Қазақша рефераттар

Аурудың алғашқы белгілері

Сабақтың тақырыбы

Жұқпалы аурулар. Бауырда вирусты гепатиттің (А гепатиті) пайда болуы және алдын алу шаралары.

Сабақтың түрі

Аралас сабақ

Сабақтың әдістері

Сұрақ-жауап, топтық-ұжымдық жұмыс

Көрнекіліктер

Интерактивті тақта, сызба-нұсқалар, суреттер

Сабақтың мақсаты

Білімділік

Вирусты гепатиттің пайда болуы, таралу жолдары, алғашқы белгілері және сақтану тәсілдері туралы түсінік қалыптастыру.

Дамытушылық

Жұқпалы аурулар туралы білімді тереңдетіп, алдын алудың нақты жолдары бар екенін ұғындыру.

Тәрбиелік

Жеке бас гигиенасын сақтауға тәрбиелеу және адамгершілік құндылықтарды нығайту.

Сабақтың барысы

I. Ұйымдастыру кезеңі

Сыныптың сабаққа дайындығын тексеру, көңіл күй қалыптастыру, мақсатпен қысқаша таныстыру.

II. Үй тапсырмасын тексеру

  1. Зиянды әдеттерге нелер жатады?
  2. Темекі, ішімдік және есірткінің адам ағзасына әсері қандай?
  3. Зиянды әдеттерге қатысты қандай мақал-мәтелдер білесіңдер?

III. Жаңа сабақ: ой қозғау

Ағзаға ауру тудыратын жұқпалы аурулар шартты түрде бес топқа бөлінеді:

1) Бактериялар (микробтар) тудыратын аурулар

Туберкулез, іш өту, өкпе қабынуы және т.б.

2) Вирустар тудыратын аурулар

Сары ауру, құтыру, тұмау және т.б.

3) Грибок тудыратын аурулар

Қышыма, теміреткі, аяқтағы грибок және т.б.

4) Ішкі паразиттер тудыратын аурулар

Безгек, іш сүзегі және т.б.

5) Сыртқы паразиттер тудыратын аурулар

Бит, бүрге, қотыр, қышыма және т.б.

Бүгін біз вирусты А гепатитімен танысамыз.

Сабақты бастамас бұрын бауыр туралы негізгі мәліметтерді қайталайық:

  • Бауыр — адам ағзасындағы ең ірі без (шамамен 1500 г).
  • Түсі — қызыл-қоңыр.
  • Негізгі бөлігі оң жақ қабырға астында орналасады.
  • Секреті — өт. Өт бауыр үздіксіз өндіретін өт жиналатын өт қабына жиналады.
  • Бауыр көптеген улы заттарды ұстап, оларды зиянсыздандырады.

Сергіту сәті

Бір, екі, үш —
Бойға жинап күш.
Алға, артқа серме —
Жасап көрші сен де.

IV. Сабақты пысықтау

Арнайы берілген фигуралар арқылы сынып екі топқа бөлінеді. Әр топқа тапсырмалар ұсынылады.

I-топ

  1. Аурудың алғашқы белгілерін атау.
  2. Мақалды түсіндіру: «Жаны сауға — күнде той».

II-топ

  1. Аурудың алғашқы белгілерін атау.
  2. Мақалды түсіндіру: «Аурудың жақсысы жоқ, дәрінің тәттісі жоқ».

Ситуациялық сұрақ

Екі оқушы А гепатитімен ауырды делік: біреуі тез сауығып кетті, ал екіншісінің жағдайы нашарлады. Неліктен бұлай болуы мүмкін?

V. Сабақты қорытындылау

П. К. Ивановтың «Қарағым» іліміндегі 6-ереже:

Айнала қоршаған табиғатты сүй. Төңірегіңе түкірме, жалпы қақырынып-түкірінбей, ішіңнен ештеңе шығарма. Осыған әдеттен. Бұл — сенің денсаулығың.

Демек, балалар, ауырмау — әрқайсымыздың өз қолымызда. Тазалықты сақтап, бір-бірімізге қамқор болсақ, кез келген қиындықты жеңе аламыз.

VI. Үйге тапсырма

«Гепатит ауруының алдын алу» тақырыбына реферат жазу.

VII. Бағалау

Оқушылардың сабаққа қатысу белсенділігіне, жауаптарының дәлдігіне және топтық жұмысқа үлесіне қарай бағалау жүргізіледі.