Сандарды санау
Сабақтың мақсаты
- Балаларды 5 көлеміндегі сандарды тура санауға дағдыландыру.
- Кеңістікте бағдарлауға және заттарды көлеміне қарай ажыратуға үйрету.
- Геометриялық пішіндер туралы білімдерін бекіту.
- Логикалық ойындар арқылы ойлау және есте сақтау қабілеттерін дамыту.
- Балалар арасындағы қарым-қатынаста сыйластық мәдениетін қалыптастыру.
Әдіс-тәсілдер
- Көрсету
- Түсіндіру
- Әңгімелеу
Көрнекіліктер
Қояндар, тиындар, сәбіздер, саңырауқұлақтар, алмалар, Дьенеш карточкалары.
Сабақ барысы
Кіріспе: қонақтар және орталықтарға бөліну
Балалар, қараңдаршы, бізге қонақтар келді. Кәне, амандасайық. Қазір біз орталықтарға бөлінеміз: үшбұрыш таңдағандар шығармашылық орталығына, төртбұрыш таңдағандар математика орталығына өтеді. (Екі орталыққа бөліну үшін қоңырау соғылады.)
Сюжеттік бастама
Бүгін біз Алия қуыршаққа қонаққа барамыз. Ол алыста тұрады, жаяу жете алмаймыз. Оған немен барамыз? Жұмбақтың шешуі бізді апаратын көлік болады.
Жұмбақ
Қандай ғажап — қызыл үй,
Бар онда көп балалар.
Резеңкеден аяқ киім,
Бензинмен «тамақтанады».
Жауабы: автобус.
Дұрыс, балалар, бұл — автобус. Ендеше, автобусқа отырайық. Жол қысқарсын, көңілді болсын деп тақпақ айтып барайық. (Автобуспен келе жатқанда тақпақ айтылады.)
Міне, Алия қуыршаққа да келдік. Алия бізді күтіп тұр екен.
Қысқа диалог
Балалар: Сәлеметсің бе, Алия қуыршақ!
Алия: Сәлеметсіңдер ме, балалар.
Тәрбиеші: Алия, көңіл-күйің жоқ сияқты ғой?
Алия: Иә. Маған қонаққа қояндар келді, бірақ дайындаған сыйлықтарым бәріне жете ме деп уайымдап тұрмын.
Тәрбиеші: Ендеше, балалар, Алияға көмектесейік.
Балалар: Иә!
Сандарды санау және сәйкестендіру
Алия қуыршаққа біздің балалардың санай алатынын көрсетейік. Нұрай санайды, ал қалғандары мұқият тыңдап, дұрыс па, бұрыс па тексереді. Тарғын, адасып кеткен сандарды ретімен орналастыр.
Тапсырма: «Қояндарға сәбіз жетеді ме?»
Қояндарға сәбіздер жете ме? Оны қалай білеміз, қалай тексереміз? Әдіс: әр қоянның астына бір сәбізден қойып, кейін санаймыз.
- Қанша сәбіз бар?
- Қоян көп пе, әлде сәбіз көп пе?
- Қорытынды: қанша қоян болса, сонша сәбіз керек.
Өте жақсы. Енді орындарымызға отырайық.
Пішін, түс және өлшем: алмалармен жұмыс
Сұрақтар арқылы бекіту
- Алма қандай пішінге ұқсайды? (дөңгелек)
- Түсі қандай? Алмалар қандай түстерде болады?
- Дәмі қандай?
Практикалық тапсырма
Жолақшаның астына
5 үлкен алманы қойыңдар.
Жолақшаның үстіне
5 кішкентай алманы қойыңдар.
Аяулым, неше үлкен алма қойдың? Неге дәл солай қойдың?
Еркебұлан, неше кішкентай алма қойдың? Қай жолақшаға қойдың? Неге?
Әр жолда неше алма бар? (Үлкен және кішкентай алмалар саны бірдей.)
Салыстыру және қорытынды
Бір үлкен алманы алып тастайық. Енді қандай алма көп, қандай алма аз? Бірдей болу үшін не істеу керек? (Үлкен алманы қосамыз.)
Қорытынды: заттың саны оның көлеміне байланысты болмайды.
Зейінді дамыту: шапалақ ойыны
Балалар, Алия қуыршаққа жақындайық. Ол бізбен ойнағысы келеді. Қазір мұқият тыңдаңдар: мен шапалақтаймын, ал жауабын кез келген баладан сұраймын. Жауапты құлағыма сыбырлайсыңдар. (Шеңберге тұрып орындаймыз.)
Геометриялық пішіндер және кеңістікті бағдарлау
Талқылау
Менің қолымда не бар? (Геометриялық пішіндер.) Бұл сандар ма? (Жоқ.) Неге? Өйткені олардың бұрыштары мен қабырғалары бар.
«Сиқыршы» тапсырмасы
Енді сендер сиқыршы боласыңдар: геометриялық пішіндерді әртүрлі заттарға айналдырып көрейік.
Конвертпен жұмыс
Үстелдегі конверттерді ашып, ішіндегі материалдарды алдымызға қоямыз.
Сұрақтар
- Қандай пішін? (сопақша) Түсі қандай? (жасыл)
- Қандай пішін? (үшбұрыш) Түсі қандай? (көк)
Сергіту сәті: кеңістікті бағдарлау
Алдарыңдағы ақ қағазды алып, мұқият тыңдап орындаңдар:
- Ортада — аю
- Оң жақта — саңырауқұлақ
- Сол жақта — гүл
- Үстінде — бүлдірген
- Астында — бүршік
Тексеру сұрақтары
Балалар, енді тексерейік: Аяулым, Еркебұлан дұрыс орындады ма? Рената дұрыс орындады ма?
Қорытынды
Балалар, бүгін сабақта не істедік? Сабақта қиналған жерлерің болды ма? Өзіңді не үшін мақтай аласың? Көңіл-күйлерің қандай?
Алия қуыршақтың да көңіл-күйін сұрайық. Рахмет! Сау болыңдар!