Қазақша рефераттар

Жақсы кітап Әліппе, Үйретеді әріпке

Мақсаты

  • 1

    Оқушылардың сауат ашу пәні барысында алған білімдерін көрсетуіне мүмкіндік беру.

  • 2

    Мәнерлеп өлең оқуға, қара сөздерді айтуға және үйренген білім-білік дағдыларын одан әрі жетілдіруге жағдай жасау.

  • 3

    Оқуға, білім алуға, қоршаған ортаны аялауға, достық қарым-қатынас орнатуға тәрбиелеу.

Іс-шараның құрылымы

Кіріспе

Гимн орындалады. Оқушылар залға кіреді.

Перде жабық тұрады. Сахнада «Ерте, ерте, ертеде…» әуені ойнайды.

Жүргізушінің сөзі

Жүргізуші: Ал, қанеки, балалар, ата-аналар, құрметті қонақтар! Жайғасып отырыңыздар! «Әліппе».

Музыка ойнайды. Сахнада Буратино мен Мальвина билейді. Перде ашылады.

Кейіпкерлермен танысу

Жүргізуші: Балалар, бұлар кімдер? Білесіңдер ме?

Көрермендер: Бу-ра-ти-но, Маль-ви-на.

Артемон «Әліппе» кітабын тістеп алып, жүгіріп келеді.

Мальвина: Артемон, бұл не? Не көтеріп жүрсің? Бұл кітапты қайдан алдың?

Буратино: Қандай әдемі кітап! Сұраусыз алған сияқтысың ғой.

Мальвина: Буратино, бұл кітапты міндетті түрде иесіне апарып беру керек!

Буратино: Иә, дұрыс айтасың. Кеттік!

Жүргізуші: Сөйтіп, біздің кейіпкерлеріміз жолға шықты.

Кітап иесін табу

Сахнада көңілсіз отырған балалар көрінеді: бірі ойыншықпен ойнап, бірі жерге қарап отыр. Мальвина, Буратино және Артемон кіріп келеді.

Мальвина: Балалар, мына зат сендердікі ме?

Оқушылар: Алақай, кітабымыз табылды!

Буратино: Бұл қандай кітап?

1-оқушы: Бұл сиқырлы кітап.

2-оқушы:

Жақсы кітап — Әліппе,
Үйретеді әріпке.
Қуыршақпен қоштастым,
Әліппемен достастым.
А-дан бастап әріпті,
Теріп маған танытты.

3-оқушы:

Үйретті бізді Әліппе,
42 дербес әріпке.
Сөз, сөйлем құрап әріптен,
Лайық болды дәріпке.

Мальвина, Буратино: Әліппе! Жақсы екен.

4-оқушы: Келіңдер, қонақ болыңдар. Бүгін біз шексіз қуаныштымыз. Өйткені алғаш хат танытып, сауатымызды ашқан сүйікті «Әліппемен» қоштасқалы отырмыз.

5-оқушы:

Бар кітапқа бас болған,
Әліппе — ғылым анасы.
Әліппеден басталған,
Даналықтың данасы.

Хор: «Әліппе».

Буратиноның тілегі және әріптер әлемі

Буратино: Балалар, мен де сендер сияқты оқып үйренгім келеді.

6-оқушы: Буратино, қорықпа, біз саған үйретеміз. Міне, сен аңсаған әріптер де келді.

Оқымақ болып әріптерді,
Ашып едім «Әліппені».
Бұл достарым қызық неткен,
Әріп біткен зытып кеткен.

7-оқушы: Алматыға «А» бекіпті, «Ә»-ні Әсет әкетіпті.

8-оқушы: «Б» болашақтың қаласына түнеп қалыпты, нанасың ба?

9-оқушы: Гурьевпен «Г» танысыпты, бетке алыпты «Ғ» ғарышты.

10-оқушы: Сарыарқаның даласында «Д» тап болыпты боранға.

11-оқушы: Жамбылда жүр «Ж» жайраңдап, Зайсан барған «З» сайраңдап.

12-оқушы: «Т»-ның өзі таңдап барған мекені екен Талдықорған.

13-оқушы: «Қайда?» десең қалған әріп — олар да ауыл, аудан барып, еңбек етіп жатыр екен. Әріп біткен — батыр екен.

Жұмбақтар және тіл дамыту

Мальвина: Біз сендерге жұмбақтар жасырайық. Шешуін таба аласыңдар ма?

  1. Тілі бетінде, сөз шетінде. (Жауабы: сағат)

  2. Шарлап келіп даланы, үйіме үйін салады. (Жауабы: қарлығаш)

  3. Маң-маң басқан, шудаларын шаң басқан. Бұл қай жануар? (Жауабы: түйе)

14-оқушы: Біздің ата-аналарымыз да өте тапқыр.

Буратино: Олай болса, Ұлжамалдың анасы, мына жаңылтпашты айтып көріңізші.

15-оқушы:

Айта-айта жақ талды,
Қайта-қайта жатталды.
Қайта-қайта жақ талды,
Айта-айта жатталды.

16-оқушы:

Қаштым қатты-ақ,
Ұшты қалпақ.
Балақ сатпақ,
Аяқ батпақ.

Қысқаша

Бұл сценарий «Әліппемен қоштасу» мерекесін сахналауға арналған: мақсаттары айқын, көрнекіліктері мол, балалардың өлеңі, жұмбағы және жаңылтпашы арқылы оқу мен тіл мәдениеті дәріптеледі.