Қазақша рефераттар

Тура және кері санап шық

Сабақтың мақсаты

Білімділік

Балаларды 3 саны және 3 цифрымен таныстыру. Заттарды санауға машықтандыру, 3 цифрын тануға және бейнелеуге үйрету.

Тәрбиелік

Қызығушылықты арттыру, тиянақтылыққа тәрбиелеу, бір-бірін тыңдай білу дағдысын қалыптастыру.

Дамытушылық

Зат санын сәйкестендіру дағдыларын дамыту, есте сақтау қабілетін жетілдіру.

Сабақ кезеңдері

Мотивациялық-қозғаушылық кезең

Ұйымдастыру: оқушылардың оқу-құралдарын түгендеу, зейінді сабаққа шоғырландыру.

«Жемістер терейік» ойыны

  1. Тура және кері сана: 0 1 2 және 2 1 0
  2. Бұл қандай таңба? +
  3. - таңбасы туралы не білесің?
  4. +, -, = таңбалары не үшін керек?
  5. 0 саны мен цифры нені білдіреді?
  6. 2 саны туралы не білесің?
  7. Қандай геометриялық фигураларды білесің?
  8. 1 және 2: қайсысы үлкен, қайсысы кіші?
  9. Бақытта 2 шие бар еді. Ол біреуін Раминаға берді. Бақытта неше шие қалды?

Ұйымдастыру-ізденушілік кезең

«Кім тапқыр?» ойыны

Шарты: балалар суретте берілген заттардың санын табады. Осы арқылы бүгінгі сабақтың тақырыбы ашылады.

«Суреттер сөйлейді»

Суреттер арқылы 3 саны мен 3 цифрын түсіндіру, санау мен сәйкестендіруді бекіту.

Жұмбақ есептер

Гүлдерге кеп күнара,
Қонушы еді 1 ара.
Бүгін 2 туысын,
Ертіп келіпті бұл ара.
Барлығы қанша ара?

Жауабы: 3

Мұз айдында 1 бала,
Асыр сап жүр сырғанай.
Сырғанамай 2 бала,
Жағалауда тұр қарай.
Санап айтсақ ойланбай?

Жауабы: 3

Талқылау сұрақтары

  • 3 саны неге ұқсайды?
  • 3 санына байланысты қандай өлең, тақпақ білесің?

Үйімде бар үш қалам,
Үшеуін де ұштағам.
Үш досымды салдым мен,
Үш балыққа ұқсаған.

Дәптермен жұмыс

  • 3 санын ауада жазу.
  • 3 цифрын тақтаға жазу.
  • Оқулық пен жұмыс дәптеріндегі тапсырмаларды орындау.

Жұптық тапсырмалар

  1. Қай заттар үштен? Қоршап сыз.
  2. Суреттерді цифрмен сәйкестендіріп, сызықпен қос.
  3. Суреттерді салыстыр.
  4. Санын тап.
  5. Көршісін тап.

Сергіту сәті

«Зимняя физминутка»

Кері байланыс және түзету

«Микки Маус — волейболист» ойыны

Есептер шығару арқылы өткенді бекіту және жылдам ойлау дағдыларын дамыту.

Қорытынды сұрақтар

  • Бүгін қандай санмен таныстық?
  • Үш саны неше бірліктен тұрады?

Күтілетін нәтиже

Нені біледі

3 саны мен 3 цифрын таниды.

Нені түсінеді

3 цифрының жазылу жолы туралы түсінік қалыптастырады.

Нені меңгереді

Үш заттан тұратын топты табады және санын сәйкестендіреді.