Қазақша рефераттар

Хасан ойында кім

Сабақтың тақырыбы

Х дыбысы мен әрпі

Сабақтың мақсаты

Білімділік

Оқушыларды Х дыбысы және Х әрпімен таныстыру, оқу мен жазу дағдыларын қалыптастыру.

Дамытушылық

Х дыбысына қатысты жаңа сөздер арқылы оқушылардың білімін жетілдіру, сөздік қорын молайту және тілін дамыту.

Тәрбиелік

Оқушыларды ұқыптылыққа, сауаттылыққа, білімге құштарлыққа тәрбиелеу; табиғатты қорғауға және кітап оқуға дағдыландыру.

Сабақтың сипаттамасы

Сабақтың түрі

Жаңа сабақ.

Сабақтың әдістері

  • Ой қозғау, топтастыру
  • Тізбектей оқу
  • Ойын, шығармашылық тапсырмалар
  • Сурет арқылы сөйлем құрастыру

Көрнекіліктер

Слайдтағы суреттер, буындар, сөзжұмбақ, ойын тапсырмалары.

Сабақтың барысы

I. Ұйымдастыру кезеңі

  • Оқушылардың назарын сабаққа аудару.
  • Сәлемдесу өлеңі: Үлкенге де сіз,
    Кішіге де сіз,
    Сәлем бердік сіздерге
    Құрметпенен біз.

II. Үй тапсырмасын тексеру (Ю дыбысы мен әрпі)

«Сөз ойла, тез ойла» ойыны

  • Ю дыбысы бар сөздерді айту.
  • Ю дыбысы кездесетін сөздерді буынға бөлу: а-ю о-ю то-ю қо-ю ү-ю

«Асыл мұра» мәтіні

Мәтінді әр қатардан 3–4 оқушыға тізбектей оқыту.

III. Жаңа сабақ: «Х дыбысы мен әрпі»

Жұмбақ

  • Мұны әжелерің, аналарың, апаларың үйде киеді.
  • Кейде оны дәрігердің үстінен де көруге болады.

Жауабы: халат.

«Халат» сөзін талдау:

  • «Халат» сөзінде неше дыбыс бар?
  • Дыбыстар қандай?
  • Бірінші дыбыс қандай?

Бүгін біз Х дыбысы мен әрпімен танысамыз. Жазылуы: Хх (жазба түрі), баспа түрі де: Хх.

Х дыбысы — қатаң дауыссыз дыбыс. Айтқанда ауа кедергіге ұшырайды, сондықтан Х дыбысымен өлең айтып созып айту қиын.

Х әрпі көбіне араб, парсы тілдерінен енген сөздерде кездеседі және сөздің басында да, ортасында да келе береді.

«Кім шапшаң?» ойыны

Көп нүктенің орнына қ немесе х әрпін қой:

ша…мат ас…ана …алам …абар …алық

IV. Оқулықпен жұмыс

Сөздерді оқыту

хор хабар кітапхана асхана хат халат шеберхана дәріхана

Сурет бойынша әңгімелеу

Спорт алаңына келдік. Мұнда мұз айдыны бар.

Суретке қарап сөйлем құрастырамыз: Балалар хоккей ойнап жүр. Олар — нағыз хоккейшілер. Бір бала — қақпашы, ал екіншісі — шабуылшы.

Мәтінмен жұмыс (сұрақ-жауап)

  • Хасан мен Хамит қандай ойынды жақсы көреді?
  • Хасан ойында кім? Хасан — шабуылшы.
  • Хамит ше? Хамит — қақпашы.
  • Ойын қалай өтті? Хасанның тобы жеңіске жетті.
  • Кім хоккей ойынын ойнап көрді?

«Хоккей» сөзін талдау

  • «Хоккей» сөзінде неше буын бар?
  • «Хоккей» сөзінде неше к әрпі бар? 2.
  • «Хоккей» — басқа тілден енген сөз.

Хасан мен Хамит біздің келгенімізге қуанып қалды.

V. Дәптермен жұмыс

  • Х әрпінің емлесімен танысу.
  • Жұмыс дәптеріне Х әрпін жазу.

Сергіту сәті

Жаздық, жаздық бәріміз,
Талып қалды қолымыз.
Сәл ғана дем аламыз,
Сосын қайта жазамыз.

«Кім тапқыр?» тапсырмасы (1-нұсқа)

  1. Көп адам қосылып айтады.
  2. Қасиетті тағам.
  3. Мемлекеттік рәміздердің бірі.

«Кім тапқыр?» тапсырмасы (2-нұсқа)

  1. Мұзда ойнайтын ойын.
  2. Үй құстарының бірі.
  3. Тәтті жеміс.
  4. Балық аулайтын құрал.
  5. Тамақтың дәмін келтіреді.

«Жоғалған буын» ойыны

1) ——лық
Ха——
йуан———
———бар
2) Кітап——хана
Ас——хана
Дәрі——хана
Шай——
3) Асыл——
Гүл——хан
Темір——

Ескерту: Оқушылар берілген сөздерге сәйкес жоғалған буындарды табады.

Қосымша сергіту жаттығуы

«Дыбыстарды ажырата білеміз бе?» — Х дыбысы мен өзге қатаң дыбыстарды салыстырып айту.

Сабақты қорытындылау

  • Х дыбысы қандай дыбыс? Х — қатаң дауыссыз дыбыс.
  • Х дыбысы сөздің қай жерінде кездеседі? Сөздің басында да, ортасында да кездеседі.

Үй тапсырмасы

Х дыбысы мен әрпін оқу, берілген сөздерді дұрыс әрі мәнерлеп оқуға жаттығу.

Мадақтау

Сабаққа белсенді қатысқан оқушыларды мадақтау.