Қазақша рефераттар

Топ ережесі

Сауат ашу (1-сынып)

Сабақтың тақырыбы: «Мен және табиғат. Ү дыбысы мен әрпі»

Пәнаралық байланыс

Өнер, ана тілі

АКТ қолдану

Аудиожазба, таныстырылым

Оқу мақсаттары

Тыңдалым және түсіну

  • 2.2 — Оқылған мәтіннің мазмұнын түсіну.
  • 1.4 — Оқиғаны болжау.

Оқу және сөйлеу дағдылары

  • 2.1 — Оқу түрлерін қолдану.
  • 1.9 — Сөздерді, дыбыстарды орфоэпиялық нормаларға сай дұрыс айту.
  • 3.8 — Каллиграфиялық және графикалық нормаларды сақтау.

Сабақтың мақсаттары

Барлығы

Жаңа білімді меңгереді.

Көбі

Мәтінді түсініп тыңдап, жетекші сұрақтар арқылы талқылайды.

Кейбірі

Алған білімін өмірде қолдана алады.

Жетістік критерийлері

  • Айтылған сөздер мен сөйлемдердің көпшілігін дұрыс қайталай алады.
  • Нақты сөйлеу арқылы мәселені түсінгенін көрсете алады.

Құндылықтарды дарыту

Оқушыларды бір-біріне құрмет көрсетуге тәрбиелеу, ынтымақтастықта жұмыс істеу мәдениетін қалыптастыру.

Сабақтың басы: ынтымақтастық атмосферасы

Психологиялық дайындық

Амандасуға арналған шағын өлең:

Амандасу — үлкенге
Тәрбиенің басы ғой.
Ал, қанеки, бәріміз
Сәлем дейік үлкенге.

Өсеміз біз күліп-ойнап,
Он саусақтың саласындай.
Өсеміз біз күліп-ойнап,
Бір адамның баласындай.

Балалар бір-бірінің қолынан ұстап, алақан арқылы жүрек жылуын сезінудің қуанышын бөліседі.

«Миға шабуыл» (сұрақ-жауап)

Аяз қысып,
Өрнек сызып
Терезені торлайды.
Қарда омбығып,
Бет домбығып
Балдырғандар ойнайды.

  • Бұл қай мезгіл? Қыс.
  • Табиғат дегеніміз не?
  • Қазір қай ай? Желтоқсан.
  • Қыс мезгілінде табиғатта қандай өзгерістер болады?

Жұмбақ

Қыста ғана болады,
Ұстасаң қолың тоңады.

Жауабы: Қар

Қайталау: «Қар лақтыру» ойыны

Өткен сабаққа байланысты сұрақтарға жылдам жауап беру арқылы білім бекітіледі.

  • Дауысты дыбыстар қалай айтылады?
  • Дауысты дыбыстар нешеге бөлінеді?
  • «Ү» қандай дыбыс?
  • «Үстел» сөзінде неше буын бар?
  • «Күн» сөзінде «ү» дыбысы сөздің қай жерінде жазылады?
  • Дыбыс пен әріптің айырмашылығы қандай?

Топқа бөлу және сынып ережелері

Топқа бөлу

Қысқы ойын түрлері бойынша 4 топқа бөліну:

Шана Шаңғы Аққала Қар ойыны

Әр топ өз топбасшысын сайлайды.

Топ ережелері

  • Мұғалімді мұқият тыңдау.
  • Тәртіп сақтау.
  • Бір-бірін тыңдау.
  • Уақытты тиімді пайдалану.
  • Өзін-өзі және өзгелерді әділ бағалау.

Қазіргі көңіл күйіміз қандай?

Оқушылар смайлик арқылы өз көңіл күйін көрсетеді.

Автор туралы

Байқоңыр қаласы, №275 орта мектептің бастауыш сынып мұғалімі — Жалғасбаева Дина Жақсылыққызы.

Тақырып: «Мен және табиғат. Ү дыбысы мен әрпі».