Қыз жібек пен Джульеттаны салыстыр
Сабақ тақырыбы
«Қыз Жібек» жырындағы ғашықтар бейнесі
Сынып
8-сынып
Әдіс-тәсілдер
Сын тұрғысынан ойлау стратегиялары
Пәнаралық байланыс
Тарих, орыс әдебиеті
Сабақтың мақсаты
Білімдік
Оқушыларға жыр мазмұнын меңгерте отырып, басты кейіпкерлерге талдау жасау және шынайы ғашықтар бейнесін таныту.
Дамытушылық
Сыни көзқарасты және оқырмандық мәдениетті қалыптастыру; сөйлеу, есту, қабылдау қабілеттерін дамыту.
Тәрбиелік
Адамгершілікке, сүйіспеншілікке, ұлттық тұрмыс-салтты құрметтеуге тәрбиелеу.
Пайдаланылған ресурстар
- «Қыз Жібек» лиро-эпостық жыры
- «Қыз Жібек» фильмінен фрагменттер
- Жыр туралы зерттеулер
Сабақтың барысы
I. Ұйымдастыру кезеңі
Сабақ мақсатын нақтылау, жұмыс түрлерін белгілеу, топтық әрекетке бағыттау.
II. Үй тапсырмасын тексеру
Тақырып: жырдағы ұлттық мәдениет пен тұрмыс-салт көріністері. Әр топ дайындалған хабарламаларын ұсынады.
1) Қазақтың көш керуені
2) Түс жору
3) Қалыңдық ойнау
4) Әмеңгерлік дәстүр
5) Қоштасу
III. Жаңа тақырып: жырдағы ғашықтар бейнесі
Қызығушылықты ояту
Ғашықтық жыры — тіршіліктің өзекті үні, адам жүрегін тербейтін терең сезім. Ақын айтқандай: «Ғашық болу келсе кімнің қолынан — әлем соған сенеді…» Бүгінгі сабақта шынайы махаббаттың қос шынары — атағы алысқа кеткен Қыз Жібек пен Төлеген бейнесі талданады.
Бұл туынды халықтың рухани қазынасынан үлкен орын алады: бабалар өмірі, сүйген жандардың асыл арманы мен қайғы-қасіреті көркем тілмен суреттеледі.
Топтастыру стратегиясы
Жыр кейіпкерлерін жүйелеу: негізгі және қосымша бейнелер, олардың қызметі мен авторлық идеяға қатысы.
Венн диаграммасы
Қыз Жібек пен Джульеттаны салыстыру: ортақ қасиеттері, айырмашылықтары, дәуір мен мәдениет ықпалы.
Мағынаны ашу: «Кубизм» стратегиясы
Тақырыпты көпқырлы қарастыру үшін төмендегі әрекеттер орындалады:
- Суреттеңіз — кейіпкер келбеті мен мінезін
- Салыстырыңыз — екі бейненің ұқсастығы мен алшақтығын
- Зерттеңіз — әрекеттің себеп-салдарын
- Әңгімелеңіз — маңызды оқиғаларды
- Елестетіңіз — балама шешімдер мен ықтимал жалғасты
- Талқылаңыз — авторлық идея мен өмірлік мәнін
Концептуалдық кесте
Кейіпкерлерді төмендегі өлшемдер бойынша талдау: кейіпкер, іс-әрекеті, адамгершілік қасиеті, өмірге көзқарасы.
Сабақты бекіту
Адалдық — зұлымдықтың мысын бассын,
Қызғаншақ сорлылардың түсі қашсын.
Кездейсоқ ұшырасса дүниеде,
Тек қана ғашық жандар ұшырассын!
Бағы асқан бай болмасын, мейлі, мұнша,
Дүние ғашықтыққа толса деймін.
Қайда да ғашық жандар бірге болып,
Бір үйде ғұмыр бойы болса деймін!
Ой-толғаныс
Оқушылар негізгі кейіпкерлердің ортақ қасиеттерін жинақтап, Эйлер шеңбері арқылы қорытынды жасайды.
Қорытынды: ассоциация
Жыр мазмұны көкейімнен кетпейді.
Ер Төлеген сүйгені үшін мерт болды.
Құлай сүю — ерлікпен тең, өйткені
Қандай ауыр Жібектің мұң шеккені.
Зұлымдықтың қос ғашыққа жеткені…
Екі ғашық — көктегі қос жұлдыздай.
Рефлексия
«Сұхбат» стратегиясы
Сұрақ: Жырдан алған әсеріңіз қандай?
Үй тапсырмасы
Тақырып: «Махаббаттың мәңгілік жұлдыздары» (эссе).