Көңілді күлдіргіштер
Тәрбиеші және сабақ тақырыптары
Тәрбиеші: Науқанбаева Ақерке Раймбердіқызы
Сабақ тақырыптары
- Біз шыныққан баламыз
- Қыс келді
- Көңілді күлдіргіштер
- Ұлттық ойын өнері
Оқу іс-әрекетін ұйымдастыруға арналған технологиялық карта
Негізгі мәліметтер
- Тобы
- «Тұлпар» ересек топ
- Білім беру саласы
- Денсаулық
- Бөлімі
- Дене шынықтыру
- Тақырыбы
- Біз шыныққан баламыз
Мақсаты
- Берілген тапсырмаларды зейін қойып орындауға үйрету.
- Ойын арқылы балалардың қимыл-қозғалыс әрекетін дамыту.
- Аяқ-қол, кеуде бұлшықеттерін жетілдіру және нығайту.
- Ептілікке, шапшаңдыққа және ұйымшылдыққа тәрбиелеу.
Көрнекіліктер
Сабақ барысы
Мотивациялық кезең
- Балалар спортзалға бір қатар саппен кіреді.
- Өз орындарына тұрып, амандасады.
- Көңіл-күйі сұралады.
- Өзен бойына келгендей елестетіп, балық туралы қысқаша әңгіме жүргізіледі.
Іздену-ұйымдастыру кезеңі
Жаттығулар ойын элементтерімен орындалады. Әр тапсырмада қауіпсіздік сақталып, жетекшінің нұсқауы нақты орындалады.
Жаттығу: «Көңілді доп»
Доп туралы тақпақ айтылады.
Добым, добым, домалап,
Тоқтамайсың домалап.
Тентек болып кеттің деп,
Тұрмын сені тепкім кеп.
- Допты қолға алып, қолды алға созып, саусақтармен допты айналдырамыз.
- Қолды жоғары көтеріп, допты саусақтармен айналдырамыз.
- Төсенішке отырып, аяқты алға созамыз: допты аяқтың ұшына дейін саусақпен айналдыра жеткізіп, бастапқы қалыпқа қайта келеміз.
Жаттығу: «Қолшатыр»
Жетекші жұмбақ жасырады.
Күн ашықта құр тұрамын,
Бұлтты күні қыдырамын.
- Қолшатырды ашқанда тұрамыз, жапқанда отырамыз.
- Қолшатырды ашып, жерге қоямыз да, оны айнала жүгіріп жүреміз.
- Бағытты ауыстырып жүгіреміз және бастапқы қалыпқа қайта ораламыз.
Жаттығу: Қолға және денеге массаж
Массаж доптары мен қолдан жасалған массаж құралдары қолданылады.
Оң қолымда бес саусақ,
Сол қолымда бес саусақ.
Бесті беске қосқанда,
Болады екен он саусақ.
- Массаж доптарын алақан мен білек бойымен домалатып, уқалау қимылдарын жасаймыз.
- Қолдан жасалған массаж құралдарымен арқаны жұмсақ уқалаймыз.
- Бастапқы қалыпқа қайта келеміз.
Жаттығу: «Балық аулау»
Тақпақпен сүйемелденетін қимыл жаттығулары.
Балық жүзді таза суда,
Бір керіліп, бір жиырылуда.
Жүзіп, жүзіп шаршағанда,
Тығылады тасты құмда.
- Төсенішке отырып, аяқтарды қосып алға созамыз.
- Қармақты алып, судан балық аулау қимылын жасаймыз.
- Жетекші көрсеткен ретпен қозғалыстарды қайталаймыз.
Рефлексия және түзету
Тыныс алу жаттығуы
Флешмоб: «Буги-буги»
Нені біледі
Жаттығуларды дұрыс орындау.
Қандай түсініктерді игереді
Шапшаңдық, ептілік, ұйымшылдық.
Меңгерген дағдылары мен іскерліктері
Жетекшінің нұсқауын тыңдап, негізгі іс-әрекетті орындау.
Ескерту: Сабақтың толық нұсқасын жүктеуге болады.