан көресіңдер?» — «Аулада, су жағасында».
Келесі кедергіден өту үшін аяқ суламай, аттап-аттап өту керек. Егер сулап алсақ, қалып қоямыз да Құм патшалығына бара алмаймыз.
Құм патшалығы: Кездесу және ойын
Балалар Құм патшалығына жетеді. Орындықта Құм патшалығы отырады және балаларды қуана қарсы алады.
Құм патшалығы: «Балалар, амандасайық! Енді қолдарыңды құмға салып көріңдерші — құм қандай? Салқын ба, жылы ма, құрғақ па, әлде сулы ма?»
Түсіндіру: құрғақ құм пішінін сақтамайды.
«Қане, менің құм патшалығыма келіңдер. Бірге ойнайық — “Мен пісірдім” ойыны!»
Балалар құмнан әртүрлі тағамдар «пісіреді»: торт, бөлке, нан. Құм патшалығы балалардың жұмыстарын қарап, бағалайды.
«Ал енді бәріміз бірге көңілді би билейік!»
Балалар айналып, секіріп, еркін қимылмен билейді.
Құм патшалығы: «Балалар, менімен су жағасында да, аулада да әлі кездесесіңдер. Сау болыңдар! Тағы да келіңдер!»
Құм патшалығы қоштасып, орнында қалады.